Repasas
As repasas[1][nota 1] son o repui d'a preparación d'o café. Tienen cuantos usos pa o suyo reciclache asinas como a suya reutilización.
En o sieglo XIX s'utilizoron granos de café usaus pa adulterar o café puro,[2] fendo "café de repasas"[1].
Uso en chardinería y horticultura
[editar | modificar o codigo]En chardinería, as repasas se pueden utilizar pa compostache u como bufana.[3] Son especialment apreciadas por os gusarallos y plantas necesitadas d'acido como l'anayonera.[4] Como fertilizant, ufren una preciable aportación de nitrocheno y potasio. Mas que mas, en estar acidas, pueden rebaixar o pH d'os terrenos muit alcalinos, por lo que son apreciadas por as plantas acidofilas; d'atra man, por ixa mesma razón as repasas s'han d'evitar en o caso de plantas que en cuentas de terrenos acidos s'estiman mas d'os calcarios u basicos.
Os chardiners han emplegau tradicionalment as repasas como repelents de limacos y caragols,[3][5] pero isto encara no ha estau prebau cientificament.
Uso domestico y cosmetico
[editar | modificar o codigo]As repasas s'han emplegau con exito como desodorant (por eixemplo en o frigorifico) y se fan servir en cuantos atros usos domesticos que van dende a limpieza d'a casa dica a hichiene personal. Son documentadas practicas de cosmetica como l'uso pa revifar a color castanya d'o pel u a exfoliación.[6][7]
Se veiga tamién
[editar | modificar o codigo]Notas
[editar | modificar o codigo]- ↑ En plural.
Referencias
[editar | modificar o codigo]- 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Pendergrast, Mark Uncommon grounds: the history of coffee and how it transformed our world 2010 Basic Books. eISBN :978-0-465-02404-9
- 1 2 (en) Don't Throw Out Your Leftover Coffee Grounds! Huffington Post, 4 d'agosto de 2014
- ↑ (es) The Rodale book of composting Coffee wastes. Deborah L Martin y Grace Gershuny. Rodale Press. Emmaus, PA, 1992. Pach. 86. ISBN 978-0-87857-991-4
- ↑ (en) NORTH COAST GARDENING: Winter vegetable growing. Eureka Times-Standard, 24 d'aviento de 2014
- ↑ (en) Huffington Post
- ↑ (it) 20 usi alternativi del caffè - Slow Food - Buono, Pulito e Giusto. Slow Food
| Control d'autoridaz |
|
|---|
Datos: Q362788
Multimedia: Coffee grounds / Q362788