Presión sanguinia

De Biquipedia
Medindo la presión sanguinia.

A presión sanguinia ye a presión d'a sangre circulant contra as paretz d'os vasos sanguinios. A mayor parti d'ista presión ye a resultas de pompiar o corazón a sangre a traviés d'o sistema circulatorio. Per un regular a presión sanguinia se refiere a la presión arterial u tensión arterial y se refiere a la presión en as arterias grans. A presión arterial per un regular s'expresa en termins d'a presión sistolica (presión maxima mientres un traquiu d'o corazón) sobre a presión diastolica (presión minima entre dos traquius d'o corazón) en o ciclo cardiaco. Se mide en milimetros de mercurio (mmHg) per dencima d'a presión atmosferica circumdant.

A presión arterial ye un d'os sinyals vitals, de conchunta con con a freqüencia respiratoria, a freqüencia cardiaca, a saturación d'oxichén y a temperatura corporal, que os profesionals d'a salut fan servir pa avalorar a salut d'un pacient. A presión arterial normal en reposo, en un adulto, ye a la raya de 120 milimetros de mercurio (16 kPa) sistolica y arredol de 80 milimetros de mercurio (11 kPa) diastolica, indicada asobén como 120/80 mmHg.[1]

Referencias[editar | modificar o codigo]

  1. (en) NCD Risk Factor Collaboration (NCD-RisC) (2017). "Worldwide trends in blood pressure from 1975 to 2015: a pooled analysis of 1479 population-based measurement studies with 19·1 million participants". The Lancet. 389 (10064): 37–55.