Redemption Day (cinta)

Iste articlo ye sobre una cinta estausunidense de cine d'acción de l'anyo 2021; ta atros usos, se veiga Redemption Day.

Redemption Day
Títol	Redemption Day
Ficha tecnica
Dirección	Hicham Hajji
Dirección artistica	Susie Haubner Rabiaa N'Gadi
Producción	Hicham Hajji David Zilberberg
Guión adaptau	Lemore Syvan Samy Chouia Hicham Hajji
Basau en	una historia de Hicham Hajji
Musica	Sacha Chaban
Soniu	Josh Badger Brian Berger Hyeong Choi Charlie Costa Lawrence He Yagmur Kaplan Dante Marino James Mezzo Jamal Quandil Reda Raissi Christopher Sheldon Scott Tipton Nourdine Zaoui
Fotografía	Philip Lozano
Montache	Karim Ouaret
Vestuario	Natalie van der Meulen
Maquillache	Mohamed Ait Belkas Asmae El Meziane Amina El Halhouli Bouchra Sakhi
Peluquería	Mohamed Ait Belkas Asmae El Meziane
Efectos especials	Abdellah Joudi Hassan Tib Redouane Tib
Casting	Nancy Foy
Actors	Gary Dourdan Serinda Swan Andy García Brice Bexter Ernie Hudson Martin Donovan Robert Knepper Samy Naceri Yassine Azzouz Lilia Hajji Brahim Rachiki
Color	Cinemascope Panavision
Datos y cifras
País(es)	Estaus Unius Marruecos
Anyo	2021
Estreno	7 de chinero de 2021 Emiratos Arabes Unius 8 de chinero de 2021 Estaus Unius 21 d'abril de 2021 Marruecos
Chenero(s)	Cine d'intriga Cine d'acción Cine de drama
Durada	99 min.
Idioma(s)	Anglés francés
Companyías
Productora(s)	Voltage Pictures H Films Buffalo 8 Productions
Distribución	Saban Films
Estudio(s)	Oasis Studios Morocco
Informacions en bases de datos especializadas:

Redemption Day (títol orichinal en anglés, en aragonés Día de redención, estrenada en Aragón con o suyo títol orichinal) ye una cinta de cine d'intriga d'acción dramatica coproducida por o cine estausunidense y lo cine marroquín estrenada l'anyo 2021, dirichida por Hicham Hajji seguntes un guión adaptau por él mesmo, Lemore Syvan y Samy Chouia (basau en una historia d'o mesmo Hicham Hajji), con una banda sonora orichinal de Sacha Chaban, una dirección de fotografía de Philip Lozano y una producción cinematografica d'Hicham Hajji y David Zilberberg ta las productoras Voltage Pictures, H Films y Buffalo 8 Productions. Conta con un elenco d'actors d'o cual en fan parte Gary Dourdan, Serinda Swan, Andy García, Brice Bexter, Ernie Hudson, Martin Donovan, Robert Knepper, Samy Naceri, Yassine Azzouz, Lilia Hajji y Brahim Rachiki, entre d'atros.

Brad Paxton ye un capitán d'o United States Marine Corps que vive en Nueva York con su muller Kate (una arqueologa) y su filla, recient tornau d'una estada por o suyo treballo en Siria, d'a on ha tornau bien acorau. A su muller li ufren partecipar en unas excavacions en Marruecos en busca d'una important ciudat amagada en o disierto d'o Sahara amán d'a muga con Alcheria, y accepta partecipar. En Marruecos conoix a Jean Rashidi, un arqueologo franco-alcherián, y con un equipo marchan enta lo puesto a on se i troba la ciudat, pero sin parar cuenta trescruzan a muga con Alcheria y son secuestraus por un grupo de rebels islamistas, que se levan a Kate, a Rashidi y a un marroquín, Amir Jadid. A iste lo liberan posteriorment ta que faga plegar enta las autoridaz que demanan un rescate por Kate y por Rashidi. Cuan informan a Brad, iste marcha bien luego enta Marruecos, a on i contacta con Younes Laale, un antigo miembro d'o suyo equipo, y convencen a l'embaixador estausunidense ta que colabore con éls en dando-les informacions. Con istas informacions ubican a Jaafar El Hadi, lo líder terrorista secuestrador, y Brad y Younes marchan enta lo puesto a on se i troba. Consiguen liberar a Kate, pero ixa nueit en no haber pagau rescate lo gubierno francés, os terroristas asasinan a Rashidi. Os United States Navy SEALs asaltan o complexo terrorista y matan a los terroristas, pero cuan posteriorment marchan, Brad y Younes fan esclatar as instalacions y se considera que han muerto en l'acción, pero en realidat no han falleixiu, so que descubren qui ye realment dezaga d'os terroristas.

A cinta s'ambienta en a suya epoca actual (2021) en Nueva York (Nueva York) en os Estaus Unius y en Marruecos y Alcheria; y las suyas escenas se filmoron en Ouarzazate (provincia d'Ouarzazate), Casablanca (provincia de Casablanca) y Rabat (prefectura de Rabat) en Marruecos y en Nueva York (Nueva York) en os Estaus Unius, amás d'en os Oasis Studios Morocco en Ouarzazate.

Se tracta d'una cinta que ha recibiu bels premios, encara que ditos premios no fan parte d'o conchunto de premios mas conoixius u destacaus d'o circuito cinematografico internacional.

Elenco

Actor	Papel	Notas
	'

Se veiga tamién

• Cine en 2021.
• Cintas de 2021.

Vinclos externos

• (en) Redemption Day en Internet Movie Database.

• Datos: Q106253961