Revolution (cinta de 1985)

Iste articlo ye sobre una cinta britanica de drama historico estrenada en 1985; ta atros usos, se veiga Revolution y Revolution (cinta).

Revolution
Títol	Revolution
Póster d'a cinta.
Ficha tecnica
Dirección	Hugh Hudson
Dirección artistica	Jon Bunker Arthur Max Malcolm Middleton
Producción	Irwin Winkler
Disenyo de producción	Assheton Gorton
Guión orichinal	Robert Dillon
Musica	John Corigliano
Fotografía	Bernard Lutic
Montache	Stuart Baird
Escenografía	Ann Mollo
Vestuario	John Mollo
Maquillache	Paul Engelen
Peluquería	Barry Richardson
Efectos especials	Nick Middleton Alan Whibley
Casting	Noel Davis
Actors	Al Pacino Donald Sutherland Nastassja Kinski Dexter Fletcher Sid Owen Joan Plowright Dave King Steven Berkoff John Wells Annie Lennox Richard O'Brien Paul Brooke Frank Windsor Jesse Birdsall Larry Sellers Graham Greene Robbie Coltrane
Color	Technicolor
Datos y cifras
País(es)	Reino Uniu Noruega
Anyo	1985
Estreno	25 d'aviento de 1985 Estaus Unius 17 de chinero de 1986 Noruega 31 de chinero de 1986 Reino Uniu.
Chenero(s)	Cine de drama Cine historico
Durada	124 min.
Idioma(s)	Anglés
Companyías
Productora(s)	Goldcrest Films
Distribución	Columbia-Cannon-Warner Distributors
Presupuesto	19 millons de libras
Recauto	358.574 dólars
Informacions en bases de datos especializadas:

Revolution (títol orichinal en anglés, en aragonés Revolución, estrenada en Aragón con iste zager títol) ye una cinta de cine de drama historico coproducida por o cine britanico y lo cine noruego, dirichida por Hugh Hudson seguntes un guión orichinal de Robert Dillon, una banda sonora orichinal de John Corigliano, una dirección de fotografía de Bernard Lutic y una producción cinematografica d'Irwin Winkler ta la productora cinematografica Goldcrest Films. Conta con un elenco d'actors d'o cual en fan parte, entre d'atros, Al Pacino, Donald Sutherland, Nastassja Kinski, Dexter Fletcher, Sid Owen, Joan Plowright, Dave King, Steven Berkoff, John Wells, Annie Lennox, Richard O'Brien, Paul Brooke, Frank Windsor, Jesse Birdsall, Larry Sellers, Graham Greene y Robbie Coltrane.

En 1776, Tom Dobb ye un trampero que vive d'a venda d'as piels d'os animals que caza. Lo 4 de chulio d'ixe mesmo anyo plega en a ciudat de Nueva York con o suyo fillo Ned y veyen cómo una turba esboldrega una estatua d'o rei Chorche III d'o Reino Uniu de Gran Bretanya y Irlanda, país a lo que perteneixen as colonias britanicas en America. Ixa mesma turba s'apropia d'as piels de Tom y a cambio li entregan un pagaré, destinando los diners que obtienen a financiar a revolución independentista. Amás, Ned s'alista como tamborinero en o clamau "exercito continental" d'os rebels. A maa raca, Tom tamién s'alista ta poder protecher a lo suyo fillo, encara que creye que ye millor mantener-se luent d'os problemas d'a guerra. Siultaniament, Daisy McConnahay fa parte d'una familia de l'aristocracia colonial y fervient partidaria d'a independencia, y s'alista como enfermera; poco dimpués troba a Dobb y Ned que fuyen d'a redota en a batalla de Long Island contra los britanicos, que son bien amán de dentrar en Nueva York. Daisy preba de convencer a su pai, un cabalero comerciant de Nueva York, ta que refirme a los rebels, pero la suya familia ye partidaria d'os britanicos. Dobb y Ned, después d'una nueva redota en una batalla, deciden desertar, marchando enta la Nueva York ocupada por os britanicos. En a ciudat troban a Daisy, qui los critica publicament por haber desertau, provocando asinas o suyo arresto como rebels. Poco dimpués un oficial britanico se propasa con ella en una fiesta en casa d'a familia y ella l'esmagra. A suya familia, en cuentas de refirmar-la, li diz que ha d'esleyir entre éls u los rebels. De mientras, os britanicos fan servir, con sadismo, a Tom y a un atro preso como falsas rabosas ta practicar a caza d'a rabosa. Rncara que son encadenaus, Tom logra fuyir pero lo suyo companyero queda muerto. Ned, que se troba en a carrera, ye recrutau por l'exercito britanico, cayendo en mans d'un sarchento bien perigloso, Peasy, qui lo maltracta greument en negar-se a cumplir órdens. Tom consigue recuperar-lo, levando-se con él a Merle, un amigo de Ned, en dentrar en o campamento britanico. Consiguen evitar a indios partidarios d'os britanicos que los persiguen y finalment troban una tribu partidaria d'os rebels, que los cudian. Dimpués tornan a alistar-se en l'exercito rebel, a on troban tamién a Daisy. Ned i conoix a Bella, filla d'un soldau rebel, y se cada con ella, y finalment Tom y Daisy s'enamoran, encara que la mesacha desaparixe cuan os britanicos atacan un convoy de ferius. Tres anyos dimpués, Tom y Ned partecipan en a batalla de Yorktown. Cuan remata la guerra con a victoria d'os rebels, Tom y Ned tornan en Nueva York, descubrindo que lo pagaré no vale cosa y que la promesa de tierras que lis heban feito en alistar-se no se cumplirá. Ned marcha con Bella enta l'interior ta fundar un grancha y finalment Tom troba a Daisy viva.

A cinta s'ambienta en 1776, 1777, 1778, 1779, 1780, 1781, 1782 y 1783, mientres a Guerra d'independencia d'os Estaus Unius, en Nueva York y atros puestos d'os estaus de Nueva York y Virchinia, y las suyas escenas se filmoron en King's Lynn (Norfolk), Ely (Cambridgeshire) y en o condau de Devon en o Reino Uniu, y en localizacions en Noruega.

Elenco

Actor	Papel	Notas
	'

Se veiga tamién

• Cine en 1985.
• Cintas de 1985.

Vinclos externos

• (en) Revolution en Internet Movie Database.
• (en) Revolution en TCM Movie.
• (en) Revolution en Box Office Mojo.
• (en) Revolution en Rotten Tomatoes.
• (en) Revolution en Screenonline d'o British Film Institute.
• (en) Revolution en Discogs.

• Datos: Q1027212