Programa Luzia Dueso

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

folleto programa Luzia Dueso curso 2012-2013

O Programa Luzia Dueso ye una iniciativa de Gubierno d'Aragón sobre actividaz socioculturals en aragonés.

Orichen

L'aragonés empecipió a impartir-se en os centros publicos d'Aragón en o curso academico 1997-1998. Ta part d'alavez yeran cuatro es centros que aculliban esta iniciativa con una plaza de mayestro cada un: Chaca, Biescas, L'Ainsa y Benás. En l'anyada 2009 se i achuntó una atra plaza mas ta o CRA Cinca-Cinqueta. Hue, os cinco mayestros achustaus per o Departamento de Educación, Universidad y Deporte d'o Gubierno d'Aragón, fan clases d'aragonés en 22 centros escolars.

Dende alavez, han pasau per as clases d'aragonés mas de 3.000 alumnos.

En o curso 2005/2006, a iniciativa d'a persona responsable de luenga y literatura de o CPR de Huesca, s'empecipió a fer un Seminario ta profesorau d'aragonés, como espacio ta fer partache d'experiencias, millora d'a formación y actualización profesional ta o profesorau que feba aragonés y atros docents que i yeran interesaus. Amás feba honra ta replegar propuestas y poder intercambiar materials didacticos, recursos y metodolochía.

En o curso 2006/2007, y prenendo como modelo o programa Jesús Moncada, que feba actividaz socioculturals de dinamización de o catalán d'Aragón en os centros escolars de l'Aragón oriental an que se i feba esta asignatura, se posó en marcha un programa d'animación arredol d'a luenga e a cultura aragonesa, que dimpués prenió o nombre de “Luzía Dueso”, en honor a la escritora chistavina. Estió organizau per a Dirección Cheneral de Politica Educativa y coordinau per Mª Pilar Benítez dica o curso 2012/2013 que prene a coordinación Fernando Romanos.

Dende este curso se i fan cualques cambios: en primerías s'ixampla dica 60 actividaz a traviés d'una oferta ubierta y publica incorporando-ie as tematicas d'actualidat y nuevas tecnolochías, y a participación de todas as asociacions y editorials referencials en a promoción de l'aragonés. Dimpués se fa convocatoria ubierta a toz es centros sostenius con fondos publicos de tot Aragón, fendo que a difusión de l'aragonés s'ixample a un numero de centros mas gran.

Actividaz

Teatro, cine, audiovisual, cultura,

Organización

Os centros pueden pedir as actividaz en o curso escolar