Ptyonoprogne rupestris

*Ptyonoprogne rupestris*
Ptyonoprogne rupestris
Denominacions populars
volandrina penyacera, penyacera, volandrina parda, falquilla roquera, falcinyo roquero
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Passeriformes
Familia:	Hirundinidae
Chenero:	Ptyonoprogne
Especie:	P. rupestris
Distribución cheografica
Distribución de Ptyonoprogne rupestris

A volandrina penyacera^[1]^{[nota 1]} u volandrina parda^[1] (nombre cientifico Ptyonoprogne rupestris) ye una especie animal d'o chenero Ptyonoprogne y d'a familia d'os hirundinidos. Se reproduce en as montanyas d'o sud d'Europa, a o nord-ueste d'Africa y a o largo d'o Palearctico. O suyo estau de conservación se considera de risgo minimo.^[2]

Descripción

Ye prou gran y compacto (15 cm.), con un cuerpo mas arredondiau que o d'atras especies amanadas, un cuello amplo y alas amplas y punchudas.

O plumache d'o cuello ye tenuement listau y prou fosco. As plumas d'a coda tienen un luchero puntiau blanco y no son tan clarament aforcadas como en a resta de volandrinas. O plumache en cheneral ye marronisco, encara que a zona inferior ye muito mas clara.

Tien un volido poderoso y áchil, planía con as alas planas y estendilladas de tot, podendo chirar-se, virar y avanzar a gran velocidat fendo una chicota serie d'aleteyos rapidos.

Normalment se le veye volar a grans alturas, u patrullando a o costau de grans cinglos.

Habitat

Cría en espelungas y cavidaz, precipicios y (rarament) en espacios vueitos d'edificios. Se troba a todas as altituz, mesmo por dencima de 2000 m en zonas aleixadas de montanya. Migrador a o norte d'a peninsula Iberica, resident u migrador de curta distancia a las zonas de mas enta o sud.

Nombres

Se rechistra penyacera^[3]^[1] en Labata y volandrina parda^[3]^[1] en Grist. Tamién existen as formas falquilla roquera^[3]^[1]^{[nota 2]}, rechistrada en Sarllé, y falcinyo roquero^[3]^[1].

Notas

↑ U simplament penyacera.
↑ En aragonés benasqués falquilla de les roques.

Referencias

1 2 3 4 5 6 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (en) Eurasian Crag Martin. Ptyonoprogne rupestris. Lista Roya d'Especies Menazadas d'a UICN. Unión Internacional pa a Conservación d'a Naturaleza. BirdLife International.
1 2 3 4 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.

Datos: Q213216
Multimedia: Ptyonoprogne rupestris / Q213216
Especies: Ptyonoprogne rupestris

[2] U simplament penyacera.

[5] En aragonés benasqués falquilla de les roques.

[DACC-1] 1 2 3 4 5 6 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[uicn22-3] (en) Eurasian Crag Martin. Ptyonoprogne rupestris. Lista Roya d'Especies Menazadas d'a UICN. Unión Internacional pa a Conservación d'a Naturaleza. BirdLife International.

[Vidaller-4] 1 2 3 4 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.

[1]

[nota 1]

[2]

[3]

[nota 2]