Punda de ro Corral Ciego

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Punda de ro Corral Ciego Casco de Marmorés
Situación
Situación	Fanlo (Aragón) Gavarnía (Occitania)
Latitut	42° 41' 15.7 N
Lonchitut	0° 01' 36.4 W
Vértiz cheodesico	/0.pdf
Cheografía
Cordelera	Sierras interiors pirenencas
Sierra
Macizo
Altaria	3.006 m
Alpinismo
Primera puyada
Ruta mas fácil	Dende Góriz u dende Sarradets
Mapa

A punda de ro Corral Ciego, tamién conoixida como Casco de Marmorés u Casco de Gavarnie (oficialment Punda dero Corral Ziego / El Casco) ye una tuca d'os Pireneus d'o macizo d'As Tres Serols, situada en una crencha de picos de mas de 3.000 m. que fa de muga entre Espanya (Val d'Ordesa) y Francia (Circo de Gavarnie), estando encluso tanto en o espanyol Parque Nacional d'Ordesa y d'as Tres Serols como en o francés Parque Nacional d'os Pireneus.

Chunto con a Punta Faixón, os Picos d'o Salto d'augua y o Pico Marmorés forma la paret norte d'o Circo de Gavarnie, con 1500 m. de deslivel dende o fundo d'a val y an se troba o mayor salto d'augua d'Europa, o Salto d'augua de Gavarnie con 425 m. d'altaria.

Rutas

Por a parti espanyola l'amanamiento en vehíclo se fa dica o tascal d'a Val d'Ordesa u dica a val de Buixaruelo, mientres que por a parti francesa se fa dica a estación d'esquí de Gavarnie-Gèdre, que ye a que mas amán nos deixa d'a tuca .

Dende Ordesa se puya primer dica o refuchio de Goriz, (2.190 m., 4 horas y punto crucial ta la exploración de toda a redolada), siguindo dimpués a rota enta la Breca de Rolando dica arribar a la collada entre a Punta Faixón y o Punta Corral Ciego, dende an s'enresta la tuca. Dende Ordesa se puede arribar a lo mesmo punto puyando por o circo de Cotatuero u por o circo de Carriata.

Dende Gavarnie-Gèdre y dende Buixaruelo se'n puya dica o refuchio francés de Sarradets, puyando dimpués a la Breca de Rolando y rodiando enta l'este a versant sud d'a crencha dica arribar a la collada entre a Punta Faixón y a Punta Corral Ciego, dende an s'enresta la tuca.

• Datos: Q2941185
• Multimedia: Casco de Marboré / Q2941185