Preterito plusquamperfecto de conchuntivo en baverán

De Biquipedia
Ir a la navegación Ir a la búsqueda
Tiempos verbals
en baverán
Modo indicativo

 - Formas simplas
Present
Preterito imperfecto
Futuro
 - Formas compuestas
Preterito perfecto
Preterito plusquamperfecto
Futuro compuesto

Modo conchuntivo

 - Formas simplas
Present
Preterito imperfecto
 - Formas compuestas
Preterito plusquamperfecto

Modo imperativo

Imperativo

Impresonals

Infinitivo present
Infinitivo perfecto
Participio present
Participio perfecto

O preterito plusquamperfecto de conchuntivo en baverán (Konjunktiv Plusquampeafekt) se fa servir ta esprisar deseyos en tiempo pasau que desvienen antis d'atros tamién pasaus. Ye alto u baixo equivalent a o pasato plusquamperfecto de subchuntivo en aragonés.

Preterito plusquamperfecto[editar | modificar o codigo]

Igual que en o preterito plusquamperfecto d'indicativo, se forma con aduya d'os verbos auxiliars "sei" y "håm".

  • O verbo håm se fa servir como auxiliar con verbos transitivos u que describen un comportamiento. Istos verbos se conchugan con a conchugación de preterito imperfecto de conchuntivo de håm y o participio perfecto d'o verbo a conchugar. Un eixemplo de conchugación d'o verbo singà (en aragonés "cantar") ye:
Presona Conchugación Aragonés
1ª Sing. i häd gsågd yo hese cantau/ato
2ª Sing. du hädsd gsågd tú heses cantau/ato
3ª Sing. eà/sie/es häd gsågd ell/ella hese cantau/ato
1ª Plur. mià hän gsågd nusatros hésenos cantau/ato
2ª Plur. ià hädds gsågd vusatros hesetz cantau/ato
3ª Plur. de hän gsågd ells/ellas hesen cantau/ato
  • O verbo auxiliar sei se fa servir con verbos intransitivos que describen un cambeo d'estau u posición, igual que pasa en l'aragonés. Istos verbos se conchugan con a conchugación de preterito imperfecto de conchuntivo de sei y o participio perfecto d'o verbo a conchugar. Un eixemplo de conchugación d'o verbo geh (en aragonés "ir-se-ne") ye:
Presona Conchugación Aragonés
1ª Sing. i wàà(r) gangà yo me'n fuese iu
2ª Sing. du wàà(r)sd gangà tú te'n fueses iu
3ª Sing. eà/sie/es wàà(r) gangà ell/ella se'n fuese iu
1ª Plur. mià wàà(r)n gangà nusatros mos ne fuésenos ius
2ª Plur. ià wàà(r)ds gangà vusatros tos ne fuésetz ius
3ª Plur. de wàà(r)dn gangà ells/ellas se'n fuesen ius

Preterito perfecto[editar | modificar o codigo]

En baverán no existen formas propias de preterito plusquamperfecto de conchuntivo, en cuentas se fa servir o present d'indicativo:

Baverán Alemán Aragonés
Eà sågd, eà hàd nix gschdoin Er sagt, er habe nichts gestohlen Ell diz, que no ha furtau garra cosa

Como se veye sería equivalent en iste caso a o pasato perfecto compuesto d'indicativo en aragonés, encara literalment habría de traducir-se como pasau perfecto de subchuntivo (haiga furtau). Tamién se fa servir, igual que en l'alemán coloquial, o preterito plusquamperfecto de conchuntivo en iste caso:

Baverán Alemán Aragonés
Eà sågd, eà häd nix gschdoin Er sagt, er hätte nichts gestohlen Ell diz, que no hese furtau garra cosa

Bibliografía[editar | modificar o codigo]