Renegades (cinta de 2017)

Iste articlo ye sobre una cinta de cine d'intriga d'acción coproducida por o cine estausunidense y cuantos cines esuropeus y estrenada en 2017; ta atros usos, se veiga Renegades y Renegades (cinta).

Renegades
Títol	Renegades
Ficha tecnica
Dirección	Steven Quale
Dirección artistica	Michael Fissneider Ivo Husnjak Dominique Moisan Cornelia Ott Veronika Radman Stéphane Robuchon Etienne Rohde Ivana Skrabalo Patrick Tandiang Thierry Zemmour
Producción	Luc Besson Raphaël Benoliel
Disenyo de producción	Hugues Tissandier
Guión orichinal	Luc Besson Richard Wenk
Musica	Éric Serra
Fotografía	Brian Pearson
Montache	Florent Vassault
Escenografía	Kara Lindstrom Evelyne Tissandier
Vestuario	Esther Walz
Maquillache	Tamar Aviv Mirna Curak Iva Gasparac Tina Jesenkovic Jan Kempkens-Odemski Valeska Schitthelm Jenna Smith
Peluquería	Tina Jesenkovic Valeska Schitthelm Jenna Smith
Casting	Mindy Marin Mladen Starcevic Cornelia von Braun
Actors	Sullivan Stapleton Charlie Bewley Alain Blažević Sylvia Hoeks Joshua Henry Andrej Dojkić Diarmaid Murtagh Dimitri Leonidas Clemens Schick Ewen Bremner J. K. Simmons
Datos y cifras
País(es)	Francia Alemanya Belchica Estaus Unius Malta Croacia Países Baixos
Anyo	2017
Estreno	31 d'agosto de 2017 Republica de China 1 de setiembre de 2017 Países Baixos 14 de setiembre de 2017 Croacia 29 de chunio de 2018 Alemanya 29 d'agosto de 2018 Francia 21 d'aviento de 2018 Estaus Unius
Chenero(s)	Cine d'intriga Cine d'acción
Durada	105 min.
Idioma(s)	Anglés Serbocroata Alemán
Companyías
Productora(s)	EuropaCorp Studio Babelsberg
Distribución	EuropaCorp Distribution Universum Film Centralfilm
Estudio(s)	AED Studios NV Studio Babelsberg Malta Film Studios
Presupuesto	66,2 millons d'euros
Recauto	2,2 millons de dólars
Informacions en bases de datos especializadas:

Renegades (títol orichinal en anglés, en aragonés Renegaus, estrenada en Aragón con o suyo títol traduciu enta lo castellano como Renegados) ye una cinta de cine d'intriga d'acción estrenada en 2017, coproducida por o cine francés, o cine alemán, o cine belga, lo cine estausunidense, lo cine maltés, o cine croata y lo cine neerlandés, dirichida por Steven Quale seguntes un guión orichinal de Luc Besson y Richard Wenk, una dirección de fotografía de Brian Pearson, una banda sonora orichinal d'Éric Serra y una producción cinematografica de Luc Besson y Raphaël Benoliel ta las productoras EuropaCorp y Studio Babelsberg. Fan parte de l'elenco d'actors d'a cinta, entre d'atros, Sullivan Stapleton, Charlie Bewley, Alain Blažević, Sylvia Hoeks, Joshua Henry, Andrej Dojkić, Diarmaid Murtagh, Dimitri Leonidas, Clemens Schick, Ewen Bremner y J. K. Simmons.

Cuan en agosto de 1944 las tropas aliadas son rematando la operación Overlord y prencipian o suyo abance enta París, os mandos d'a Wehrmacht d'o Tercer Reich deciden tresladar enta territorio alemán 25 toneladas de lingotes d'oro que han robau mientres a suya ocupación de Francia ta evitar que los pillen os aliaus. Fan o treslau de l'oro dica Bosansko Grahovo, en l'actual Bosnia y Herzegovina, a on dipositan l'oro en cambra de seguridat d'un banco d'o lugar, ta dimpués asasinar a toz os suyos habitants. Nomás se salva un nino a qui su mai ha feito fuyir en plegar os alemans, y a qui troban os partisanos d'a resistencia yugoslava. Anyos dimpués, en 1995 mientres a guerra de Bosnia y Herzegovina, un equipo d'os United States Navy SEALs que fan servir o disvraz de periodistas executan una operación ta capturar a lo cheneral Milić, dirichent d'os serbobosnios y responsable de greus crímens de guerra, encara que cuan fuyen lo fan en un tanque y provocan danyos en a ciudat. Reprendius por o suyo chefe por ixo, lis dan tres días de permiso. Un d'os miembros de l'equipo, Stanton Baker, tien una relación con una cambrera local, Lara, y pasa la nueit con ella. De maitinada, dentra en a casa una colla de farutes lideraus por o chirmano de Lara que desichen bella cosa a la mesacha. Se salvan cuan plega Matt Barnes, lo chefe de l'equipo de Navy SEALs y alavez Lara explica que ye la nieta d'ixe nino que heba conseguiu fuyir d'o pueblo, que lo nino heba conseguiu amagar un lingote d'oro antes de que lo trobasen os partisanos y que dimpués d'a mortalera feita por os alemans heban sepultau o lugar baixo las auguas. Finalment a mesacha lis proposa que l'aduyen a rescatar l'oro submerchiu y que por ixo recibirán una part de l'oro, destinando-se l'atra a finaniar a reconstricción de Bosnia y Herzegovina dimpués d'a guerra. O problema ye que l'oro se troba en territorio serbobosnio controlau por Petrović, lo segundo a lo mando d'o cheneral que heban secuestrau y que a fixau un pre a la cabeza de l'equipo.

A cinta s'ambienta en dos momentos diferents, en 1944 en París y Bosansko Grahovo y en 1995 en Sarajevo, Bosansko Grahovo y atros puestos de Bosnia y Herzegovina, y las suyas escenas se filmoron en Zagreb (condau de Zagreb), Karlovac y Ogulin (condau de Karlovac) y Lokve (condau de Primorje-Gorski Kotar) en Croacia, en Hum (cantón de Bosnia Central) en Bosnia y Herzegovina y en Malta, amás d'en os AED Studios NV en Lint (provincia d'Anvers) en Belchica, lo Studio Babelsberg en Potsdam (Brandemburgo) en Alemanya y los Malta Film Studios en Kalkara en Malta.

Elenco

Actor	Papel	Notas
	'

Se veiga tamién

• Cine en 2017.
• Cintas de 2017.

Vinclos externos

• (en) Renegades en Internet Movie Database.
• (en) Renegades en Metacritic.

• Datos: Q19897965