Poliziotto superpiù

Poliziotto superpiù
Títol	Poliziotto superpiù
Ficha tecnica
Dirección	Sergio Corbucci
Aduyant de dirección	Babu Subramaniam
Producción	Vittorio Galiano Josi W. Konski
Disenyo de producción	Marco Dentici
Guión orichinal	Sergio Corbucci Sabatino Ciuffini
Musica	Michelangelo La Bionda
Soniu	Nick Alexander Italo Cameracanna Roberto Petrozzi
Fotografía	Silvano Ippoliti
Montache	Eugenio Alabiso
Vestuario	Franco Carretti
Maquillache	Maurizio Giustini
Peluquería	Armenio Marroni
Efectos especials	Dino Galiano Marc Mercury
Actors	Terence Hill Ernest Borgnine Joanne Dru Marc Lawrence Julie Gordon Lee Sandman Woody Woodbury
Color	Technicolor
Datos y cifras
País(es)	Italia Estaus Unius Espanya
Anyo	1980
Estreno	18 de setiembre de 1980 Alemanya Occidental 7 d'aviento de 1980 Milán (Ciudat metropolitana de Milán, Italia) 18 de setiembre de 1981 Estaus Unius
Chenero(s)	Cine de comedia Cine de superherois
Durada	97 min.
Idioma(s)	Italiano Anglés
Companyías
Productora(s)	El Pico S.A. Trans Cinema Tv
Distribución	Warner Bros. Columbia Pictures AVCO Embassy Pictures
Informacions en bases de datos especializadas:

Poliziotto superpiù (títol orichinal en italiano, en aragonés Policía superplus, estrenada en Aragón con o títol en castellano d'El superpoderoso, en aragonés O superpoderoso) ye una cinta de cine de comedia de superherois coproducida por o cine italiano, lo cine estausunidense y lo cine espanyol estrenada l'anyo 1980, dirichida por Sergio Corbucci seguntes un guión orichinal d'él mesmo y de Sabatino Ciuffini, con una banda sonora orichinal de Michelangelo La Bionda, una dirección de fotografía de Silvano Ippoliti y una producción cinematografica de Vittorio Galiano y Josi W. Konski ta las productoras El Pico S.A. y Trans Cinema Tv. Conta con un elenco d'actors d'o cual en fan parte Terence Hill, Ernest Borgnine, Joanne Dru, Marc Lawrence, Julie Gordon, Lee Sandman y Woody Woodbury, entre d'atros.

Dave Speed ye un policía recient licenciau de l'academia a qui ninvían a notificar una multa d'aparcamiento a una aldeya d'una comunidat indichena en os Everglades de Florida cuan casualment s'ha esbutiu l'aldeya ta fer-ie un experimento secreto de radiación por achencias gubernamentals. Cuan plega enta l'aldeya recibe la radiación pero sobrevive y cuan diz que ha estau amán d'a explosión no el creye Willy Dunlop, lo suyo companyero y amigo. Bien luego descubre que ha adquiriu cualques superpoders como velocidat, resistencia, fuerza, telequinesi, precognición, intuición, hipnotismo, telepatía y muitos mas, encara que de vegadas sin garra motivo aparent ixos poders desapareixen temporalment. Fa servir ixos poders ta descubrir una falsificación de billez feita por un empresario clamau Torpedo y Rosie Labouche, una antiga actriz que ye la suya amant. Silvius, un mago que fuyiba de Torpedo en haber descubierto la suya falsificación, fa veyer a Dave que los suyos poders desapareixen malas que veye la color roya. Dave, aplicando los suyos poders hipnoticos a Torpedo, descubre que la imprenta d'os billez se troba en un barco pesquero. O problema ye que Dunlop, que conoix o secreto de Dave y ye enamorau de Rosie, li conta a ista ta impresionar-la los poders d'o suyo amigo y ista li para una trampa conseguindo que l'acusen d'asasinato y que ingrese en una garchola, asegurando-se de que siempre veiga la color roya ta que no pueda fuyir emplegando los suyos poders.

A cinta s'ambienta en o suyo momento actual (1980) en Miami y atros puestos de Florida; y las suyas escenas se filmoron en Hollywood, Miami y Miami Beach (Florida).

Poliziotto superpiù ye una cinta que ha recibiu bella nominación a bel premio, encara que no a garra premio d'os mas conoixius u destacaus d'o panorama cinematografico internacional.

Elenco

Actor	Papel	Notas
	'

Se veiga tamién

• Cine en 1980.
• Cintas de 1980.

Vinclos externos

• Se veigan as imáchens de Commons sobre Poliziotto superpiù.
• (en) Poliziotto superpiù en Internet Movie Database.
• (en) Poliziotto superpiù en Rotten Tomatoes.

• Datos: Q1062054
• Multimedia: Poliziotto superpiù / Q1062054