Ir al contenido

Prince Valiant (cinta de 1954)

De Biquipedia
Iste articlo ye sobre una cinta estausunidense de 1954 de cine d'aventuras de capa y espada; ta atros usos, se veiga Prince Valiant (desambigación) y Prince Valiant (cinta).
Prince Valiant
Títol Prince Valiant
Ficha tecnica
Dirección Henry Hathaway
Aduyant de dirección Stan Hough
Dirección artistica Mark-Lee Kirk
Lyle R. Wheeler
Producción Robert L. Jacks
Guión adaptau Dudley Nichols
Basau en Prince Valiant, personache de cómic de Hal Foster (1937)
Musica Franz Waxman
Soniu Alfred Bruzlin
Roger Heman Sr.
Fotografía Lucien Ballard
Montache Robert L. Simpson
Escenografía Stuart A. Reiss
Walter M. Scott
Maquillache Ben Nye
Lynn F. Reynolds
Efectos especials Louis J. Witte
Ray Kellogg
Actors Robert Wagner
James Mason
Janet Leigh
Debra Paget
Sterling Hayden
Victor McLaglen
Donald Crisp
Brian Aherne
Barry Jones
Mary Philips
Howard Wendell
Tom Conway
Primo Carnera
Don Megowan
Richard Webb
Jarma Lewis
Neville Brand
John Davidson
John Dierkes
Otto Waldis
Percival Vivian
Robert Adler
Michael Rennie
Color Cinemascope
Technicolor
Narrador Michael Rennie
Datos y cifras
País(es) Estaus Unius
Anyo 1954
Estreno 5 d'abril de 1954 Estaus Unius[1]
Chenero(s) Cine d'aventuras
Cine de capa y espada
Durada 100 min.
Idioma(s) Anglés
Companyías
Productora(s) 20th Century-Fox
Distribución 20th Century-Fox
Estudio(s) 20th Century Fox Studios
Presupuesto 2.970.000 dólars
Recauto 2.600.000 dólars
Informacions en bases de datos especializadas:

Prince Valiant (títol orichinal en anglés, en aragonés Prencipe valient u Prencipe Valiant, estrenada en Aragón con o suyo títol traduciu enta lo castellano como El prícipe valiente) ye una cinta de cine estausunidense de cine d'aventuras de capa y espada estrenada l'anyo 1954, dirichida por Henry Hathaway seguntes un guión adaptau por Dudley Nichols (basau en o personache de cómic Prince Valiant, creyau por Hal Foster en 1937), con una banda sonora orichinal de Franz Waxman, una dirección de fotografía de Lucien Ballard, una producción cinematografica de Robert L. Jacks ta la productora cinematografica 20th Century-Fox y un elenco d'o cual en fan parte, entre d'atros actors, Robert Wagner, James Mason, Janet Leigh, Debra Paget, Sterling Hayden, Victor McLaglen, Donald Crisp, Brian Aherne, Barry Jones, Mary Philips, Howard Wendell, Tom Conway, Primo Carnera, Don Megowan, Richard Webb, Jarma Lewis, Neville Brand, John Davidson, John Dierkes, Otto Waldis, Percival Vivian, Robert Adler y Michael Rennie.

Sligon ye un pagano que ha usurpau lo reino vikingo d'Escandinavia, fendo fuera a lo suyo rei cristiano, que s'ha refuchiau con su muller y su fillo, Valiant, en a corte d'o rei Arturo. En creixer y fer-se un choven, ninvían a Valiant enta Camelot ta que sía lo suyo mayestro sir Gawain, un d'os caballers d'a Mesa Redonda. Bel dia Valiant descubre a vikingos partidarios de Sligon charrando con un caballero vestiu de negro. Consigue fuyir y troba a sir Gawain, qui lo leva enta lo rei Arturo, qui decide que Valiant sía l'escudero de sir Gawain. Un atro d'os caballeros, sir Brack, li ufre acompanyar-lo dica lo lugar a on heba trobau a lo caballero negro, pero en separar-se en plegar-ie, Valiant ye atacau y queda feriu por una flecha, logrando fuyir ta refuchiar-se en a cort d'o rei Luke, a on s'enamora d'una d'as suyas fillas, a princesa Aleta, encara que han de mantener amagau o suyo amor en desaprobar o rei los oríchens vikingos de Valiant, a la vegada que Ilene, l'atra filla, siente atracción por sir Gawain. En tornar en Camelot, Valiant descubre que sir Gawain ha estau greument feriu a la vegada qie sir Brack ha desapareixiu, y prencipia a sospeitar d'él. Bien luego Valiant se fa pasar por sir Gawain en un torneyo ta ganar a mano d'a princesa Aleta, pero lo vence un atro caballero, que resulta estar l'autentico Gawain, motivo por o cual Valiant (que por respeto a Gawain amaga lo suyo amor por Aleta) ye castigau. Pero recibe l'aniello de su pai y para cuenta de que iste ye en periglo y marcha en a suya busca, nomás que ta estar capturau por vikingos de Sligon, que ha pactau con o Caballero Negro la suya entrega a cambio d'aduya ta derrocar a lo rei Arturo. Sligon tamién fa presonera a Aleta y presiona a Valiant ta que confiese qui son os vikingos cristianos. Tanimientres, istos organizan una rebelión que consigue matar a Sligon. Agora Valiant ha de tornar en Camelot con Aleta ta advertir a Arturo d'a traición de sir Brack y evitar o suyo derrocamiento.

A cinta s'ambienta en bel momento indeterminau de l'Alta Edat Meya en l'actual Reino Uniu y en l'actual Suecia, y las suyas escenas se filmoron en o castiello d'Eilean Donan en Dornie (Highland), en o castiello de Duart (Argyll and Bute) y en o castiello de Braemar en Braemar (Aberdeenshire) en Escocia, en o castiello de Caernarfon en Caernarfon (Galas) y en o castiello d'Alnwick en Alnwick (Northumberland) y Warwick (Warwickshire) en Anglaterra en o Reino Uniu, y en Los Angeles y atros puestos de California en Estaus Unius, amás d'en os 20th Century Fox Studios tamién en Los Angeles.[2]

Elenco[3]

[editar | modificar o codigo]
Actor Papel Notas
'

Se veiga tamién

[editar | modificar o codigo]

Referencias

[editar | modificar o codigo]
  1. ↑ (en) Estreno de Prince Valiant en Internet Movie Database.
  2. ↑ (en) Estreno de Prince Valiant en Internet Movie Database.
  3. ↑ (en) Prince Valiant en Internet Movie Database.

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Prince_Valiant_(cinta_de_1954)&oldid=2286647"