Romancing the Stone

Romancing the Stone
Títol	Romancing the Stone
Ficha tecnica
Dirección	Robert Zemeckis
Dirección artistica	Agustín Ituarte
Producción	Michael Douglas
Disenyo de producción	Lawrence G. Paull
Guión orichinal	Diane Thomas
Musica	Alan Silvestri
Fotografía	Dean Cundey
Montache	Donn Cambern Frank Morriss
Escenografía	Enrique Estévez
Vestuario	Marilyn Vance
Maquillache	E. Thomas Case
Peluquería	Kathryn Blondell
Actors	Michael Douglas Kathleen Turner Danny DeVito Zack Norman Alfonso Arau Manuel Ojeda Holland Taylor Mary Ellen Trainor Eve Smith Joe Nesnow José Chávez Evita Muñoz Camillo García Rodrigo Puebla Paco Morayta Kymberly Herrin Bill Burton Ted White
Color	Color by DeLuxe Panavision
Datos y cifras
País(es)	Estaus Unius Mexico
Anyo	1984
Estreno	24 de marzo de 1984 Beverly Hills (California, Estaus Unius) 14 de setiembre de 1984 Mexico
Chenero(s)	Cine d'aventuras Cine de comedia Cine de romance
Durada	106 min.
Idioma(s)	Anglés Castellano Francés
Companyías
Productora(s)	El Corazon Producciones S.A. 20th Century Fox SLM Production Group
Distribución	20th Century Fox
Presupuesto	10 millons de dólars
Recauto	115,1 millons de dólars
Succesión de cintas
Succedida por	The Jewel of the Nile (1985, Lewis Teague)
Informacions en bases de datos especializadas:

Romancing the Stone (títol orichinal en anglés, en aragonés Romance d'a piedra, estrenada en Aragón con o títol en castellano de Tras el corazón verde, en aragonés Tras o corazón verde) ye una cinta de cine d'aventuras comico-romanticas coproducida por o cine estausunidense y lo cine britanico, estrenada l'anyo 1984 y dirichida por Robert Zemeckis, con una banda sonora orichinal d'Alan Silvestri, una dirección de fotografía de Dean Cundey y una producción cinematografica de Michael Douglas ta las productoras El Corazon Producciones S.A., 20th Century Fox y SLM Production Group. Conta con un elenco d'actors d'o cual en fan parte, entre d'atros, Michael Douglas, Kathleen Turner, Danny DeVito, Zack Norman, Alfonso Arau, Manuel Ojeda, Holland Taylor, Mary Ellen Trainor, Eve Smith, Joe Nesnow, José Chávez, Evita Muñoz, Camillo García, Rodrigo Puebla, Paco Morayta, Kymberly Herrin, Bill Burton y Ted White.

Joan Wilder vive en Nueva York y ye una conoixida escritora de novelas romanticas. En rematar a suya zaguer novela, marcha de casa ta trobar-se con a suya editora y una vecina li entrega una carta d'o suyo cunyau, que fa poquet que ha estau asasinau, y la carta contien un mapa. Mientres ella ye fuera de casa, bel un preba de dentrar-ie y asasina a lo conserche de l'edificio y Joan troba que li han feito una escardada a lo suyo apartamento. Bien luego la truca su chirmana, Elaine, qui li diz que la han secuestrau y que marce ta rescatar-la enta la ciudat de Cartagena de Indias, en Colombia. Cuan i plega, ocoronel Zolo, qui heba rechistrau lo suyo apartamento, la enganya y la fa puyar en un autobús que en cuentas de marchar enta Cartagena de Indias lo fa enta l'interior d'o país. Cuan preban de secuestrar-la, la salva Jack T. Colton, un aventurero estausunidense que accepta fer-li de guía contra lo pago de 375 dólars, estalbiando que la ensopegue la Policía que treballa ta lo coronel Zolo y tamién Ralph , un contrabandista que ha secuestrau a su chirmana. Mientres o suyo camín, troban bellas aventuras pero consiguen, seguindo lo mapa, trobar una fabulosa esmeralda y plegar en Cartagena.

A cinta s'ambienta en a suya epoca actual (1984) en Nueva York en os Estaus Unius y en Cartagena de Indias y atras localizacions en Colombia, y las suyas escenas se filmoron en Huasca de Ocampo (Hidalgo) y Jalcomulco, Veracruz, Xalapa-Enríquez y Xico (y atros puestos de Veracruz de Ignacio de la Llave), Tonaya (Jalisco), localizacions en Durango y Ciudat de Mexico en Mexico y Nueva York (Nueva York) y localizacions en Utah (incluyindo-ie St. George) en os Estaus Unius.

Se tracta d'una cinta que ha recibiu bels premios y nominacions, en destacando una nominación a los Premios Oscar (Millor Montache) en a suya 57^ena edición y dos Premios Globos d'Oro (Millor Cinta de Musical u Comedia y Millor Actriz de Musical u Comedia) en a suya 42^ena edición.

Elenco

Actor	Papel	Notas
	'

Se veiga tamién

• Cine en 1984.
• Cintas de 1984.

Vinclos externos

• (en) Romancing the Stone en Internet Movie Database.
• (en) Romancing the Stone en Rotten Tomatoes.
• (en) Romancing the Stone en Box Office Mojo.

• Datos: Q502629