Prencipau de Benavent

De Biquipedia
(Reendrezau dende Prencipato de Benavent)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo u sección ha menester d'un wikificato con un formato adecuato a lo manual d'estilo de Biquipedia.
Por favor, edita-lo ta cumplir con ellas. No borres iste aviso dica que no l'haigas feito. Colabora wikificando!

O Prencipau de Benavent estió un territorio controlau por os longobardos en o cabo sud d'Italia que succedió a lo Ducau de Benavent.

Arechis II intentó reclamar pa él o títol de rei, pero debant d'o periglo que ixo suposase a intervención d'os francos en o suyo territorio, optó por autoproclamar-se prencipe en l'anyo 787. En 778 os bizantins atacoron de nuevo Benavent pero Grimoald III los refusó, con l'aduya d'os francos, en haber aceptau a sumisión "nominal" a estos. Peró cuan este territorio viviba uno d'os millors intes, se dividió (839). O principe Sicard fue asesinau y encomenzó una guerra civil que levó a lo fillo d'este a proclamar-se prencipe de Salerno, mientres l'asasinador Radelchis s'autoproclamó prencipe de Benavent. Amés aproveitando a confusión, os liders locals de Capua s'autoproclamoron tamién prencipes de Capua.

A crisi s'agravó con l'aparición d'os sarracins que a sobén feban incursions y saqueyos en as costas d'o sud d'Italia. En l'anyo 915 con a batalla de Garigliano os musulmans fuoron forachitaus d'a peninsula por una coalición cristiana. Alavez l'Imperio Bizantín lo aproveitó pa reconquerir grans partes d'o sud d'Italia. A relevancia d'o prencipau minguó plegando dica o inte que Atenulfo I de Capua lo conquirió en 899 unindo os dos territorios cuasi un sieglo. Introdució o principio d'os co-gubernants, ye dicir, o feito d'asociar a los propios fillos en o gubierno d'o territorio en o papel de co-prencipes. O duque Pandulfo Cabeza de Fierro se convertió en prencipe de Salerno o 978, unificando asinas, por poco tiempo, toz os territorios longobardos d'o sud. Tamién consiguió que Benavent fuese nombrada archidiocesi. Poco antes d'a suya muerte (981) consiguió que l'emperador Otón I li concedese tamién o títol de duque de Spoleto. Pero este inte d'unidat duró poco. O territorio fue dividiu entro os fillos d'o prencipe. Landulfo IV recibió Benavent-Capua y Pandulfo II recibió Salerno. A mes, un sobrín se rebeló e prenió Benavent.

En 1022 l'emperador d'o Sacro Imperio Romano Chermanico, Henrique II, conquerió Capua y Benavent temporalment. Dende l'anyo 1047 os normandos tamién s'heban instalau en o territorio. O normando Robert Guiscard prenió a ciudat o 1053 y la entregó a la sobirania papal. O Papa designó una serie de prencipes longobardos como gubernants antes de designar a lo mesmo Guiscard, que yera qui ostentaba o poder, l'anyo 1078. En 1081 o ducau tornó a poder d'o Papa y ya no nombraron mes duques ni prencipes. L'anyo 1806, Napoleón, en conquirió o territorio y recuperó o títol en favor de Charles Maurice de Talleyrand, pero sin valor real.