Punto critico

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un tipico diagrama de fase. A curva roya amuestra a variación d'a temperatura de sublimación d'una substancia. A curva verda marca a variación d'o punto de conchelación (o trampo de curva verda con puntos amuestra o comportamiento anomalo de l'augua) y a curva azul, a d'o punto de ebullición. S'amuestra cómo a temperatura de sublimación, a de conchelación y a de ebullición varían con a presión. O punto d'unión entre as tres curvas: a roya, a verda y l'azul, ye o punto triple. O punto critico se veye en l'extremo dreito d'a curva azul.

En as matematicas un punto critico ye un lugar a on una función tien o gradient identico a zero, pero en as sciencias fisicas un punto critico ye aquell limite ta o que o volumen d'un liquido ye igual a o d'una masa igual de vapor u, dito d'atra traza, en que as densidatz d'o liquido y d'a vapor son iguals. Si se mesuran sa densidatz d'o liquido y d'a vapor en función d'a temperatura y se representan os resultatos, puet determinar-se a temperatura critica a partir d'o punto d'intersección d'as dos curvas.

Condicions matematicas d'o punto critico

En o punto critico se verifica:

$\left({\partial P\; \over \partial v\;}\right)_{T=T_{c}}=0$

$\left({\partial ^{2}P\; \over \partial v^{2}\;}\right)_{T=T_{c}}=0$

estando $P$ a presión , $v$ o volumen molar, $T$ a temperatura y $T_{c}$ a temperatura critica d'o sistema considerato.

Se veiga tamién

• Punto d'ebullición
• Punto de fusión
• Punto triple
• Teoría d'as catastrofes