Quincannon, Frontier Scout

Quincannon, Frontier Scout
Títol	Quincannon, Frontier Scout
Ficha tecnica
Dirección	Lesley Selander
Aduyant de dirección	Bud Andrews
Producción	Howard W. Koch
Guión adaptau	John C. Higgins Don Martin
Basau en	Frontier Feud, novela de Will Cook (1954)
Musica	Les Baxter
Soniu	Joe Edmondson Marshall Pollock
Fotografía	Joseph F. Biroc
Montache	John F. Schreyer
Peluquería	Mary Westmoreland
Efectos especials	Milton Olsen
Actors	Tony Martin Peggie Castle John Bromfield John Smith Ron Randell John Doucette Morris Ankrum Peter Mamakos Edmund Hashim Tom London
Color	Color by DeLuxe
Datos y cifras
País(es)	Estaus Unius
Anyo	1956
Estreno	Mayo de 1956 Estaus Unius
Chenero(s)	Cine de western Cine de drama
Durada	83 min.
Idioma(s)	Anglés
Companyías
Productora(s)	Bel-Air Productions
Distribución	United Artists
Presupuesto	250.000 dólars
Informacions en bases de datos especializadas:

Quincannon, Frontier Scout (títol orichinal en anglés, en aragonés Quincannon, explorador d'a muga, estrenada en Aragón con o suyo títol traduciu enta lo castellano como Quincannon, explorador de la frontera) ye una cinta de cine estausunidense de cine de western dramatico estrenada en 1956, dirichida por Lesley Selander seguntes un guión adaptau por John C. Higgins y Don Martin (basau en Frontier Feud, una novela de Will Cook publicada en 1954), con una banda sonora orichinal de Les Baxter, una dirección de fotografía de Joseph F. Biroc y una producción cinematografica de Howard W. Koch ta la productora cinematografica Bel-Air Productions. Fan parte de l'elenco d'actors d'a cinta, entre d'atros, Tony Martin, Peggie Castle, John Bromfield, John Smith, Ron Randell, John Doucette, Morris Ankrum, Peter Mamakos, Edmund Hashim y Tom London.

Linus Quincannon ye un antigo capitán d'o 7^eno Rechimiento de Caballería d'os Estaus Unius que albandonó l'exercito estausunidense en no estar conforme con as trazas con que se tractaba a los indios. O coronel Conover el clama ta que torne a lo servicio de l'exercito ta investigar cómo ha estau posible que los arapahoes hesen podiu conoixer o transporte de rifles de repetición modelo Henry, os mas modernos de l'arsenal d'ixas envueltas, conseguindo robar-los chunto con una gran cantidat de municions. A la vegada plega enta lo fuerte Maylene Mason, una mesacha procedent de l'este d'Estaus Unius que plega ta conoixer qué s'ha escaiciu con su chirmano (a suya sola familia) que pareixe haber muerto mientres o robo d'as armas. A la fin Quincannon recibe orden de marchar enta Fort Smith (a on o chirmano de Marylene yera destinau) ta charrar con o capitán Bell que en ye a lo cudiau, acompanyau por la mesacha, por o sarchento Calvin y por un choven tenient recient nombrau y sin experiencia, Burke. Consigue plegar con o grupo intacto enta lo fuerte, a on o capitán confirma que lo chirmano de Marylene morió, y a on Quincannon descubre que lo capitán desconoixeba la existencia d'o transporte de rifles Henry. Quincannon, Calvin y Burke descubren que lo tenient Hostedder poseye muitas monedas d'oro que viachaban en o transporte desapareixiu, pero antes de poder interrogar-lo, muere a mans d'o capitán Bell, que en realidat yera d'alcuerdo con Hostedder ta vender as armas a los indios, y que consigue asinas no estar descubierto, de momento. Pero las investigacions continan.

Quincannon, Frontier Scout s'ambienta en os anyos 1870 en Montana; y las suyas escenas se filmoron en Kanab (Utah), Los Angeles (California) y localizacions en Arizona.

Elenco

Actor	Papel	Notas
	'

Se veiga tamién

• Cine en 1956.
• Cintas de 1956.

Vinclos externos

• (en) Quincannon, Frontier Scout en Internet Movie Database.
• (en) Quincannon, Frontier Scout en Letterboxd.

• Datos: Q15649534