Rial (moneda)

Rial †
Rial de 1360, de Frederico III de Sicilia, 1355-1377
Información cheneral
Ambito:	Toda Europa
Materials:	Oro, archent u bellón
Emisor:	Autoridat reyal

Rial^[1] u real^[1] (d'o latín regālis) ye a denominación que recibiban diferents tipos de moneda, totas actualment en desuso. En a Edat Meya designaba la moneda que emitiba o rei (d'asti real), en oposición a a moneda bispal, contal u local, y podeba ser feta de diferents metals (oro, archent u bellón).

Muitas monedas d'ambito castellano u portugués u en cheneral hispano han recibito a denominación de "real" en os respectivos idiomas, y encara actualment a moneda de Brasil se denomina real.

Curiosament o nombre pervive en o mundo musulmán. L'antiga influencia comercial portuguesa en l'Oceano Indico puet explicar a denominación de rial d'as monedas d'Irán y países arabes como Yemen, Omán, Qatar y Arabia Saudita.

Tamién deciban popularment rials a las monedas espanyolas de 25 centimos. D'esta traza o rial yera a quatrena part d'a peceta y a vintena part d'o duro.

Referencias

↑ ^1,0 ^1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

Datos: Q1370372
Multimedia: Real español / Q1370372

[DORTO-1] 1,0 ^1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[1]