Reino d'as Dos Secilias

De Biquipedia
(Reendrezato dende Reino de Dos Secilias)
Ir ta: navego, busca
Regno delle Due Sicilie
Reino d'as Dos Secilias
Monarquía
Bandiera del Regno di Sicilia 4.svg Flag of the Kingdom of Naples.svg 1861 — 1816 Flag of Italy (1861-1946).svg
Bandera Escudo d'armas
Himno nacional: Inno al Re
(Himno ta o Rei)
Situación de Reino d'as Dos Secilias
O Reino d'as Dos Secilias, en verde.
Capital Nápols
Idioma oficial
 • Atros idiomas
italián
secilián, napolitán
Relichión catolicismo
Gubierno monarquía absoluta
 • Fundación 12 d'aviento de 1816
 • Unificación italiana 12 de febrero de 1861
Moneda Ducato d'as Dos Secilias

O Reino d'as Dos Secilias estió un estau con territorio en o sud d'a Peninsula Italica, Secilia y qualques islas d'arredol. O Reino d'as Dos Secilias fue creyau en 1816 (en ixas envueltas d'o Congreso de Viena), con os territorios d'os anteriors Reino de Nápols y Reino de Secilia, y remató anexionau por o Reino d'Italia en 1861 en o proceso d'Unificación d'Italia. A suya forma de gubierno estió a monarquía absoluta, estando baixo control d'a branca espanyola d'os Borbons.

Orichen d'o nombre[editar | editar código]

L'orichen d'o nombre de "Dos Secilias" se remonta a l'arribada a Italia de Carlos I d'Anchú en 1259, qui recibió d'o Papa Climent IV o títol de Utriusque Siciliae Rex ("Rei d'as Dos Secilias"). Dimpués d'a revuelta d'as Vespras Secilianas, esdevenida en l'anyo 1282, o reino quedó dividiu en dos partz: a isla de Secilia quedó en mas d'a Corona d'Aragón y a part continental en mans d'os Anchú. Os dos reis feban servir o títol de Rei de Secilia. D'astí naixioron as denominacions de Regno di Sicilia al di qua del faro (Reino de Secilia d'este costau d'o faro) y Regno di Sicilia al di là del faro (Reino de Secilia de l'atro costau d'o faro), en referencia a lo Faro de Mecina. En o Congreso de Viena de 1816, s'oficializó a unión d'o Reino de Secilia y d'o Reino de Nápols y o rei Ferrando I fació servir a denominación de "Dos Secilias" pa dicir o nuevo reino.