Polo Sud
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
O polo sud
O polo sud ye o punto más a lo sud d'a superficie d'o planeta Tierra y puede definir-se de quatro trazas diferents.
- O polo sud cheografico, tamién conoixito como lo sud verdadero, ye o punto más a lo sud definito como lo punto d'a superficie terrestre en o qualo ye l'eixe de rotación d'a Tierra.
- O polo sud magnetico ye o punto d'o sud en o qualo lo campo cheomagnetico apunta verticalment.
- O polo sud cheomagnetico ye o polo d'o campo cheomagnetico terrestre más amanato a lo sud verdadero.
- O polo sud d'inaccesibilidat se define como lo punto de l'Antartida más luent d'a costa, y se troba en as coordenadas 85°50'S, 65°47'E.
Nomás as dos primeras definicions son a sobén conoixitas. Siga como siga, o polo sud siempre ye situato en l'Antarctida.
Ta la navegación, o polo sud se buscaba antigament a partir d'a posición d'as estrelas, seguntes o polo sud celeste, que en a nuestra era ye de pior identificar que no lo polo norte celeste.