Gaels

De Biquipedia
(Reendrezau dende Pueblos gaelicos)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Mapa de las Islas Britanicas con la distribución hipotetica de los gaels (color verde), britans (roya) y pictos (azul) en tiempos de las invasions anglo-saxonas.

Los gaels son un pueblo habitador d'Irlanda en la Edat Antiga y Alta Edat Meya que prenió lo control de tota la isla a costa d'atros pueblos celtas que bi heba en l'este (galos, belgas, britans) a los qui rematarían asimilando. Tamién tenioron una expansión por las costas orientals de la Mar d'Irlanda y las suyas islas en tiempos de la Caita de l'Imperio Romano, por lo que los gaels tienen en los irlandeses, maneses y escoceses de las Highlands y las islas actuals los suyos continadors dreitos.

Tamién se fa servir la denominación de "gael" pa dicir a los parlants de luengas gaelicas (irlandés, manés y escocés). Entre los irlandeses y escoceses que no charran gaelico bi ha muita chent que se consideran gaels por a suya ascendencia historica y por o suyo herencio cultural.

Etnonimo[editar | modificar o codigo]

En gaelico antigo s'escribiba goídel. En gaelico irlandés s'escribe gael y en gaelico escocés gàidheal. Los romanos lis diciban scoti en lo sieglo IV, y ye como lis dicen en "Historias contra los paganos" de Pavlo Orosio:

Aquesta isla esta mas cercana de Bretanya e es mas estrecha por espacio de tierra, mas es mas provechosa por la tempranza del sol e del cielo, e es habitada por las gentes de los escotos.
E alli muit cercana encara esta la isla clamada Mevania, la cual es de espacio non chica, e es provechosa e temprada tierra, e semblantment es habitada por las gentes de los escotos.

Manimenos lo termin que remató aplicando-se a los gaels que s'establioron en lo norte de la Isla de Bretanya, que prenió lo nombre d'Escocia. Los historiadors aplican especialment lo termin de "escotz" tamién a los gaels que practicaban feban incursions de saqueyo y piratería en Britania.