Ribes alpinum

*Ribes alpinum*
Ribes alpinum
Denominacions populars
grixolera montesina, mormostillera
Clasificación cientifica
Reino:	Plantae
División:	Magnoliophyta
Clase:	Magnoliopsida
Orden:	Saxifragales
Familia:	Grossulariaceae
Chenero:	Ribes
Especie:	R. alpinum
Descripción
Ribes alpinum Carolus Linnaeus,

A grixolera montesina^[1] u mormostillera^[1] (nombre cientifico Ribes alpinum) ye una especie de planta d'o chenero Ribes y d'a familia Grossulariaceae. Ye una planta propia d'os barcicals, matizals y marguins d'as selvas caducifolias d'o estrato subalpín y montano por dencima d'os 1.000 m (Pireneus y Prepireneus).^[2]

Descripción

Ye un arbusto sin de punchas, de 0,5 a 1,5 m d'altaria. Fuellas mas bien chicotas, de menyos de 4 cm d'amplaria, palmatifidas, con os lobulos dentaus con dients bastaixos, brunyius por l'inrevés. A floración ye entre abril y chunio. As flors son de color sorenya: as masculinas en carrazos erectos de 10 a 30 flors, as femeninas en carrazos de pocas flors (de 2 a 5), situadas en piez diferents (planta dioica). Corola con 5 petalos muit curtos. 5 estámens. Cáliz con 5 sepals patents, cuatre u cinco vegadas mas grans que os petalos, soldaus por a base. Os suyos fruitos son bayas royas, dispuestas en carrazos erectos, comestibles, pero sin guaire gusto.^[3] Presenta dos subspecies: Ribes alpinum subsp. alpinum y Ribes alpinum subsp. lucidum (Kit.) Pawl.^[4]

Habitat y distribución cheografica

Gosa estar acompanyada por Betula pendula, Juniperus communis, Gentiana lutea, Astrantia major, Knautia sylvatica, Pinus sylvestris, Pinus uncinata, Fraxinus excelsior, Fagus sylvatica, Lonicera xylosteum y Rhamnus alpina.^[2] Ye present en Austria, Anglaterra, Bulgaria, Republica Checa, Eslovaquia, Dinamarca, Finlandia, Francia, Alemanya, Suiza, Espanya, Hongría, Italia, os Balcans, Noruega, Polonia, a Rusia europea, os Estaus balticos, Suecia, o Caucas, Turquía (Anatolia), Irán y Marruecos. Ha estau ficada en os Estaus Unius (Michigan).^[4]

Referencias

1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
1 2 (ca) Flora Catalana
↑ Pascual, Ramon, 1999. Guia dels arbustos dels Països Catalans. Editorial Pòrtic, Natura. Barcelona. ISBN 8473065042. Pàg. 41.
1 2 (en) Catalogue of Life

Datos: Q149260
Multimedia: Ribes alpinum / Q149260
Especies: Ribes alpinum

[DACC-1] 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[Flora_Catalana-2] 1 2 (ca) Flora Catalana

[Pascual,_Ramon,_[[1999]].-3] Pascual, Ramon, 1999. Guia dels arbustos dels Països Catalans. Editorial Pòrtic, Natura. Barcelona. ISBN 8473065042. Pàg. 41.

[Catalogue_of_Life-4] 1 2 (en) Catalogue of Life

[1]

[2]

[3]

[4]