Ramala
| Ramala رام الله | ||
| Localidat de Palestina | ||
| ||
 | ||
| Estau • Rechión • Gubernación |
 PalestinaCischordania Ramala y Al Bireh | |
| Población • Total |
43880 hab. (2024) | |
| Altaria • Meyana |
847 m. | |
| Codigo postal | P600-P609 | |
| Coordenadas | ||
| Web oficial | ||
Ramala (en arabe: رام الله rāmallāh, 'Mont d'Alá' u 'Mont de Dios', de rām, mont, y ʔAllāh, Dios) ye a capital administrativa d'o Estau de Palestina, situada en Cischordania, a 15 km a o nord-ueste de Cherusalem.
Como a resta de Cischordania, Ramala estió baixo ocupación chordana dende a guerra arabe-israelina de 1948 dica a guerra d'os Seis Días de 1967, momento en que fue ocupada por as tropas israelinas, como a resta d'o territorio a l'ueste d'o río Chordán. En 1994, a chestión d'a ciudat fue cedida por Israel a l'Autoridat Nacional Palestina (ANP) adintro d'os Acuerdos d'Oslo, sinyaus en 1993, estando dende alavez administrada por ista con limitacions. Ramala feguraba como parti d'o «Territorio A», isto ye, una zona baixo control palestín encara que baixo ocupación militar d'Israel, que se reserva o dreito a intervenir en cualsiquier momento.
Ramala ye capital administrativa de Palestina y ye famosa por a Muqataa, seu provisional d'o Gubierno de l'ANP. L'ANP quiere que a futura capital d'a Palestina independient siga Cherusalem Este, actualment anexionada y proclamada parti d'a capital israelina.
