Ranunculus acris

Ranunculus acris
Ranunculus acris
Denominacions populars
sol d'oro, gatarrabiosa dorada
Clasificación cientifica
Reino:	Plantae
División:	Magnoliophyta
Clase:	Magnoliopsida
Orden:	Ranunculales
Familia:	Ranunculaceae
Subfamilia:	Ranunculoideae
Tribu:	Ranunculeae
Chenero:	Ranunculus
Especie:	R. acris
Descripción
Ranunculus acris L.,

O sol d'oro u gatarrabiosa dorada (nombre cientifico Ranunculus acris) ye una especie vechetal d'o chenero Ranunculus y d'a familia Ranunculaceae. Ye prou común en as rechions templadas d'Europa y Asia, a on creixe en puestos humidos de montanya.

Descripción

Ye una planta herbacia perenne que plega 30-70 cm d'altaria. Radiz gruesa que anyalment emite cuantos tallos erectos y redondos. As fuellas son palmiadas y con fuertes divisions, en a suya mayoría brotan dreitamente d'a radiz. As flors de color amariella brilant tienen cinco petalos y gran cantidat de estámens.

Propiedaz

• S'ha emplegau en o tractamiento d'a gota y o reumatismo.
• Por vía externa s'usa pa tractar as vorrucas.
• En homeopatía a suya tintura s'emplega pa tractar herpes, eczemas, erisipelas, ciaticas, artritis y rinitis.
• Ye verenosa por lo que no se recomienda o suyo uso sin de prescripción medica.

Istas plantas contienen anemonina, una substancia muit toxica pa os animals y os sers humanos. De feito, os herbivoros pastan as fuellas d'istas plantas con gran dificultat, y nomás dimpués de un buen ixecau que evapora as substancias mas periglosas. Mesmo as abellas se guardan de libar o suyo néctar. En a piel humana istas plantas pueden creyar ambollas (borracaduras), mientres que en a boca pueden causar dolor intensa y ardient d'as membranas mucosas.

Referencias

• Datos: Q157563
• Multimedia: Ranunculus acris / Q157563
• Especies: Ranunculus acris