Rancho Notorious

Rancho Notorious
Títol	Rancho Notorious
Póster d'a cinta Rancho Notorious.
Ficha tecnica
Dirección	Fritz Lang
Aduyant de dirección	Emmett Emerson
Producción	Howard Welsch
Disenyo de producción	Wiard Ihnen
Guión adaptau	Daniel Taradash
Basau en	Gunsight Whitman, novela de Silvia Richards
Musica	Emil Newman
Soniu	Mac Dalgleish Hugh McDowell Jr.
Fotografía	Hal Mohr
Montache	Otto Ludwig
Escenografía	Robert Priestley
Vestuario	Joe King Don Loper
Maquillache	Frank Westmore
Peluquería	Nellie Manley
Actors	Marlene Dietrich Arthur Kennedy Mel Ferrer Lloyd Gough William Frawley Gloria Henry Jack Elam George Reeves
Color	Technicolor
Datos y cifras
País(es)	Estaus Unius
Anyo	1952
Debantadera	4 de marzo de 1952 Chicago (Illinois, Estaus Unius)
Chenero(s)	Western Cine negro
Durada	89 min.
Idioma(s)	Anglés
Companyías
Productora(s)	Fidelity Pictures Corporation
Distribución	RKO Radio Pictures
Informacions en bases de datos especializadas:

Anuncio d'a cinta ta la suya emisión en un autocinema en Estaus Unius.

Anuncio d'a cinta ta la suya emisión en un cine en Estaus Unius.

Rancho Notorious (títol orichinal en anglés, Rancho notorio en aragonés, enguerada en Aragón con o títol en castellano d'Encubridora) ye una cinta de western-cine negro de cine estausunidense de l'anyo 1952 dirichida por Fritz Lang y producida por Howard Welsch ta la productora cinematografica Fidelity Pictures Corporation seguntes un guión adaptau por Daniel Taradash basau en Gunsight Whitman (novela de Silvia Richards), con una dirección de fotografía de Hal Mohr y una Banda Sonora Orichinal d'Emil Newman. En l'elenco d'a cinta trobamos actors como Marlene Dietrich, Arthur Kennedy, Mel Ferrer, Lloyd Gough, William Frawley, Gloria Henry, Jack Elam u George Reeves, entre d'atros. Estió lo tercer western de Fritz Lang, dezaga de The Return of Frank James (1940) y Western Union (1941).

En primeras, lo títol previsto ta la cinta yera Chuck-a-Luck, en estar la canción principal d'a banda sonora prevista The Legend of Chuck-a-Luck, pero en zagueras se li cambeó lo nombre por decisión de Howard Hughes, qui yera alavez o director d'a productora RKO Pictures.

Argumento

Vern Haskell treballa como peón en un rancho y bel día se troba con que Beth Forbes, la suya promesa, ha estau violada y asasinada mientres un robo d'una botiga d'o lugar por dos ladrons. Vern s'adhibe a una partida que marcha dezaga d'os ladrons pero bien luego se troba estando él o solo que contina con a persecución. Troba a un d'os ladrons, Whitey, con un tiro en a esquena que ha recibiu de l'atro ladrón, y Whitey nomás puet decir-le, antes de morir, chuck-a-luck, o nombre d'un chuego d'apuesta popular en ixas envueltas. Con ixa feble pista, Vern interroga a traviés de todo lo territorio a cualsiquiera que pueda decir-le bella cosa relacionada con ixo.

Bel día Vern troba un que li diz que una muller clamada Altar Keane tien relación con chuck-a-luck. Pero cuan lo delincuent para cuenta de que Vern le ye interrogando, empecipia una baralla a on Vern lo mata en defensa propia. La Chusticia engarchola a Vern, ta liberar-lo bien luego en conoixer que lo falleixiu yera un delincuent perseguiu. D'atra man, un d'os chueces li diz a Vern que él conoixe a Altar Keane, qui yera una cantaire de saloon, encara que no sabe a on se puet trobar actualment. Poco dimpués troba a Baldy Gunder, propietario d'un saloon, qui li diz que Altar heba treballau ta él, y que marchó d'o lugar chunto con un pistolero, Frenchy Fairmont, qui la heba aduyau a fuyir cuan Baldy la menazaba. Vern contina lo suyo camín, y conoix que Frenchy Fairmont se troba en una garchola en o lugar de Gunsight. Vern provoca la suya detención ta estar con Frenchy en a garchola y l'aduya a escapar.

Frenchy y Vern plegan en un chicot rancho amán d'a muga con Mexico, que resulta clamar-se Chuck-a-luck y que ye propiedat d'Altar Keane. En ixe lugar troban refuchio toz os delincuents, si li pagan a Altar o 10% d'as suyas ganancias. Y Vern descubre que Altar porta un broche que él li heba regalau a Beth Forbes, la suya promesa. Nomás li cal descubrir qui ye qui li ha proporcionau ixe broche a Altar, asinas que fa lo papel d'estar un malfeitor y partecipa en bel robo con belluns d'os ocupants d'o lugar, amás de fer la comedia d'estar enamorau d'Altar ta sonsacar-li información.

Elenco

Actor	Papel	Notas
Marlene Dietrich	Altar Keane
Arthur Kennedy	Vern Haskell
Mel Ferrer	Frenchy Fairmont
Gloria Henry	Beth Forbes
William Frawley	Baldy Gunder
Lisa Ferraday	Maxine
John Raven	Comerciant en o Chuck-a-Luck
Jack Elam	Mort Geary
George Reeves	Wilson
Frank Ferguson	Predicador
Francis McDonald	Harbin
Dan Seymour	Comanche Paul
John Kellogg	Jeff Factor
Rodd Redwing	Rio
Victor Adamson	Corredor con a mesacha gorda	No acreditau
Roger Anderson	Red	No acreditau
Al Bain	Espectador d'a cursa	No acreditau
Ray Beltram	Client d'o bar	No acreditau
Stanley Blystone	Ganadero en a colla	No acreditau
John Bose	Aduyant d'o sheriff	No acreditau
John Breen	Client d'o bar	No acreditau
Nora Bush	Ciudadana	No acreditada
Lane Chandler	Sheriff Hardy	No acreditau
Charlita	Mesacha mexicana en o bar	No acreditau
Bing Conley	Espectador d'a cursa	No acreditau
Edgar Dearing	Sheriff	No acreditau
Joe Dominguez	Gonzales	No acreditau
John Doucette	Whitey	No acreditau
Dick Elliott	Narrador	No acreditau
Art Felix	Chinete en a colla	No acreditau
Joe Garcio	Corredor	No acreditau
John George	Espectador d'a cursa	No acreditau
Charles Gonzalez	Hevia	No acreditau
Lloyd Gough	Kinch	No acreditau
Fred Graham	Ace Maguire	No acreditau
Robert Griffin	Politico en a garchola	No acreditau
William Haade	Sheriff Sam Bullock	No acreditau
Herman Hack	Chinete en a colla	No acreditau
Al Haskell	Ciudadán	No acreditau
Jack Hendricks	Chugador	No acreditau
Tex Holden	Client d'o bar	No acreditau
Frank Jaquet	Politico en a garchola	No acreditau
Russell Johnson	Encargau d'a ruleta d'o Chuck-a-Luck	No acreditau
I. Stanford Jolley	Aduyant d'o sheriff Warren	No acreditau
Ray Jones	Hombre en o porche	No acreditau
Fuzzy Knight	Barbero	No acreditau
Harry Lauter	Aduyant d'o sheriff en Gunsight	No acreditau
Nolan Leary	Doc	No acreditau
Grace Lenard	Mesacha d'o saloon	No acreditau
Tom London	Aduyant d'o sheriff en Gunsight	No acreditau
Jack Low	Cambrero	No acreditau
Pierce Lyden	Secuaz	No acreditau
Hank Mann	Hombre en o porche	No acreditau
Kermit Maynard	Aduyant d'o sheriff en Gunsight	No acreditau
Merrill McCormick	Espectador d'a cursa	No acreditau
Mathew McCue	Espectador d'a cursa	No acreditau
Ewing Mitchell	Perseguidor	No acreditau
Alex Montoya	Cambrero d'a cantina	No acreditau
Charles Morton	Cambrero con Gunder	No acreditau
Paul Newlan	Aduyant d'o sheriff en Gunsight	No acreditau
Artie Ortego	Client d'o bar	No acreditau
Emory Parnell	Sheriff	No acreditau
Jose Portugal	Client d'o bar	No acreditau
Stuart Randall	Starr	No acreditau
Robert Robinson	Ciudadán en la oficina	No acreditau
Buddy Roosevelt	Aduyant d'o sheriff	No acreditau
Ralph Sanford	Politico	No acreditau
Allen D. Sewall	Ciudadán	No acreditau
Lucile Sewall	Ciudadana	No acreditada
Mabel Smaney	Mesacha d'o saloon	No acreditada
Tom Smith	Ciudadán de Clay Springs	No acreditau
James Stone	Medico qui tracta a Beth	No acreditau
Forrest Taylor	Miembro d'a colla de perseguidors	No acreditau
Felipe Turich	Sánchez	No acreditau
Dick Wessel	Aduyant d'o sheriff	No acreditau
William Wilkerson	Indio	No acreditau
Harry Woods	Marshal McDonald	No acreditau

Criticas

En enguerar-se la cinta, recibió bellas criticas muit negativas, como la d'o critico Bosley Crowther en The New York Times:

En o departamento d'acción de l'ueste, o programa tien os suyos puntos intresants, incluyindo-ie bellas barallas a punyos pretos protagonizadas con entusiasmo por Fritz Lang. Cualsiquiera que se malcontente con atracos, festivals de balas y barallas con pistolas, tot ixo en Technicolor, trobará lo suficient en ista cinta ta regostar la suya luxuria. Actors d'aspecto famelico se fan lo pincho y esperguenian en os papels de malfeitors. Tanimientres, cualsiquiera que aspere una imachen d'un western ta que coincida con o caracter d'a suya capable estrela femenina será millor que mire entra un atro puesto. Ista ye normal y corrient.

Bosley Crowther

Tanimientres, en a revista Variety la critica estió muito mas positiva:

Iste western de Marlen Dietrich tien bella cosa d'o sabor d'os viellos clasicos a l'aire libre (como l'inigualable Destry Rides Again de l'actriz) encara que no capture plenament las suyas calidat y machia. Os personaches interpretan a trama cursi y delicuerna d'a historia orichinal de Silvia Richards sin mangadas, la dirección mantiene un ritmo animau y intresant, y la filmación a l'aire libre, instigadas por o constant toque de color, son notoriosos. Dietrich ye tan sensual y seductora como siempre. Dietrich ye una enlucernant recreación d'a propietaria d'un saloon d'antis mas y interpreta la suya canción, Get Away, Young Man, con a suya habilidat gutural de cutio.

Actualment, ye considerada como una d'as cintas imprescindibles d'o western, lo mas conoixiu y popular d'os westerns rodaus por o suyo director (y sin garra dandalo debiu a la contribución de Marlene Dietrich), con oscilacions entre lo cine de romance y lo cine negro, estando amás un western atipico, en amostrar a una muller como protagonista esencial d'a cinta:

Lo suyo empecipio ye propio d'un chenio d'o cine mudo como n'estió Lang, capable d'alternar ixos carascteristicos toques suyos expresionistas, que mai no albandonaría, con atros goticos, determinaus, entre d'atros aspectos, por l'abundancia d'estadans en o decorau.

Poderba estar perfectamente clasificau como un western atmosferico, absorbente con un trío protagonista d'excepción (chunto a Dietrich bi ha Arthur Kennedy y Mel Ferrer) y d'os atipicos por, entre d'atras cuestions, amostrar a una muller de caracter fuerte en bel meyo de conflictos purament masculins.

Una marabiella

José Luis Vázquez

En a revista Fotogramas se considera que iste western estió una obra a on Fritz Lang aconsiguió perfectament d'equilibrar las suyas obsesions personals por o concepto d'o Mal con as convencions propias d'o chenero cinematografico d'o western:

Un western opresivo y intenso con o cual Lang se despidió d'un chenero a on mai no se trobó masiau comodo. (...) En iste caso aconsiguió una absoluta coherencia entre la expresión personal y las exichencias propias d'as convencions chenericas.

Bellos criticos mesmo la califican como una obra mayestra, como en o Colectivo Rousseau:

Puede pareixer estranyo que un western d'a categoría y intensidat de Encubridora esté dirichiu por un alemán tan alleno a las praderas como Fritz Lang pero yera un hombre de tal categoría escenica que no nomás consigue una obra mayestra, so que tamién un fascinant estudio sobre la muller que s'ha superau a sí mesma y que ya tien un piet en o vuedo, que charrucha a los hombres a lo suyo antuello, como marionetas a punto d'esclatar, y que, con ganas de vivir un nuevo y zaguer amor, no dixa d'estar la querida predilecta de l'ambición.
Ta ixo, astí ye Marlene Dietrich, inquietant y segura, porcelana en a madureza, cristal irrompible de belleza bohemia que domina la escena mesmo sin estar-ie. Pocas vegadas (treito, puet estar, Johnny Guitar, de Nicholas Ray) s'ha construyiu una cinta de l'ueste en función d'o caracter de una muller y lo resultau no dixa d'estar cuasi una canción sobre la suerte, la ruleta, lo destiín y la rebelión. Puet estar que bi haiga bella cosa de cartón falsiau en o numero ganador pero tamién ye una historia que descubre la debilidat de l'hombre debant d'una muller que tien la suya arma en l'empuixe, en la seducción sutil, en la sucheridora posibilidat d'oler d'amán un perfume que parixe l'aroma d'o periglo. Toz ixos matices son presents como una apuesta que poderba pareixer imposible.

Ta lo critico Quim Casas:

Ye, como cuasi todo lo cine de Lang, une historia de venganza; un retrato en negro, encaraque rodau en estranyas, fulgurants colors, d'o mas fosco d'a conciencia humana.

Quim Casas

Se veiga tamién

• Cine en 1952.
• Cintas de 1952.

Vinclos externos

• Se veigan as imáchens de Commons sobre Rancho Notorious.
• (en) Rancho Notorious en Internet Movie Database.
• (en) Rancho Notorious en l' American Film Institute Catalog de l'American Film Institute.
• (en) Rancho Notorious en AllMovie.
• (en) Rancho Notorious en TCM Movie Database.
• (en) / (es) Rancho Notorious en FilmAffinity.
• (fr) Rancho Notorious en Allociné.
• (en) Rancho Notorious en Rotten Tomatoes.
• (en) Rancho Notorious en Box Office Mojo.
• (de) Rancho Notorious en Online-Filmdatenbank.