Río Sòrga (Vauclusa)

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Iste articlo ye sobre un río en lo departamento occitán de Vauclusa. Ta atros usos se veiga Sòrga.

Sòrga Sourgues
En pasando por L'Illa de Sòrga
Administración
Estaus	Francia
Territorios	Occitania
Cheografía
Longaria	30,4 km
Altaria d'o naixedero	119 m
Naixedero	La Fònt de Vauclusa (Vauclusa, Occitania)
Desembocadura	Río Ovesa
Hidrolochía
Superficie d'a cuenca	1.230 km² km²
Cabal meyano	18,10 m³/s (Fuent de Vauclusa) m³/s
Mapa

Lo río Sòrga (en francés Sourgues) ye un río occitán, con naixedero en La Fònt de Vauclusa (Vauclusa, Occitania), a bells 119 metros d'altaria sobre lo livel d'a mar, en la plana de Vauclusa, pa dimpués endrezar-se enta lo norueste, recorrindo de 30,4 km dica desauguar en la río Ovesa. La suya cuenca hidrolochica tien una superficie de 1.230 km², con un cabal meyano de 18,10 m³/s. La suya fuent, conoixida como la fuent de Vauclusa, ye la más gran de la Francia metropolitana y se troba entre las más grans de lo mundo.

Cheografía

La Sòrga se divide en dos cursos d'augua en la localidat de L'Illa de Sòrga, en lo punto de lo río conoixiu como Le Partage des Eaux, lo curso principal se divide a la vegada en dotzenas de chicotz cursos con diferents nombres como la Sòrga de l'Illa, la Sòrga de Veleron, la Sòrga de Monclar, la Sòrga dau Pont de la Sabla, la Sòrga dau Travèrs, la Sòrga dau Molin de Josep, la Sòrga de la Faibla, la Sòrga dei Molins, la Sòrga de Trentin, etc.

Todas istas branchas fluyen a traviés de la plana de Sòrga, entre L'Illa de Sòrga y Avignon. Los dos cursos principals, la Sòrga de Veleron y la Sòrga d'Entraigas, tornan a unir-sen en uno y desembocan en lo río Ovesa en Bedarrida. La canal de Vauclusa, que ye lo tercer curso principal, s'une a l'Ovesa en la localidat de Sòrgas, y fluye dica Avinyon pa desembocar en o Roine.