Revolución Cultural
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A Revolución Cultural (en chinés simplificato: 无产阶级文化大革命, chinés tradicional: 無產階級文化大革命, pinyin: wúchǎn jiējí wénhuà dà gémìng, a sobén abreviata como 文化大革命, wénhuà dà gémìng, literalment Gran Revolución Cultural, u simplament 文革 wéngé, Revolución Cultural) estió una campanya de masas en a Republica Popular China organizata por o líder d'o Partiu Comunista de China (PCCh) Mao Zedong en 1966, y adrezata contra altos cargos d'o partiu y intelectuals a qui Mao y os seguidors suyos acusoron de traicionar os ideyals revolucionarios.
Dimpués d'o fracaso d'o "gran salto", China ha de tornar a una politica mes practica. Mao en desconfía porque vei o periglo que refuerce a la burocracia. Lin Bao fa que l'exercito se politice por meyo d'o Libro Royo Chicot. O APL (exercito popular de liberación) se converte en o modelo pa la sociedat china. Alavez Mao ye aliau con Lin Bao, con o grupo de Xangai y con a suya muller.
A primerías de 1966 atacan a l'alcalde de Pekín Peng Zhen, a dirección d'o PCCh sigue a Mao y creya un grupo central pa a Revolución Cultural. A meyatos de 1966 bi ha estudiants movilizatos que atacan a los universitarios. En agosto Mao organiza en Xanga una reunión plenaria d'o Comité Central d'o PCCh en a que l'opositor Liu Biao ye degradato Lin Biao ye nombrato numero dos d'o partiu. Mao fa mitins movilizando a millons de chóvens de tota China pero prencipalment d'as ciudaz. Con o libro royo como doctrina, se constituyen como os Guardias Royos.
Os Guardias Royos, cuasi toz adolescents, creban con o pasato y en atacan tot herencio. Dicen "as cuatre antiguallas" a las ideyas, a cultura, as constumbres y os habitos d'o pasato. Aterrorizan a los intelectuals y funcionarios, estricallan part d'o patrimonio cultural. A fins de 1966 os ataques s'adrezan ta Liu Shaoqui, Deng Xiaoping y atros dirichents. Liu será forachitato d'o partiu en 1968 y morirá en 1969 privato d'atencions medicas.
En chinero de 1967 instigan a los Guardias Royos pa que prengan o poder forachitando a los funcionarios emplegatos. Sindembargo os Guardias Royos se dividen en faccions unas contra atras. Mao clama a las fuerzas provincials de l'exercito, pero l'exercito ye muito vinclato a los aparatos provincials d'o partiu como pa defender a Revolución Cultural. Encomienza una guerra civil entre faccions d'os Guardias Royos y entre faccions d'o mesmo exercito.
Veyendo Mao que ye perdendo o control d'a situación decide disolver a los Guardias Royos en chulio de 1968, y son "ninviatos a lo campo". L'exercito tornó a la normalidat y d'astí enta debant Mao se refirmará en os militars, que en o IX congreso d'o Partiu en abril de 1969 serán mayoritarios. Lin Biao será designato como succesor de Mao y remata oficialment a Revolución Cultural.
Bibliografía[editar | modificar o codigo]
- Jean Sellier. Atlas de los pueblos del Asia meridional y oriental. Acento Editorial.