Rabí

De Biquipedia
Ir a la navegación Ir a la búsqueda

Los rabís (hebreu רבי, Rabbi seguntes la pronunciación usual, Ribbī u Rebbi seguntes la pronunciación sefardí oriental y yemení, Rebbe seguntes la pronunciacion yiddish; plur. רבנים Rabbanim) son, en lo chudaísmo, "mayestros" u més literalment "grans (en l'estudio de la Torah)". La palabra deriva precisament de lo hebreu רַב, Rav, que significa « gran » en hebreu biblico.

Reservau a ixas envueltas de lo Segundo Templo a los disciplos de los Sabios y ditos a exercer una función publica, se consideró rabí a qualsiquier erudito chuzgau apto pa amostrar a Lei a los profans y pa servir de chuez en un tribunal chodigo, en lo curso d'una ceremonia d'ordinación particular, la semikha.
Las funcions de los rabís s'ixamploron considerablement, y esdevinioron une de las figuras centrals de la vida chodiga, exercendo lo rol d'autoridat relichiosa, de consellero, incluitos los afers conchugals, ecetra.
En Francia, Napolion dio a los rabís la función de menistro de lo culto, y intauró lo Consistorio central, a on los rabís estioron sozmesos a l'autoridat de lo Gran Rabí de Francia.

Antes de lo sieglo XX no bi heba mullers ordenadas rabí, por haber estau tradicionalment descartadas de los estudios, y fueron ordenadas en corrients heterodoxas de lo chudaísmo, encara que en lo sieglo XVI i ha habiu un precedent, una erudita de lo Kurdistán dita Asenath Barzani, a qui li confirioron informalment lo titol de Tanna'it, equivalent de facto a un titol rabinico.

A figura d'o Rabí en a Corona d'Aragón[editar | modificar o codigo]

No totz los que teneban lo títol de rabí exerceban de rabitz. En os textos medievals cristians lo termin rabí tien dos aplicacions diferents: u ye un títol u ye un cargo. Lo títol "rabí" s'atorgaba a chodigos que hesen estudiau la torah y estasen en condicions de fer actividatz pa las que precisaban de conoixencia d'a lei chodiga: Se suposaba que yeran os eruditos, vinclaus dende antigo a los escribans u soferim y dedicaus a lo estudio d'as Sagradas Escrituras y a suya interpretación. Manimenos pocos n'exerceban lo cargo de rabí en una sinoga; beluns dirichiban la oración y canto (ḥazanim), atros exerceban de matachins («rabí de la degüella» u xoḥet), y bi n'heba que amostraban a luenga hebraica a los ninos, feban part de lo tribunal chodigo (betdín) u feban las fayenas propias de lo notario-escribán (sofer).[1]

Pa parlar de los rabitz prencipals, chodigos con un bagache de conoixencias biblicas y talmudicas prou gran los documentos medievals aragoneses gosan fer la palabra latina «magister» u lo suyo equivalent romanz «ma(y)estre». Tamién lis diciban «Rau» o «Rahu» tanto en Zaragoza como en Calatayú y Daroca. Rau u mayestro de la lei yera lo prencipal cargo relichioso de l'alchama chodiga en lo sieglo XIV y XV. Lo suyo oficio yera dito marbiztorá («qui ixemena la Lei»).[1]

Referencias[editar | modificar o codigo]

  1. 1,0 1,1 (es) Asunción Blasco Martínez: La contratación de rabí Jucé ben Josuá como «Rav» o Marbiztorá de la aljama de Zaragoza (1454) Revista Sefarad (Sef) Vol. 67:1, enero-junio 2007. págs. 71-109. ISSN 0037-0894

Enrastres externos[editar | modificar o codigo]