Quatrón

De Biquipedia
Ir a la navegación Ir a la búsqueda
Quairón reendreza ta iste articlo. Ta o fuste que fa de bastida ta puertas u finestras, se veiga Quairón (arquitectura).
Tres quatrons en una finca cautivada a redolín.

Un quatrón,[1][2][3] quadrón,[1] quairón,[3] catrón[1] u cadrón[1] (d'o latín <QUATRONE[2]) ye un campo de proporcions quadradas,[1][3] ixo ye, con a mesma amplaria que largaria, por contraposición con una faixa que tiene una d'as dimensions perceptiblement mayor que l'atra.

Tamién puede fer referencia a una división adintro d'un campo u uebra (propiament, un trestallo) que se fa de regular ta plantar una especie de cautivo diferent a las que se mete en as porcions colindants.

Tanto en a suya accepción de campo quadrangular como en a de división d'un mesmo campo, etimolochicament a parola denota una forma quadrada ta'l troz cautivau.[2] Manimenos en a segunda accepción en a realidat en i ha de diferents proporcions en función de a forma total y a distribución de cautivos que se faiga en a finca. Os quatrons, como forma de división d'una finca, son una solución apropiada ta la cultura con a tecnica de a redolín.

Se veiga tamién[editar | editar código]

Referencias[editar | editar código]

  1. 1,0 1,1 1,2 1,3 1,4 (an) CASAUS PARRILLA, Chesús y MIGUEL BALLESTÍN, Pascual, Dizionario Aragonés de Terminos Cheograficos; Gara d'Edizions. Zaragoza, 2008. ISBN 978-84-8094-059-7
  2. 2,0 2,1 2,2 (es) KUHN, Alwin, El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6
  3. 3,0 3,1 3,2 (es) LOZANO SIERRA, Chabier, Aspectos Lingüísticos de Tella. Aragonés de Sobrarbe (Huesca); Gara d'Edizions. Zaragoza, 2010. ISBN 978-84-8094-062-7