Ir al contenido

Protocolo de transferencia de fichers

De Biquipedia

O protocolo de transferencia de fichers (FTP por as suyas siglas en anglés) ye un protocolo estándard de comunicación que s'usa ta transferir fichers dende un servidor enta un ordinador client a traviés d'un rete d'ordinadors. O FTP funciona con un sistema de client y servidor, y emplega diferents connexions de control y de datos ta creyar una estructura de rete.[1]

Protocolo de comunicación
Fin Transferencia de fichers
Desarrollau RFC 959 fue desenrrollau por Abhay Bhushan.
Introducción 16 d'abril de 1971; fa 54 anyos

Os usuarios d'o FTP pueden autenticar-se muitas vegadas fendo servir un protocolo d'inicio de sesión en texto claro, cheneralment con un nombre d'usuario y una clau. Pero si o servidor ye configurau ta permitir-lo, os clients pueden connectar-se sin estar rechistraus. Si cal medidas de seguredat ta protecher os nombres d'usuario y as claus y ta guarenciar la protección d'a información d'o conteniu, o FTP s'asegura muitas vegadas con SSL/TLS (FTPS) u con o protocolo de transferencia de fichers sobre SSH (SFTP). As primeras aplicacions client de FTP estioron programas por linia de comandos, creyaus antes d'a existencia d'os sistemas operativos con interfaz grafica. Estes programas encara s'incluyen hue con muitos sistemas operativos de Windows, Unix y Linux.[2][3]

O suporte ta lo protocolo FTP s'eliminó de Google Chrome en chinero de 2021 (dende la versión 88). Tamén se deixó de suportar en Firefox, en a versión 88.0. Pero en chulio de 2021, Firefox 90 eliminó de raso lo protocolo.[4][5]

Historia d'o protocolo de transferencia de fichers

[editar | modificar o codigo]

O protocolo de transferencia de fichers (FTP) ye una d'as tecnolochías mas antigas y importants ta compartir fichers en Internet. A especificación orichinal fue escrita por Abhay Bhushan y publicada como RFC 114 lo 16 d'abril de 1971. Dica 1980, l’FTP funcionaba sobre NCP (Network Control Program), una versión anterior de TCP/IP. Posteriorment, s'actualizó ta funcionar con TCP/IP, seguntes se describe en RFC 765 (chunio de 1980) y RFC 959 (octubre de 1985), y encara hue contina estando l'estándard en uso.

Dende alavez, cuantos RFCs posteriors han amillorau lo sistema FTP, incluyindo-ie RFC 1579 (1994) ta un modo pasivo compatible con tallafuegos, RFC 2228 (1997) ta extensións de seguredat, y RFC 2428 (1998) ta suporte d'IPv6 y un nuevo modo pasivo.[6]

Comunicación y transferencia de datos

[editar | modificar o codigo]

L'FTP puede funcionar en modo activo u en modo pasivo, seguntes cómo s'estableix a connexión de datos entre lo client y ño servidor.[7]

En modo activo, lo client ubre un puerto (nombrau como Puerto M) y aspera recibir connexions de datos d'o servidor. Dimpués, o client ninvía un comando "PORT M" ta que lo servidor sepa qué puerto fer servir. D’atra man, o servidor inicia una connexión enta lo puerto especificau en o client, partiendo d'o suyo puerto de datos (puerto 20).

Cuan se fa servir, si lo client ye dezaga d'un tallafuegos u Network Address Translation (NAT) que impide connexions TCP dentrants, s'emplega cheneralment o modo pasivo. En iste caso, lo client ninvía un comando "PASV" sobre la connexión de control. O servidor responde con una dirección IP y un numero de puerto, y lo client inicia una connexión d'o suyo puerto local enta la dirección IP y puerto asignaus por o servidor.[8]

Referencias

[editar | modificar o codigo]
  1. ↑ (en) Behrouz A. Forouzan: TCP/IP Protocol Suite (2nda edición). Tata McGraw Hill, 2003.
  2. ↑ (en) The TCP/IP Guide - FTP Overview, History and Standards.
  3. ↑ (en) Tamara Dean: Network+ Guide to Networks Cengage Learning, 2012. pp. 168–171.
  4. ↑ (en) Deprecations and removals in Chrome 87 | Web, en Google Developers.
  5. ↑ (en) Firefox 88.0, See All New Features, Updates and Fixes, en Mozilla.
  6. ↑ (en) FTP Server BD History of FTP and its Usage.
  7. ↑ (en) Active FTP vs. Passive FTP, a Definitive Explanation, en Slacksite.com.
  8. ↑ (en) J.Postel y J.Reynolds: RFC 959 (Standard) File Transfer Protocol (FTP), octubre de 1985.

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Protocolo_de_transferencia_de_fichers&oldid=2339145"