Río Ganches

Ganches गङ्गा - گنگا
En pasando por Varanasi
Administración
Estaus	India Bangladesh
Territorios
Cheografía
Longaria	2.510 km
Altaria d'o naixedero	7.800/6.600 m
Naixedero	Confluyencia de Bhagirathi y Alaknanda
Desembocadura	Golfo de Bengala
Hidrolochía
Superficie d'a cuenca	2.165.000 km²
Cabal meyano	14.270 m³/s
Mapa

O río Ganches (en as luengas d'a India Ganga) ye un gran río situato a o norte d'a India, y que ye considerato como sagrato por os hindús.

Naixe con o nombre de Bhagirathi en o glaciar Gangotri, en l'Himalaya, y s'une a o río Alaknanda amán de Deoprayag ta formar o Ganches. O Ganches desemboca en o golfo de Bengala dimpués de dividir-se en muitos ríos menors. Un d'éls ye o río Hoogli, amán de Calcuta; unatro ye o Padma, río que dentra en Bangladesh. As rechions mugants con o delta amán d'o golfo de Bengala son conoixitas como os Sunderbans (literalment Selvas politas) – una rechión de espesas selvas de chinchebre, y l'habitat natural d'o tigre de Bengala.

O río Yamuna, un río practicament sagrato, ye un afluent d'o Ganches, y a suya unión ye amán d'a ciudat sagrata india de Prayag, hue lo día conoixita como Allahabad.

En o Ganches, i viven dos especies de dalfins, o dalfín d'o Ganches (Platanista gangetica) y o dalfín de l'Irawadi (Orcaella brevirostris). Tamién bi habita una especie de tiburón cuasi esconoixita, o Glyphis gangeticus.

Toponimia

En o "Libro d'o Trasoro" s'escribe Gangas y Gadeuas.

Vinclos externos

• Se veigan as imáchens de Commons sobre o río Ganches.

• Datos: Q5089
• Multimedia: Ganges River / Q5089