Powder River (cinta)

Iste articlo ye sobre un western estausunidense de 1953; ta atros usos, se veiga Powder River.

Powder River
Títol	Powder River
Póster d'a cinta.
Ficha tecnica
Dirección	Louis King
Aduyant de dirección	Stan Hough
Dirección artistica	Chester Gore Lyle R. Wheeler
Producción	Andre Hakim
Guión adaptau	Daniel Mainwaring
Basau en	un historia de Sam Hellman basada en Wyatt Earp: Frontier Marshal, novela de Stuart N. Lake (1931)
Soniu	Bernard Freericks Harry M. Leonard
Fotografía	Edward Cronjager
Montache	William B. Murphy
Escenografía	Fred J. Rode
Vestuario	Travilla
Maquillache	Ben Nye
Efectos especials	Ray Kellogg
Actors	Rory Calhoun Corinne Calvet Cameron Mitchell Penny Edwards Carl Betz John Dehner Raymond Greenleaf Victor Sutherland
Color	Technicolor
Datos y cifras
País(es)	Estaus Unius
Anyo	1953
Estreno	8 de chunio de 1953 Estaus Unius
Chenero(s)	Cine de western
Durada	78 min.
Idioma(s)	Anglés
Companyías
Productora(s)	20th Century Fox
Distribución	20th Century Fox
Presupuesto	985.000 dólars[banda
Recauto	1.000.000 dólars
Informacions en bases de datos especializadas:

Powder River (títol orichinal en anglés, en aragonés Río de polvora, estrenada en Aragón con o suyo títol traduciu enta lo castellano de Río de pólvora) ye una cinta de cine de western de cine estausunidense estrenada l'anyo 1953, dirichida por Louis King seguntes un guión adaptau por Daniel Mainwaring (basau en un historia de Sam Hellman, basada a la vegada en a novela Wyatt Earp: Frontier Marshal, publicada por Stuart N. Lake en 1931), con una dirección de fotografía de Edward Cronjager, una producción cinematografica d'Andre Hakim ta la productora cinematografica 20th Century Fox y un elenco d'o cual en fan parte Rory Calhoun, Corinne Calvet, Cameron Mitchell, Penny Edwards, Carl Betz, John Dehner, Raymond Greenleaf y Victor Sutherland, entre d'atros actors.

En 1875, Chino Bull ha albandonau a suya profesión de shériff, encara que ye miembro d'una familia de shériffs. Viacha enta lo río Powder acompanyau d'o suyo amigo Johnny Slater ta buscar-ie oro. Cuan se troban acampaus, Loney Logan y Will Horn, dos farutes d'a redolada, preban de robar-lis os suyos caballos, pero los fan fuyir. Cuan Chino marcha enta lo lugar amanau ta mercar-ie provisions, dentra en a tabierna de Frenchie Dumont (una bien polida muller) i conoix a Harvey Logan, o chirmano de Loney, que i treballa como crupier. Bien luego un client, Sam Harris, s'enferia y prencipia a disparar, matando accidentalment a lo shériff, toz fuyen menos Chino, qui consigue desarmar-lo. E haer muerto lo shériff li ufren d'estar-ne él o nuevo, pero refusa. Sindembargo, decide acceptar nomás que torna en o campamento y troba muerto a su amigo Johnny, amás de que lis han robau l'oro que dica l'inte heban trobau. Bien luego plega en o lugar Mitch Hardin, un pistolero que amás o novio de Frenchie, y desafía a Chino, encara que queda incapacitau por un gran mal de cabeza. Tamién i plega en dilichencia Debbie Allen, procedent de l'este y que ye en busca de su novio, que resulta estar Mitch, y descubre que iste ye malauto por un tumor en a cabeza. Debbie decide tornar enta l'este, pero Chino y Mitch, que son amigos agora, preparan una trampa atrayendo a Loney Logan fendo correr a noticia falsa de que transportan un gran cargamento d'oro, pero en a baralla queda ferida Debbie. Nomás puet salvar.la que Mitch, qui ye medico, y lo fa. Tamién han engarcholau a Harvey, y los hombres d'a suya banda atacan o lugar ta liberar-lo.

A cinta s'ambienta en l'anyo 1875 en bel puesto indeterminau de l'ueste d'Estaus Unius, y las suyas escenas se filmoron en o Parque Nacional d'os Glaciars en Montana.

Elenco

Actor	Papel	Notas
	'

Se veiga tamién

• Cine en 1953.
• Cintas de 1953.

Vinclos externos

• (en) Powder River en Internet Movie Database.
• (en) Powder River en l'American Film Institute Catalog de l'American Film Institute.
• (en) Powder River en TCM Movie Database.

• Datos: Q7235992