Pretty Woman

Pretty Woman
Títol	Pretty Woman
Ficha tecnica
Dirección	Garry Marshall
Aduyant de dirección	Ronald Chong Bettiann Fishman Ellen H. Schwartz Walter von Huene
Dirección artistica	David M. Haber
Producción	Arnon Milchan Steven Reuther Gary W. Goldstein
Disenyo de producción	Albert Brenner
Guión orichinal	J. F. Lawton
Musica	James Newton Howard
Soniu	Robert Fitzgerald Jeremy J. Gordon David Hagberg Michael Hilkene David J. Hudson Doug Jackson Chris Jargo Randall L. Johnson Gary Krivacek Eric Lindemann Harrison D. Marsh Joseph A. Mayer Mel Metcalfe Terry Porter Thomas W. Small James E. Webb John O. Wilde
Fotografía	Charles Minsky
Montache	Raja Gosnell Priscilla Nedd
Escenografía	Garrett Lewis
Vestuario	Marilyn Vance
Maquillache	Bob Mills
Peluquería	Carol A. O'Connell
Efectos especials	Gary Zink
Casting	Dianne Crittenden
Actors	Richard Gere Julia Roberts Ralph Bellamy Jason Alexander Héctor Elizondo Laura San Giacomo Alex Hyde-White Amy Yasbeck Elinor Donahue John David Carson Judith Baldwin Patrick Richwood James Patrick Stuart Dey Young Larry Miller Hank Azaria Larry Hankin
Color	Panavision Technicolor
Datos y cifras
País(es)	Estaus Unius
Anyo	1990
Estreno	23 de marzo de 1990 Estaus Unius
Chenero(s)	Cine de comedia Cine de romance
Durada	119 min.
Idioma(s)	Anglés
Companyías
Productora(s)	Touchstone Pictures Silver Screen Partners IV
Distribución	Buena Vista Pictures Distribution
Estudio(s)	Walt Disney Studios
Presupuesto	14 millons de dólars
Recauto	463,4 millons de dólars
Informacions en bases de datos especializadas:

Pretty Woman (títol orichinal en anglés, en aragonés Muller polida, estrenada en Aragón con o suyo títol orichinal) ye una cinta de cine estausunidense de cine de comedia romantica estrenada l'anyo 1990 dirichida por Garry Marshall seguntes un guión orichinal de J. F. Lawton, con una dirección de fotografía de Charles Minsky, una banda sonora orichinal a lo cudiau de James Newton Howard y una producción cinematografica d'Arnon Milchan, Steven Reuther y Gary W. Goldstein ta las productoras Touchstone Pictures y Silver Screen Partners IV. Fan parte de l'elenco d'a cinta, entre d'atros actors, Richard Gere, Julia Roberts, Ralph Bellamy, Jason Alexander, Héctor Elizondo, Laura San Giacomo, Alex Hyde-White, Amy Yasbeck, Elinor Donahue, John David Carson, Judith Baldwin, Patrick Richwood, James Patrick Stuart, Dey Young, Larry Miller, Hank Azaria y Larry Hankin.

Edward Lewis ye especializau en comprar empresas en dificultaz economicas ta dimpués estricallar-las y vender os suyos fragmentos por separau, obtenendo con ixo grans beneficios y se troba en Los Angeles ta fer-ie un negocio. En una fiesta en os barrios altos d'a ciudat decide marchar y pilla l'auto d'o suyo socio y avogau Philip, un Lotus Esprit. Tanimientres, no troba lo suyo hotel y se troba en Hollywood Boulevard, una carrera adedicada a la prostitución a on troba a Vivian Ward, qui li ufre de cobar-li por levar-lo enta lo suyo hotel, y Edward accepta. En plegar enta l'hotel, cuan paga a Vivian y veye que ista ye asperando l'autobús li proposa de puyar enta la suya cambra y Vivian accepta. En trobar-se bien con ella, alcuerdan que se quede toda la nueit y a la fin li demana que remanie con él una semana, lo tiempo que él será en Los Angeles, pagando-li 3.000 dólars amás de diners ta ropa ta acompanyar-lo. Vivian tien problemas en a primer botiga a on dentra, a on se niegan a atender-la, pero a la fin consigue l'aduya de Barney, lo comprensivo cherent de l'hotel, qui l'adrza enta una botiga a on li venden ropa que la transforma completament, ta sorpresa d'Edward. Ixa nueit acompanya a Edward a una cena con o Morse, propietario d'a empresa que quiere mercar y su nieto David, y lo suyo comportamiento gana la simpatía de Morse y lo respecto d'Edward. A lo día siguient, en un acto social en que Vivian acompanya a Edward, iste ye charrando con lo suyo avogau Philip cuan veyen a Vivian charrando con David, y Philip advierte a Edward que Vivian puet estar una espía, momento en o cual Edward diz que ye imposible, que ye una prostituta. Poco dimpués Philip tracta a Vivian como prostituta y ixo provoca un gran problema entre Vivian y Edward. A semana remata y Edward proposa a Vivian de continar veyendo-se, pero la mesacha diz que li demanaría mas y li explica lo suyo suenio infantil. Ista semana chuntos ha provocau cambios en Edward, dica lo punto que decide ufrir a Morse un tracto ta colaborar con a suya empresa en cuentas de comprar-la y destruyir-la, cosa que caparronia a Philip, que agrede a Vivian dica que plega Edward y el fa fuera. Vivian marcha a la fin en rematar o tiempo contractau y Edward reflexiona sobre lo cambio que s'ha produciu en a suya vida con a muller, pero ye Barney, lo cherent de l'hotel, qui li dona l'arranque final.

A cinta s'ambienta en a suya epoca actual (1990) en Los Angeles (California); y las suyas escenas se filmoron en Beverly Hills, Burbank, Los Angeles y San Francisco (California) y Pittsburgh (Pennsilvania), amás d'en os Walt Disney Studios situaus en Burbank.

Pretty Woman ye una cinta que ha recibiu cuantos premios y nominacions, en destacando una nominación a lo Premio Oscar a la Millor Actriz en 1991 mientres a 63^ena edición d'os Premios Oscar; cuatre nominacions a los Premios BAFTA (Millor Cinta, Millor Actriz, Millor Guión Orichinal y Millor Disenyo de Vestuario) en 1991 en a suya 44^ena edición; una nominación a lo Premio César a la Millor Cinta Forana em 1991 mientres a 16^ena edición d'os Premios César; una nominación a lo Premio David de Donatello a la Millor Actriz Forana en 1991 mientres a 36^ena edición d'os Premios David de Donatello; y un Premio Globo d'Oro a la Millor Actriz de Musical u Comedia y atras tres nominacions (Millor Cinta de Musical u Comedia, Millor Actor de Musical u Comedia y Millor Actor Segundario) en 1991 en a 48^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1990.
• Cintas de 1990.

Vinclos externos

• Se veigan as imáchens de Commons sobre Pretty Woman.
• (en) Pretty Woman en Internet Movie Database.
• (en) Pretty Woman en Box Office Mojo.
• (en) Pretty Woman en l'American Film Institute Catalog de l'American Film Institute.

• Datos: Q207954
• Multimedia: Pretty Woman / Q207954