Ramón d'Andrés

De Biquipedia
Ir a la navegación Ir a la búsqueda
Ramón Menéndez Pidal
Información personal
Calendata de naixencia 28 de mayo de 1959
Puesto de naixencia Flag of Spain.svg Madrit (Espanya)
Ocupación Filologo y investigador

Ramón d'Andrés u Ramón de Andrés Díaz (Madrit, 28 de mayo de 1959) ye un filologo espanyol estudioso d'a luenga asturiana.

Ye fillo d'o popular escritor en asturiano Manuel d'Andrés Fernández "Mánfer de la Llera". Se crió en Xixón (Asturias), an que ha vivito buena parti d'a suya vida. Ye profesor titular de Filolochía Espanyola y Asturiana en a Universidat d'Oviedo (Asturias), an principió a impartir a primera asignatura de Luenga Asturiana en 1985 y an que leyó a suya tesi doctoral en 1988, a primera feita sobre sociolingüistica asturiana y redactata en ixa luenga. As suyas investigacions s'han centrato más que más en aspectos gramaticals y sociolingüisticos d'a luenga asturiana. Desembolica también una intensa faina divulgadera en libros, ensayos y articulos de prensa.

Dende l'anyo 2000 diriche o prochecto Estudio d'a Transición Lingüistica en a Zona Eo-Navia, Asturias (ETLEN), una investigación de oriometría dialectal (mesurada matematico-estatistica d'a muga entre dos dominios lingüisticos con parlas de transición) y de dialectometría seguntes a Escuela de Salzburgo.

Prencipals publicacions[editar | editar código]

Os suyos libros más importants son:

  • Allugamientu de los pronomes átonos col verbu n'asturianu (1993)
  • Enqüesta sociollingüística nuna parroquia asturiana (Deva-Xixón) (1993)
  • Gramática práctica de asturiano (1997)
  • Vocabulariu asturianu de la mina (1997, de conchunta con Manuel d'Andrés)
  • Reivindicación llingüística: unes reflexones (2002)
  • Cuestiones d'asturianu normativu (3 vols., 2001-2003)
  • Juicios sobre la lengua asturiana. Algunas cuestiones básicas acerca del debate lingüístico en Asturias (2002)
  • Diccionario Toponímico del Concejo de Gijón (2008)

Entre os suyos articlos se pueden destacar:

  • Los pronomes reflexivos átonos n'asturianu (1994)
  • La llingua asturiana na sociedá (1995)
  • Lingüística y sociolingüística en el concepto de dialecto (1997)
  • L'asturianu mínimu urbanu. Delles hipótesi (2002)

Atros datos[editar | editar código]

Ye miembro numerario de l'Academia de la Llingua Asturiana, an que ha treballato intensament en as Normes Ortográfiques, en a Gramática de la Llingua Asturiana y en o Diccionariu de la Llingua Asturiana. Perteneixe a la Fundación “Caveda y Nava”, y n'estió secretario, y ye una entidat que mira o consenso lingüistico en Asturias. Ye tamién miembro d'o rolde d'investigación Seminariu de Filoloxía Asturiana, d'a Universidat d'Oviedo. En o periodo de gubierno 2003-2007 exerció o cargo de Chefe d'a Oficina de Politica Lingüistica d'o Prencipato d'Asturias. Ye miembro d'a Chunta Asesora de Toponimia d'o Prencipato d'Asturias, estando-ne secretario en o debandito periodo.

Vinclos externos[editar | editar código]

  • (es) Araz.net. Biobibliografía de l'autor.