Veyer o codigo fuent de «Reino d'Anglaterra»

{{Ficha d'estau desapareixiu
|nombre_oficial = Kingdom of England
|nombre = Reino d'Anglaterra
|nombre_común = Reino d'Anglaterra
|forma_de_gubierno = [[Monarquía]]
|status =
|era = 
|anyo_inicio = 927
|anyo_fin = 1707
|evento_inicio =
|evento_fin = Establimiento d'o [[Reino de Gran Bretanya]]
|calendata_inicio  = 
|calendata_fin  = 
|evento_posterior1 = 
|calendata_evento_posterior1 = 
|p1          = Reino de Wessex
|bandera_p1     = FlagOfWessex.svg
|p2          = Reino de Sussex
|bandera_p2     = Arms of Sussex.svg
|p3          = Reino d'Essex
|bandera_p3     = Arms of Essex.svg
|p4          = Reino de Kent
|bandera_p4     = Flag of Kent.svg
|p5          = Reino de Mercia
|bandera_p5     = Saint Alban's cross.svg
|p6          = Reino d'Anglia Oriental
|bandera_p6     = Flag of East Anglia.svg
|p7          = Reino de Northumbria
|bandera_p7     = Flag of Northumbria.svg
|p8          = Dumnonia
|bandera_p8     = 
|p9          = Prencipiau de Galas
|bandera_p9     = Banner of Llywelyn (Square).svg
|s1          = Reino de Gran Bretanya
|bandera_s1     = Flag of Great Britain (1707–1800).svg
|imachen_bandera  = Flag of England.svg
|imachen_escudo  = Royal Coat of Arms of England (1399-1603).svg
|simbolo      = 
|mapa   = Location map of England in 1700.svg
|aclaración_mapa = Reino d'Anglaterra.
|chentilicio = [[Angleses|Anglés/a]]{{DORTO}}
|capital = [[Winchester]] ([[886]]-[[1045]])<br />[[Londres]] ([[1045]]-[[1707]])
|lema_nacional   = Dieu et mon droit
|himno_nacional  = 
|idioma = 
|idioma_no_oficial = [[Idioma anglés|anglés]], [[Idioma norrén antigo|norrén antigo]], [[Idioma galés|galés]], [[Idioma cornuallés|cornuallés]], [[Idioma cumbrico|cumbrico]], [[Idioma anglo-normando|anglo-normando]], [[Idioma francés|francés]], [[latín medieval]]
|lechislatura = 
|relichión = [[Ilesia Catolica|Catolica]] (dica o [[sieglo XVI]])<br />[[Ilesia d'Anglaterra]], [[Puritanismo]]
|moneda = [[Libra esterlina]]
|títol_líder = [[Lista de reis d'Anglaterra|Rei d'Anglaterra]]
|líder1      = [[Alfredo lo Gran]]
|anyo_líder1 = [[886]]-[[899]]
|líder2      = [[Guillén I d'Anglaterra]]
|anyo_líder2 = [[1066]]-[[1087]]
|líder3      = [[Ricardo I d'Anglaterra]]
|anyo_líder3 = [[1189]]-[[1199]]
|líder4      = [[Henrique IV d'Anglaterra]]
|anyo_líder4 = [[1399]]-[[1413]]
|líder5      = [[Eduardo IV d'Anglaterra]]
|anyo_líder5 = [[1461]]-[[1483]]
|líder6      = [[Henrique VIII d'Anglaterra]]
|anyo_líder6 = [[1509]]-[[1647]]
|líder7      = [[Isabel I d'Anglaterra]]
|anyo_líder7 = [[1558]]-[[1603]]
|líder8      = [[Ana de Gran Bretanya]]
|anyo_líder8 = [[1702]]-[[1707]]
|datos_anyo1   = 
|datos_superficie1   = 
|datos_población1   = 
|datos_anyo2   = 
|datos_superficie2   = 
|datos_población2   = 
|miembro_de = 
|notas    = 
}}
O '''Reino d'Anglaterra''' (en [[Idioma anglés|anglés]] ''Kingdom of England'', en [[latín]] ''Regnum Anglorum'', estió un [[estau sobirano]] en forma de [[monarquía]] existent en as [[islas britanicas]], mas que mas en a [[isla de Gran Bretanya]], cuan s'adhibioron por conquiesta os reinos en que yera dividida l'[[Anglaterra anglo-saxona]] ([[927]]) dica que l'[[1 de mayo]] de [[1707]] s'escaició la ''[[Union Act]]'' y lo reino d'Anglaterra se fusionó con lo [[reino d'Escocia]], con qui compartiba la fegura d'o rei en una [[unión personal]], ta formar o [[Reino de Gran Bretanya]].

O [[12 de chulio]] de [[927]] cualques reis anglo-saxons churoron leyaltad a [[Athelstan de Wessex|Athelstan]], rei de [[Reino de Wessex|Wessex]], unificando-se asinas la mayor parte de l'actual Anglaterra baixo lo dominio d'un solo rei.<ref>{{en}} [[Frank Stenton]]: ''Anglo-Saxon England'' (2001, 3<sup>era</sup> ed.), [[Oxford University Press]]. p. 340. ISBN 9780192801395.</ref> En [[1016]] o reino d'Anglaterra s'encorporó en o clamau ''[[Imperio d'a mar d'o Norte]]'' de [[Canuto II de Dinamarca]] ''lo Gran'', de feito una unión personal d'os reinos de [[Dinamarca]], [[Noruega]] y Anglaterra. En [[1066]], con a [[conquiesta normanda d'Anglaterra]], transfirioron la [[Capital (politica)|capital]] d'o reino de [[Winchester]] a [[Westminster]], convertindo-se asinas a [[ciudat de Londres]] en o principal centro de [[comercio]] d'o país.<ref>{{en}} [[Christopher Brooke]] y [[Keir, Gillian]]: ''The Shaping of a City: 800-1216'', Londres, 1975, [[University of California Press]]. ISBN 9780520026865.</ref>

La historia d'o reino dende 1066 con a conquiesta normanda gosa destinguir de forma convencional periodos que reciben o suyo nombre d'as succesivas dinastías que rechioron o país: [[Casa de Normandía]] ([[Anglaterra normanda]], [[1066]]-[[1154]]), [[Casa de Plantagenet]] ([[Periodo Plantagenet]], [[1154]]-[[1485]]), [[Casa de Tudor]] ([[Periodo Tudor]], [[1485]]-[[1603]]) y [[Casa d'Estuardo]] ([[Epoca estuardiana]], [[1603]]-[[1707]]). Tanimientres, toz os monarcas angleses dende 1066 son y s'en reclaman descendients d'os monarcas normandos; d'atra man, la distinción entre normandos y Plantagenet ye nomás que convencional, en estar nomás que os reis d'orichen normando s'identifican mas con o reino anglés y con os suyos subditos angleses en defecto d'os suyos subditos franceses; la [[Casa de Lancaster]] y la [[Casa de York]] son nomás que dos brancas segundarias d'os Plantagenet; la dinastía Tudor afirma estar descendient d'[[Eduardo III d'Anglaterra]] a traviés de [[John Beaufort]] y [[Chacobo I d'Anglaterra]] y con él toda la casa d'Estuardo dicen estar descendients d'[[Henrique VII d'Anglaterra]] a traviés de [[Margaret Tudor]].

Dimpués d'a conquista normanda d'Anglaterra, los reis normandos preboron d'enamplar os suyos dominios, en dos direccions, enta rechions que arredolaban as suyas posesions. enta lo resto d'as [[islas britanicas]] ([[Irlanda]], [[Galas]] y [[Escocia]]) y entra territorios en o [[reino de Francia]] enamplando territoiros dende o [[ducau de Normandía]], d'a on yeran orichinarios os normandos. Isto se convertió en una constant en a Historia d'o reino mientres todas las suyas dinastías, un expansionismo agresivo respective d'os suyos vecins por parte d'uns monarcas que cada vegada mas s'auto-identificaban como ''[[angleses]]''. Asinas, dende lo [[sieglo XIII]] los reis normandos facioron de contino expedions enta l'amanada [[isla d'Irlanda]] y o rei [[Eduardo I d'Anglaterra]] remató en [[1284]] la [[Conquiesta de Galas por Eduardo I d'Anglaterra|conquiesta]] de [[Galas]]. Tanimientres, Eduardo I no aconsiguió so que un exito prou limitau en as suyas conquiestas en Irlanda y, encara que ocupó lo [[reino d'Escocia]], os suyos abances rematoron con la redota de su fillo, [[Eduardo II d'Anglaterra|Eduardo II]], por parte d'as tropas escocesas. [[Eduardo III d'Anglaterra]] convirtió a lo suyo reino en una d'as prencipals potencias militars d'Europa y mientres o suyo reinau bi habió abances destacaus en temas de [[lechislación]] y de dreitos, conformando-se los fundamentos d'o [[Parlamento d'Anglaterra]]. Dende [[1340]] los reis d'Anglaterra reivindicoron estar tamién reis de [[Reino de Francia|Francia]], escomenzando asinas a [[Guerra d'os Cient Anyos]], que remató con a perduga total de toz os territorios a lo sud d'a [[canal d'a Manga]], a excepción d'a ciudat de [[Calais]]. Con a [[Guerra d'as Dos Rosas]], una [[guerra civil]] que esclató en [[1455]], lo reino d'Anglaterra perdió definitivament as suyas opcions d'expansión enta lo continent.

En rematar a guerra d'as Dos Rosas, la dinastía Tudor, mientres o clamau ''[[Renaiximiento anglés]]'' enampló lo poder d'a monarquía anglesa dillá de l'Anglaterra clasica, en aconseguir no nomás la unidat total d'os territorios d'o reino so que también rematando en [[1542]] la conquiesta d'o [[Prencipau de Galas]]. Os Tudor tamién aconsiguioron la total sumisión d'a [[isla d'Irlanda]], en formndo-ie un reino nuevo deseparau d'o reino d'Anglaterra pero en [[unión personal]] con iste (lo [[reino d'Irlanda]]), situación que tenió continidat mientres varios sieglos. [[Henrique VIII d'Anglaterra|Henrique VIII]] establió la [[Reforma anglicana]] en crebar os vinclos con a [[Ilesia Catolica]] en rechazar ista lo suyo [[esvurcio]] con [[Catalina d'Aragón]], [[Lista de consorts de reis d'Anglaterra|reina consort]]; tanimientres, respective d'os aspectos mas doctrinals, l'[[anglicanismo]] y la [[Ilesia anglicana]] no se desembolicoron formalment so que dica lo reinau de su fillo [[Eduardo VI d'Anglaterra|Eduardo VI]]. Encara que lo reino tornó en o [[Catolicismo]] mientres o breu reinau d'a filla d'Eduardo, [[María I d'Anglaterra]] ([[1553]]-[[1558]]), su [[Chirmanastro|chirmanastra]] [[Isabel I d'Anglaterra|Isabel I]] restablió lo [[Protestantismo]] en o reino en os termins fixaus por l'[[Alcuerdo relichioso isabelín]], establindo tamién os fundamentos de l'[[Imperio Britanico]] en estar la primera monarca anglesa en reclamar territorios dillá de l'[[Oceano Atlantico]], fuera d'[[Europa]]. Respective d'o [[Reino d'Escocia]], que mugaba a lo sud con o reino d'Anglaterra, Henrique tenió una politica muito mas agresiva que su filla Isabel, qui yera muit intresada en o desembolique en Escocia d'a suya propia reforma relichiosa protestant y que a mas yera conscient que en morir ella qui la succedería sería lo titular d'o reino d'Escocia.

Con o reinau de [[Chacobo VI d'Escocia]] (como [[Chacobo I d'Anglaterra]]) la [[dinastía d'Estuardo]] gubernó lo reino d'Anglaterra (ya con Irlanda y Galas plenament incorporaus) en una unión personal con o reino d'Escocia, rematando asinas la unificación politica d'as [[islas britanicas]]. Tanimientres, os Estuardo tenioron problemas de tipo relichioso (éls yeran catolicos) y tot ixo provocó la clamada [[Guerra Civil Anglesa]] y l'execución d'o rei [[Carlos I d'Anglaterra]] lo [[30 de chinero]] de [[1649]]. Encara que en [[1660]] Anglaterra tornó a estar una monarquía formal, s'heba produciu un cambeo muit important porque dende alavez s'establió lo principio fundamental en o reino de que lo rei no podeba gubernar en contra d'o [[Parlamento]]. Iste principio s'establió formalment y yera una d'as consecuencias churidicas y politicas d'a [[Revolución Gloriosa]] de [[1688]]. Dende alavez, o reino d'Anglaterra y los suyos succesors (o [[Reino de Gran Bretanya]], lo [[Reino Uniu de Gran Bretanya y Irlanda]] y lo [[Reino Uniu de Gran Bretanya y Irlanda d'o Norte]]) han funcionau de contino como una [[monarquía constitucional]].

Dende l'[[1 de mayo]] de [[1707]], seguntes os termins de l'[[Acta de Unión]] (''[[Union Act]]''), desparixe legalment o reino d'Anglaterra, en unir-se como una unidad politica con o [[reino d'Escocia]] ta formar o [[reino de Gran Bretanya]].

== Nombre ==
Os [[anglosaxons]] se clamaban a sí mesmos como ''Engle'' u ''Angelcynn'', que yeran os nombres orichinals d'o [[Pueblos chermanicos|pueblo chermanico]] d'os [[anglos]]. Clamoron a lo territorio a on se i heban asentau como ''Engla land'' (ye decir, ''tierra d'os engla''), un toponimo que [[Æthelweard (historiador)|Æthelweard]] latinizó en o suyo ''[[Chronicon Æthelweardi]]'' como ''Anglia'' en referencia a la clamada ''[[Angeln|Anglia viella]]'', lo soposau puesto d'orichen d'a tribu d'os anglos en a [[peninsula de Chutlandia]]; tanimientres, [[Beda o Venerable]] clamaba a ixe puesto d'orichen ''Angulus''.<ref>{{en}} Stephen Harris: ''Race and Ethnicity in Anglo-Saxon Literatur'', en ''Studies in Medieval History and Culture''. Routledge, [[2004]], 139f.</ref> O nombre de ''Engla land'' se convertió en ''England'' por [[haplolochía]] en l'[[idioma anglés meyo]]<ref>{{en}} Mayhew, A. L.; Skeat, Walter W.: ''[https://www.gutenberg.org/ebooks/10625 A Concise Dictionary of Middle English From A.D. 1150 To 1580''], 1888.</ref> En latín se feba servir ''Anglia'' u ''Anglorum terra'' y en [[Idioma francés antigo|francés antigo]] y en [[Idioma anglo-normando|anglo-normando]] s'emplegaba ''Engleterre''.<ref>{{fr}} ''Anglia'' (por L. Favre, 1883–1887), en du Cange, et al.: ''Glossarium mediae et infimae latinitatis'', éd. augm., Niort: L. Favre, 1883‑1887, t. 1, col. 251c.</ref> Dende lo [[sieglo XIV]], ''England'' tamién se feba servir en referencia a toda la [[isla de Gran Bretanya]]. En [[Idioma aragonés|aragonés]] se fa servir ''Anglaterra'' derivada d'o [[latín]] ''Angla terra'' u ''tierra d'os anglos''.

O títol estandarizau en latín que feban servir os reis d'Anglaterra ta referir-se a éls mesmos yera dende Æthelstan dica [[Chuan I d'Anglaterra|Chuan I]] yera lo de ''Rex Anglorum''. [[Canuto II de Dinamarca]] ''lo Gran'', dende [[Dinamarca]], estió lo primero en clamar-se a sí mesmo como ''King of England''. Mientres po periodo normando lo habitual yera decir ''Rex Anglorum'' (con bella mención ocasional de ''Rex Anglie''). Tanimientres, dende lo reinau de Chuan I s'evitó l'emplego de qulsiquier títol diferent de ''Rex Anglie'' u ''Regina Anglie''. En [[1604]] lo rei [[Chacobo I d'Anglaterra]], qui heba recibiu en herencio lo títol l'anyo precedent, adoptó lo nombre (ya traduciu d'o latín enta l'[[Idioma anglés|anglés]]) de ''King of Great Britain'', encara que os Parlamentos d'Anglaterra y d'Escocia no reconoixioron iste títol dica la ''[[Union Act]]'' en 1707.

== Historia ==
=== Anglaterra anglosaxona ===
{{Articlo principal|Anglaterra anglosaxona}}
O reino d'Anglaterra naixió mientres l'[[Anglaterra anglosaxona]] con la unificación progresiva d'os reinos d'a clamada [[Heptarquía anglosaxona]] ([[Reino d'Anglia Oriental|Anglia Oriental]], [[Reino de Mercia|Mercia]], [[Reino de Northumbria|Northumbria]], [[Reino de Kent|Kent]], [[Reino d'Essex|Essex]], [[Reino de Sussex|Sussex]] y [[Reino de Wessex|Wessex]]. As invasions d'os [[vikingos]] en a [[expansión vikinga]] mientres o [[sieglo IX]] heban alterau en profundidat l'equilibrio de poder entre los reinos d'a Heptarquía y la vida y la sociedat anglosaxona en cheneral, y dica primerías d'o [[sieglo X]] lo rei [[Æthelstan]] no consiguió rematar con ixe proceso de reunificación.

Mientres l'Heptarquía, se conoixeba como ''[[bretwalda]]'' a lo rei mas poderoso u que en destacaba d'entre los reis que alavez ocupaban os diversos reinos de l'Heptarquía. O declive d'o reino de Mercia permitió que lo reino de Wessex se fese mas poderoso, en absorbendo los reinos de Kent y Sussex en l'anyo [[825]]. Mientres o [[sieglo X]] los [[Lista de reis de Wessex|reis]] de [[Reino de Wessex|Wessex]] dominoron cada vegada mas a los atros reinos d'Anglaterra. Asinas, en [[827]], o reino de Northumbria fació sumisión a [[Egberto de Wessex|Egberto]] de Wessex en a ciudat de [[Dore (Yorkshire d'o Sud)|Dore]], i ixo convirtió breuement a Egberto en o primer rei en reinar sobre una Anglaterra unida.

En [[886]], [[Alfredo lo Gran]] conquere la ciudat de [[Londres]] i ixo ye un punto d'inflexión en o suyo reinau. Asinas, la '''[[Cronica anglosaxona]]'' diz que:<ref>{{en}} [http://www.gutenberg.org/files/657/657.txt ''Cronica anglosaxona''].</ref>
{{Cita|...toz os angleses (''all Angelcyn'') que no se trobaban subchectos a os [[Dinamarca|daneses]] se sometioron a lo rei Alfredo.}}
Alfredo restoró la ciudat de Londres: reconstruyó la [[muralla]] esfensiva d'a ciudat (que yera cuasi albandonada dende os tiempos d'a presencia romana en a isla) y fació construyir nuevos [[muelle]]s en [[puerto]] de Londres sobre lo [[río Tamisa]].<ref>{{en}} [[Alan Vince]]: ''Saxon London: An Archaeological Investigation'', ''The Archaeology of London series'' ([[1990]]).</ref> Fácil que seiga como consecuencia d'iste proceso que Alfredo adoptó lo títol de ''Rei d'os anglosaxons'', que mientres lo suyo reinau s'emplegó por primera vegada.

O [[12 de chulio]] de [[927]], toz os reis d'a isla de Gran Bretanya se reunioron en [[Cumbria]] ta reconoixer a lo [[nieto]] d'Alfredo, [[Æthelstan]], como rei d'os angleses, asinas lo proceso d'unificación arredol d'o [[Reino de Wessex]] heba teniu una duración d'alto u baixo 100 anyos dende los tiempos d'Egberto. En las anyadas posteriors, [[Northumbria]] cambió a sobén de mans entre los reis angleses y los invasors noruegos, pero [[Eadred]] la ponió definitivament baixo control anglés en [[954]], en completando asinas definitivament l'unificación de Anglaterra. Alto u baixo por ixas envueltas, [[Lothian]],  que muga a lo sud con [[Northumbria]] ([[Reino de Bernicia]]), se cedió a lo [[reino d'Escocia]], quedando asinas difuera d'os territorios de l'Anglaterra tradicional.

Dende alavez, [[Anglaterra]] ha remaniu unida politicament dica l'actualidat. Mientres o reinau d'[[Æthelred II|Æthelred II lo Ranzionador]] ([[978]]-[[1016]]) plegó en Anglaterra una nueva oliada d'invasions procedents de [[Dinamarca]] dirichidas por [[Svend I de Dinamarca|Svend I]] y que remató dimpués d'un cuarto de sieglo de guerras constants con a conquiesta d'Anglaterra por os daneses en [[1013]]. Tanimientres, en morir Svend o [[2 de febrero]] de [[2014]], Æþelræd consiguó tornar a ocupar a cadiera reyal. O fillo de Svend, [[Canuto II de Dinamarca]], tornó a invadir a isla prencipiando asinas una nueva guerra. En [[1016]] lo succesor d'Æþelræd, [[Edmundo II d'Anglaterra]], plegó a un alcuerdo con Canuto ta repartir-se lo reino entre toz dos, pero en morir Edmundo lo [[30 de noviembre]] d'ixe anyo, Canuto tomó lo control sobre todo lo reino, que remanió asinas uniu. Cuan en chunio de [[1042]] morió sin succesión [[Canuto II d'Anglaterra]] (fillo de Canuto II d'Anglaterra y [[Emma de Normandía]], la vídua d'Æthelred) puyó en a cadiera reyal su [[chirmanastro]] [[Eduardo lo Confesor]], fillo d'Æþelræd y Emma.<ref>{{en}} J.A. Giles: ''The Anglo-Saxon Chronicle'', Londres, 1914, G. Bell and Sonson, p.114.</ref>

=== Conquiesta normanda ===
{{Articlo principal|Conquiesta normanda d'Anglaterra}}

== Referencias ==
{{Listaref|2}}

== Vinclos externos ==
{{Commonscat|Kingdom of England|lo reino d'Anglaterra}}

{{Control d'autoridaz}}

[[Categoría:Estaus desapareixius|Anglaterra]]
[[Categoría:Historia d'Anglaterra]]