Pteridium aquilinum
| Pteridium aquilinum | |
|---|---|
 | |
| Denominacions populars | |
feleguera gran / felequera gran | |
| Clasificación cientifica | |
| Plantae | |
| Monilophyta | |
| Polypodiopsida | |
| Pteridales | |
| Dennstaedtiaceae | |
| Pteridium | |
| P. aquilinum | |
| Descripción | |
Pteridium aquilinum Carolus Linnaeus Thomas Kuhn in Kersten, 1879 | |
O feleguera gran[1][nota 1] (nombre cientifico Pteridium aquilinum) ye una especie de feleguera d'o chenero Pteridium y d'a familia Dennstaedtiaceae. Ista especie ye un d'os organismos vechetals de mas ampla distribución podendo trobar-se en toz os continents, fueras de l'Antarctida. Tenió importancia entre os guaranís como remeyo.
Descripción
[editar | modificar o codigo]Ye una feleguera isosporia vivaz u perenne con un rizoma soterranyo muit desarrollau que plega dica un metro de largaria de color parda y cubierto de vellosidaz escuras. Tien frondas muit grans, de dica 2 metros con laminas tri u cuatripinnadas con pinnas ovoides y glabras en l'az mientres que en o revés son muit pilosas, peciolo menor u igual en largaria que a lamina. Poseye soros reunius en cenosoros linears con doble indusio, por una parte un pseudoindusio membranoso compuesto por a mesma lamina y un indusio verdadero de color parda situaus en o revés d'as frondas. Esporanchios esferoidals con aniello lonchitudinal, esporas triletas mit lucheras que s'ensementan muit ascape por o viento.
Habitat
[editar | modificar o codigo]Especie subcosmopolita de distribución mundial y ausent en zonas deserticas y subdeserticas que habita dende o livel d'a mar dica os 2900 de altaria (pendendo d'o puesto de distribución) alto u baixo sobre suleros fundos bien drenaus dica arenosos en zonas frescas con substratos pobres en bases u lucherament silicios. Fa parti d'a saber-las series de vechetación y as suyas etapas de degradación en estar extremadament resistent a os incendios forestals.
Distribución
[editar | modificar o codigo]Ista feleguera ye originaria d'Europa, Asia oriental y America d'o Norte. En America, se troba en tot o territorio continental d'os Estaus Unius y en as provincias canadienses d'Ontario, Québec y Terranova. A muga norte d'a suya aria de distribución s'estendilla dica o sud d'Alaska, mientras que por o sud plega dica as porcions mas meridionals de Mexico.
Notas
[editar | modificar o codigo]- ↑ Con a variant felequera gran.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
| Control d'autoridaz |
|
|---|
Datos: Q213548
Multimedia: Pteridium aquilinum / Q213548
Especies: Pteridium aquilinum