Posse from Hell

Posse from Hell
Títol	Posse from Hell
Ficha tecnica
Dirección	Herbert Coleman
Aduyant de dirección	Ray Gosnell Jr.
Dirección artistica	Alexander Golitzen Alfred Sweeney
Producción	Gordon Kay
Guión adaptau	Clair Huffaker
Basau en	una novela d'o propio Clair Huffaker
Soniu	Joe Lapis Waldon O. Watson
Fotografía	Clifford Stine
Montache	Frederic Knudtson
Escenografía	Oliver Emert
Maquillache	Bud Westmore
Peluquería	Larry Germain
Actors	Audie Murphy John Saxon Zohra Lampert Vic Morrow Robert Keith Rodolfo Acosta Royal Dano Frank Overton James Bell Paul Carr Ward Ramsey Lee Van Cleef Ray Teal Forrest Lewis Charles Horvath Harry Lauter Henry Wills Stuart Randall Allan Lane
Color	Eastmancolor
Datos y cifras
País(es)	Estaus Unius
Anyo	1961
Estreno	1 de marzo de 1961 Estaus Unius
Chenero(s)	Cine de western
Durada	89 min.
Idioma(s)	Anglés
Companyías
Productora(s)	Universal Pictures
Distribución	Universal Pictures
Estudio(s)	Universal Studios
Presupuesto	500.000 dólars
Informacions en bases de datos especializadas:

Posse from Hell (títol orichinal en anglés, en aragonés Zaragalla de l'infierno, estrenada en Aragón con o títol en castellano de Justicieros del Infierno, en aragonés Chusticieros de l'infierno) ye una cinta de cine de western de cine estausunidense estrenada l'anyo 1961, dirichida por Herbert Coleman seguntes un guión adaptau por Clair Huffaker (basau en una novela d'él mesmo), con una dirección de fotografía de Clifford Stine y una producción cinematografica de Gordon Kay ta la productora cinematografica Universal Pictures. Fan parte de l'elenco d'actors d'a cinta, entre d'atros, Audie Murphy, John Saxon, Zohra Lampert, Vic Morrow, Robert Keith, Rodolfo Acosta, Royal Dano, Frank Overton, James Bell, Paul Carr, Ward Ramsey, Lee Van Cleef, Ray Teal, Forrest Lewis, Charles Horvath, Harry Lauter, Henry Wills, Stuart Randall y Allan Lane.

Crip, Leo, Chunk y Hash han fuyiu d'a garchola, a on yeran asperando lo cumplimiento d'a suya pena de muerte, y plegan enta lo lugar de Paradise. Dentran en o "saloon" y Crip fiere a lo "sheriff" Isaac Webb y mantien como rafenas a 10 hombres, matando a bel uns ta menazar a los habitants d'o lugar. Fnalment marcha, levando-se con éls secuestrada a una mesacha, Helen Caldwel. Bien luego plega enta lo lugar Banner Cole, a qui Webb heba clamau ta que estase lo suyo aduyant, cosa que fa ta morir immediatament. Cole accepta y decide marchar dezaga d'os cuatre bandius, pero a la fin accepta formar una partida ta perseguir-los. Con él marchan o capitán Jeremiah Brown (un antigo militar que creye bien erroniament estar un experto en estratechia militar), Jock Wiley (un choven bien sanfoina que atamas d'ixo dispara bien y amás li cuaca fer-lo a sobén), o tío Billy (o tusco tío de Helen), Johnny Caddo (un amerindio canso d'estar disciminau en Paradise por o suyo orichen y partecipa ta que l'accepten), y Seymour Kern (un choven emplegau de banca recient plegau enta Paradise y a qui lo cherent d'o banco coacciona ta que i partecipe, encara que casi que mai no ha viachau a caballo. Cuan troban a Helen, os bandius l'han violau y la mesacha ha dentrau en depresión en saber que en Paradise toz la mirarán mal a ella. Torna enta lo lugar con su tío y dimpués lo fa lo capitán, feriu por a suya propia incompetencia. O grupo restant contina la persecución, perdendo en primeras a Wiley, ta dimpués parar cuenta que los bandius han cambiau a suya dirección y marchan de tornada enta Paradise.

Posse from Hell s'ambienta en bel momento indeterminau d'o sieglo XIX en bel puesto tamién indeterminau de l'ueste d'Estaus Unius, y las suyas escenas se filmoron en Calabasas, Lone Pine y Olancha (California), amás d'en os Universal Studios en Universal City, tamién en California.

Elenco

Actor	Papel	Notas
	'

Se veiga tamién

• Cine en 1961.
• Cintas de 1961.

Vinclos externos

• (en) Posse from Hell en Internet Movie Database.
• (en) Posse from Hell en l'American Film Institute Catalog de l'American Film Institute.
• (en) Posse from Hell en Letterboxd.

• Datos: Q2645338