Río Aguas

De Biquipedia
(Reendrezau dende Río Aguasbibas)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Aguas
Aguasvivas
Envista de Binaceit y la espuenda sobre lo río Aguas.
Envista lo río Aguas travesando lo termin de Binaceit, en lo cabalto de la espuenda.
Administración
Estaus
Territorios Aragón
Cheografía
Longaria  km
Altaria d'o naixedero  m
Naixedero Allueva
Desembocadura Ebro (La Zaida)
Superficie d'a cuenca km²
Cabal meyano m³/s
Mapa

L'Aguas en Aragón

Lo río Aguas (río Aguasvivas u río Aguas en castellano) ye un río aragonés, afluent d'Ebro. Naixe en Allueva (Teruel), entre las sierras d'Orich y de Pelarda (Sistema Iberico). Ye lo río mas important de lo Campo de Belchit, tien como uns de los afluents mas importants lo río Nogueta y lo río Camaras. En La Zaida caye en Ebro.

Localidaz por a on que pasa, por lo menos por os suyos termins son: Uesa, Blesa, Moneva, Sant Per de Lagata, Lagata, Letuix, Almonecir de la Cuba, Belchit, Binaceit, Almochuel, Zaila, La Romana y La Zaida, a on que se reculle.

Lo naixedero de lo río Aguas ye a 2 km a lo norueste d'Allueva, a 1.235 m d'altaria sobre lo livel d'a mar y entre la sierra d'Orich a lo nord-este y la sierra de Pelarda a lo sudueste y en la mesma val a on ye lo naixedero de La Uerba. Dende lo suyo naixedero s'adreza enta lo sudeste formando una val que desparte estas dos sierras y las suyas continacions sudorientals (muela d'Anadón a lo norte y sierra de Segura a lo sud). A lo sud d'esta muela cretacia bi ha un cambio de dirección important enta lo nord-este que ha estau interpretau como un codo de captura. Lo sistema de fallas de dirección N-S habría favoreixiu una erosión regresiva con la formación d'una foz a traviés de la que desauguó a la fin una val que primero desauguaba enta lo río Segura.[1] Unatra posibilidat ye que lo tramo inicial a lo sud de la sierra d'Orich desauguase primero enta Xalón a traviés de Campo Romanos, que ye un terreno que fue capturau por la Paleouerba.[2]

Lo tramo de los banyos de Segura baixo la muela d'Anadón no ye lo solo tramo con foces fluvio-karsticas. Lo Pozo de los Chorros entre Almonecir de la Cuba y Belchit cerca de Tercón ye en unatra foz fluvio-karstica.[3]

En la zona de Zaila, La Romana y La Zaida tien una selva de galería con tamarizas que destaca prou en un paisache desforestau y arido.

En lo periodo romano existiba un entibo en lo lugar dito Almonecir de la Cuba, entibo que continaba existindo en la Edat Meya, y que ha dau nombre a lo lugar. Actualment existe lo entibo de Moneva. Lo entibo d'Almochuel (La Fueya d'Almochuel) estió un fracaso.

Lo río Aguas presenta cinco faixas fluvials.[4]

Toponimia[editar | modificar o codigo]

En la Edat Meya existiba la denominación de río Albayar u Albayat, que pareixe relacionada con la palabra arabe Albayat, "pozo". Pa bel autor la denominación d'Albayar corresponde inicialment nombres que a lo tramo que bi ha entre lo Focino de los Arcos en Blesa y la localidat de Sant Per de Lagata.[5] Atra denominación medieval ye la de río de Belchit, testimoniada en un texto de 1242. En lo sieglo XVI se documenta un atra denominación, río de Romana.

Dica fa bien pocos sieglos se deciba río Aguas (1768), en l'oficial. L'uso tradicional de río Aguas dura dica lo sieglo XX y se puet veyer en lo "Madoz".[6]

Referencias[editar | modificar o codigo]

  1. (es) María Teresa Echeverría Arnedo: El valle del río Aguasvivas. Estudio geomorfológico. Geographicalia, 19-20, 1984. pp 26-26.
  2. (es) Prensa Diaria Aragonesa: Los ríos de Aragón. El Río Huerva. El Periódico de Aragón, Diputación General de Aragón, 2005, p 52.
  3. (es) María Blasco Lázaro: Red natural de Aragón. nº 6, Campo de Belchite. Prames, 2006. pp45
  4. (es) José Luís Peña Monné et al.: Geomorfología de la Provincia de Teruel. Instituto de Estudios Turolenses, 1984.
  5. (es) Miguel Arenillas Parra et al. La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996. p 189
  6. (es) Madoz, Pascual; Diccionario geográfico-estadístico-histórico de España y sus posesiones de Ultramar, 1848-1850, Establecimiento tipográfico de P. Madoz y L. Sagasti, Volumen IX. p 202.

Bibliografía[editar | modificar o codigo]

  • (es) María Teresa Echeverría Arnedo: El valle del río Aguasvivas. Estudio geomorfológico. Geographicalia, 19-20, 1984.
  • (es) Miguel Arenillas Parra et al.: La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996.


Afluents d'o río Aguas
Marguin izquierda Marineta | Nogueta | Camaras
Marguin dreita Regacho | Farlán | Castifollé | Fanes


Afluents d'o río Ebro
Marguin izquierda Nela · Xerea · Bayas · Zadoya · Ega · Aragón · Arba · Galligo · Segre
Marguin dreita Oca · Tirón · Nacheriella · Iregua · Leza · Cidacos · Alhama · Queiles · Uecha · Xalón · Uerba · Chiner · Lopín · Aguas · Martín · Regallo · Guadalop · Matarranya