Prebostato de Berchtesgaden

De Biquipedia
Ir a la navegación Ir a la búsqueda
Prebostato de Berchtesgaden
Fürstpropstei Berchtesgaden
Flag of Bavaria (lozengy).svg 1194 — 1803 Flag of Salzburg.svg
Escudo d'armas
Situación de Prebostato de Berchtesgaden
Prebostato en 1789
Capital Berchtesgaden
Idioma oficial
 • Atros idiomas
Alemán y latín
Baverán
Relichión Catolica
Gubierno Prencipato
Prencipe-preboste
 • 1559
 • 1803

Wolfgang II Griestätter
Joseph Konrad von Schroffenberg
 • Establimiento 1102
 • Dentra en o imperio 1194
 • S'une a o circlo baverán 1500
 • Prencipe-Preboste 1559
 • Union a o reino de Bavera 1810
Población
10.000 hab.
Moneda Talero de Berchtesgaden

O Prebostato de Berchtesgaden u Prencipato prebostal de Berchtesgaden estió una churisdicción territorial d'orichen eclesiastico, creyada por a Orden de Sant Agostín, que s'estendillaba por o territorio de Berchtesgaden, que actualment se troba aintro d'o districto de Berchtesgadener Land en l'Alta Bavera, Alemanya.

Historia[editar | editar código]

O monesterio, adedicau a Sant Pero y Sant Chuan Baptista, fue establiu en 1102 por una comunidat de monches agustinians procedents de Sulzbach por deseyo d'a condesa Irmgard de Sulzbach, filla d'o conde-palatín Kuno I de Rott. Dimpués d'a suya muerte, o suyo fillo Berenguer de Sulzbach y o suyo fillastro Kuno de Horburg s'encargoron d'establir o monesterio.

O territorio d'o prebostato incluyiba toda a val de Berchtesgaden, que corresponde a o que hue serían os municipios de Berchtesgaden, Bischofswiesen, Marktschellenberg, Ramsau bei Berchtesgaden y Schönau am Königssee, encara que ocasionalment a suya churisdicción s'estendilló sobre bellas arias situadas difuera d'iste territorio. Por ixas envueltas os centros d'o prencipato yeran os mercaus de Berchtesgaden y Schellenberg y a vicaría de Ramsau, mientres que o territorio s'organizaba en unidatz administrativas ditas Gnotschaften.

A localización d'o monesterio yera un punto estratechico de gran importancia, amán d'os depositos de sal de Berchtesgaden y entre os territorios d'os suyos vecins mas poderosos, Bavera y Salzburgo, lo que le permitiba actuar como estau tampón en beneficio propio. D'atra man cal considerar a situación cheografica d'a val, rodiada de grans monts que la feban quasi inaccesible por totz os costaus difuera d'un unico punto por o norte. Istas circunstancias facioron que o prebostato tenese pocas dificultatz ta mantener a suya independencia y en 1194 se convirtió en una abadia imperial. En 1380 o preboste fue nombrau prencipe d'o Imperio (Reichsfürste),[1] y en 1559 obtiene o dreito de posar-se en o Reichstag como prencipe-preboste, un títol comparable a o de prencipe-bispe.

Por un regular o títol de prencipe-preboste yera poseyíu conchuntament con atros de l'alta cherarquía eclesiastica y a sobén os prebostes viviban difuera d'o territorio d'a suya churisdicción.

Entre 1802 y 1803 o prebostato y os suyos territorios fuoron secularizaus en o marco d'a Reichsdeputationshauptschluss (en aragonés Gran secularización alemana) y pasoron en 1805 a o Electorato de Salzburg en Austria y en 1810 a Bavera. Os edificios monastics fuoron emplegaus mientres bells anyos como caserna pero en 1818 o monesterio se convirtió en residencia d'a familia reyal baverana, a dinastía Wittelsbach, que lo utilizó como palacio de verano.

En rematar a monarquía baverana, o monesterio fue considerau como parti d'os fundos personals d'os Wittelsbach (Wittelsbacher Ausgleichsfond). Actualment bellas salas d'o palacio son ubiertas a o publico, mientres que atras encara son utilizadas por os hereus d'os Wittelsbach. A ilesia d'o monesterio funciona como ilesia parroquial d'a localidat.

Referencias[editar | editar código]

  1. "Fürst ye un títol de nobleza alemán que gosa traducir-se como "prencipe".

Vinclos externos[editar | editar código]