Francos

Os francos^[1] estioron un pueblo chermanico que s'orichinó por a fusión de diferents pueblos d'a ribera baixa d'o río Rin y que encara que no participoron en as gran emigracions chermanicas de l'anyo 406 fuoron penetrando china chana en o norte de Galia. Yeran dividius en dos brancas os francos salios y os francos ripuarios. Tenioron una cristianización tardana y estioron catolicos. Luitaban principalment a piet. Con o rei Clodoveu I dominoron cuasi tota a Galia, que fue gobernada por dos dinastías francas: os merovinchios y os carolinchios. O estau formau por os francos se tornó o mes estable de tota Europa Occidental en l'alta Edat Meya, sobre tot con o rei Carles Magno. Os francos de Galia quedoron absorbius por a población galorromana y se convertioron en franceses, os francos de Chermania se convertioron en a stämne franca d'os alemans.

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

Bibliografía

(es) Francisco Beltrán Lloris: Los germanos. Historias del Viejo Mundo, num. 15. Historia 16.

Se veiga tamién

Datos: Q43482
Multimedia: Frankish people / Q43482

[DACC-1] (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[1]