Rising Sun (cinta)

Rising Sun
Títol	Rising Sun
Ficha tecnica
Dirección	Philip Kaufman
Dirección artistica	Angelo P. Graham
Producción	Peter Kaufman
Disenyo de producción	Dean Tavoularis
Guión adaptau	Michael Crichton Philip Kaufman Michael Backes
Basau en	Rising Sun, novela de Michael Crichton (1992)
Musica	Tōru Takemitsu
Soniu	Richard Beggs Karen Brocco Lindakay Brown Lisa Chino Lee Cruikshank Teresa Eckton Dan Engstrom Frank E. Eulner Amy Leigh Hunter Tom Johnson Jeff Kliment Ann Kroeber Jeffrey Kroeber Clayton Leander Mary Helen Leasman David Macmillan Thomas O'Shea Claire Sanfilippo Robert Shoup Alan Splet Dianna Stirpe Ewa Sztompke Patti Tauscher John Verbeck Hugh Waddell Marian Wallace
Fotografía	Michael Chapman
Montache	William S. Scharf Stephen A. Rotter
Escenografía	Gary Fettis
Vestuario	Jacqueline West
Peluquería	Kim Santantonio
Efectos especials	Larry L. Fuentes
Casting	Donna Isaacson
Actors	Sean Connery Wesley Snipes Harvey Keitel Cary-Hiroyuki Tagawa Kevin Anderson Mako Ray Wise Stan Egi Stan Shaw Tia Carrere Steve Buscemi Tatjana Patitz Tylyn John Peter Crombie Sam Lloyd Alexandra Powers Daniel Von Bargen Lauren Robinson Amy Hill Tom Dahlgren Clyde Kusatsu Michael Chapman Joey Miyashima Nelson Mashita Tamara Tunie Tony Ganios
Color	Color by DeLuxe Panavision
Datos y cifras
País(es)	Estaus Unius
Anyo	1993
Estreno	7 de chulio de 1993 20th Century Fox Studios (Los Angeles, California, Estaus Unius
Chenero(s)	Cine d'intriga Cine policiaco
Durada	125 min.
Idioma(s)	Anglés Chaponés
Companyías
Productora(s)	Walrus & Associates 20th Century Fox
Distribución	20th Century Fox
Presupuesto	40 millons de dólars
Recauto	107,2 millons de dólars
Informacions en bases de datos especializadas:

Rising Sun (títol orichinal en anglés, en aragonés Sol naixent, estrenada en Aragón con o suyo títol traduciu enta lo castellano como Sol naciente) ye una cinta de cine estausunidense de cine d'intriga policiaca estrenada l'anyo 1993, dirichida por Philip Kaufman seguntes un guión adaptau por Michael Crichton, Philip Kaufman y Michael Backes (basau en a novela Rising Sun, publicada por Michael Crichton en l'anyo 1992), con una banda sonora orichinal de Tōru Takemitsu, una dirección de fotografía de Michael Chapman y una producción cinematografica de Peter Kaufman ta las productoras Walrus & Associates y 20th Century Fox. Fan parte de l'elenco d'actors d'a cinta, entre d'atros, Sean Connery, Wesley Snipes, Harvey Keitel, Cary-Hiroyuki Tagawa, Kevin Anderson, Mako, Ray Wise, Stan Egi, Stan Shaw, Tia Carrere, Steve Buscemi, Tatjana Patitz, Tylyn John, Peter Crombie, Sam Lloyd, Alexandra Powers, Daniel Von Bargen, Lauren Robinson, Amy Hill, Tom Dahlgren, Clyde Kusatsu, Michael Chapman, Joey Miyashima, Nelson Mashita, Tamara Tunie y Tony Ganios.

En a seu en Los Angeles (California) se fa una fiesta de gala en o "keiretsu" Nakamoto y en una sala annexa se i troba a Cheryl Lynn Austin, una prostituta de luxo, asasinada dimpués de tener relacions sexuals dencima d'a mesa d'a sala de chuntas. Asignan lo tenient de Policía Webster "Web" Smith, y designan ta que sía lo suyo companyero a John Connor, un antigo capitán de policía y experto en afers relativos a Chapón; a misión de toz dos ye de fer d'avenidors entre los executivos chaponeses y Tom Graham, l'oficial a lo cudiau d'a investigación y antigo companyero de Smith. Connor y Smith constatan que falta un devedé de grabacions d'as camaras de seguredat y sospeitan d'Eddie Sakamura, novio de Cheryl y achent d'un keiretsu rival, pero Sakamura li promete de dar-li bella cosa, y el deixan marchar. Ishihara, un treballador de Nakamoto, fa entrega d'o devedé perdiu y en él se i veye que Sakamira heba teniu en ixa sala relacions sexuals con Cheryl, y que en rematar la heba escanyaciau. Fan una retada en casa de Sakamura pero iste fuye en un Vector W8, padeixe un accident y muere. Smith sabe que Sakamura heba interntau de contactar con él por o devedé, asinas que el fan revisar por una experta, descubrindo que ha estau manipulau ta implicar a Sakamura. John Morton, un senador que yera en contra d'a presencia d'empresas chaponesas en o país, yera en a fiesta y chusto acaba de cambiar a suya posición sobre las empresas chaponesas, y Connor y Smith sospeitan bella relación con l'asasinato, pero no consiguen trobar a lo senador. En tornar enta casa de Smith troban bien vivo a Sakamura, que explica que qui morió en o suyo auto yera un achent de Nakamoto que buscaba lo devedé orichinal, devedé que entrega a Connor. Pero de rapiconte i plegan tamién Graham y Ishihara, que matan a Sakamura y deixan por muerto a Smith. Cuan a la fin Smith y Connor revisan con l'experta lo devedé orichinal, descubren que lo senado Morton heba teniu relacions sexuals con Cheryl y asfixiando-la, marchando luego creyendo que la heba matau, anque continaba viva, y ixe ye lo motivo d'o suyo cambio de postura. Tamién se i veye cómo i dentra dimpués una atra persona, que ye qui realment asasina a la prostituta, encara que no se puet veyer qui ye. A la fin, marchan enta la seu de Nakamoto, ta fer confesar a lo verdadero culpable de l'asasinato.

A cinta s'ambienta en a suya epoca actual (1993) en Los Angeles (California); y las suyas escenas se filmoron en Long Beach, Los Angeles y Thousand Oaks (California).

Se tracta d'una cinta que ha recibiu bels premios y nominacions, encara que no a garra premio d'os mas conoixius u destacaus d'o panorama cinematografico internacional.

Elenco

Actor	Papel	Notas
	'

Se veiga tamién

• Cine en 1993.
• Cintas de 1993.

Vinclos externos

• (en) Rising Sun en Internet Movie Database.

• Datos: Q1217573