Police Academy (cinta)

Iste articlo ye sobre una cinta estausunidense de cine de comedia estrenada en 1984; ta atros usos, se veiga Police Academy.

Police Academy
Títol	Police Academy
Ficha tecnica
Dirección	Hugh Wilson
Dirección artistica	Dennis Davenport
Producción	Paul Maslansky
Disenyo de producción	Trevor Williams
Guión adaptau	Hugh Wilson Neal Israel Pat Proft
Basau en	una historia de Neal Israel y Pat Proft
Musica	Robert Folk
Soniu	Paul B. Clay John M. Colwell Alan Holly William Hooper Anthony Ippolito Dave Kulczycki David Lee Don MacDougall John L. Mack Stanley Paul Robert R. Rutledge Steve Switzer Richard Tyler
Fotografía	Michael D. Margulies
Montache	Robert Brown Zach Staenberg
Escenografía	Steve Shewchuk
Vestuario	Christopher Ryan
Maquillache	Ken Brooke
Peluquería	James D. Brown
Efectos especials	Gene Grigg Roger Hansen David Neil Trifunovich
Casting	Pamela Basker Fern Champion
Actors	Steve Guttenberg Kim Cattrall Bubba Smith Donovan Scott Michael Winslow Andrew Rubin David Graf Bruce Mahler Marion Ramsey Brant von Hoffman Scott Thomson G. W. Bailey George Gaynes Leslie Easterbrook George R. Robertson Debralee Scott Ted Ross Doug Lennox Georgina Spelvin Don Lake Michael J. Reynolds Gary Farmer John Hawkes Kay Hawtrey T. J. Scott Dar Robinson Hugh Wilson
Color	Technicolor
Datos y cifras
País(es)	Estaus Unius
Anyo	1984
Estreno	23 de marzo de 1984 Estaus Unius
Chenero(s)	Cine de comedia
Durada	96 min.
Idioma(s)	Anglés
Companyías
Productora(s)	The Ladd Company
Distribución	Warner Bros.
Presupuesto	4,8 millons de dólars
Recauto	149,8 millons de dólars
Succesión de cintas
Succedida por	Police Academy 2: Their First Assignment (1985, Jerry Paris)
Informacions en bases de datos especializadas:

Police Academy (títol orichinal en anglés, en aragonés Academia de policía, estrenada en Aragón con o títol en castellano de Loca academia de policía, en aragonés Estrucada academia de policía) ye una cinta de cine estausunidense de cine de comedia estrenada l'anyo 1984, dirichida por Hugh Wilson seguntes un guión adaptau por él mesmo y por Neal Israel y Pat Proft (basau en una historia d'istos dos zagueros), con una banda sonora orichinal de Robert Folk, una dirección de fotografía de Michael D. Margulies y una producción cinematografica de Paul Maslansky ta la productora cinematografica The Ladd Company. Fan parte de l'elenco d'actors d'a cinta, entre d'atros, Steve Guttenberg, Kim Cattrall, Bubba Smith, Donovan Scott, Michael Winslow, Andrew Rubin, David Graf, Bruce Mahler, Marion Ramsey, Brant von Hoffman, Scott Thomson, G. W. Bailey, George Gaynes, Leslie Easterbrook, George R. Robertson, Debralee Scott, Ted Ross, Doug Lennox, Georgina Spelvin, Don Lake, Michael J. Reynolds, Gary Farmer, John Hawkes, Kay Hawtrey, T. J. Scott, Dar Robinson y Hugh Wilson. Se tracta d'una cinta que dio orichen a una franquicia cinematografica, Police Academy ubrindo una serie que continó con Police Academy 2: Their First Assignment (1985, Jerry Paris), Police Academy 3: Back in Training (1986, Jerry Paris), Police Academy 4: Citizens on Patrol (1987, Jim Drake), Police Academy 5: Assignment Miami Beach (1988, Alan Myerson), Police Academy 6: City Under Siege (1989, Peter Bonerz), y Police Academy: Mission to Moscow (1994, Alan Metter).

L'alcalde d'a ciudat ordena a la Policía que accepte en a suya academia de policía a toz os que quieren dentrar-ie, sin garra limitación ni control d'as suyas aptituz. Como consecuencia i vienen centenars d'aspirants, en destacando Karen Thompson (una mesacha bien cabalera), Larvell Jones (un criminal reformau con gran habilidat ta imitar sonius con a suya boca), Moses Hightower (un hombre de gran altaria pero bien afable), Eugene Tackleberry (obsesionau por as armas de fuego), George Martin (un hombre bien guarán), Laverne Hooks (una muller bien baixa y bien dulza), Douglas Fackler (un hombre que gosa padeixer muitos accidents) u Leslie Barbara (un pobre hombre que vive acosau de contino). Amás tamién ninvían a Carey Mahoney, arrestau por un delicto menor y a qui lo capitán de Policía (que yera amigo de su pai falleixiu) deixa libre con a condición de que remate lo curso en l'academia sin marchar, a la vegada que demana a Eric Lassard, o capitán de l'academia, que no lo faga fuera dica la fin d'o curso. Lo chefe de policía Henry Hurst considera que bi ha muitos indeseyables en l'academia y decide fer un poder ta fer fuera a muitos, deixando ixe tema en mans d'o suyo segundo, lo tenient Thaddeus Harris. Ista consigue fer fuera a cuantos pero dimpués, en considerar que la presencia de Mahoney ye perturbadora, se concentra en él, sin saber que ni él puet marchar voluntariament ni lo comandant no el puet forachitar. Harris soborna a dos aspirants, Chad Copeland y Kyle Blankes, ta que espíen a sus companyeros y presionen a Mahoney, pero son notablement ineptos. A la vegada, Mahoney a la fin conoix que no el pueden fer fuera y prencipia a implicar-se en colaborar con os suyos companyeros, conseguindo formar toz un equipo.

A cinta s'ambienta en a suya epoca actual (1984) en bella ciudat indeterminada d'Estaus Unius, y las suyas escenas se filmoron en Brampton y Toronto (Ontario) en Canadá.

Ye una cinta que ha recibiu bels premios y nominacions, encara que no a garra premio d'o conchunto de premios mas conoixius u destacaus d'o panorama cinematografico internacional.

Elenco

Actor	Papel	Notas
	'

Se veiga tamién

• Cine en 1984.
• Cintas de 1984.

Vinclos externos

• Se veigan as imáchens de Commons sobre Police Academy.
• (en) Police Academy en Internet Movie Database.

• Datos: Q1248429
• Multimedia: Police Academy films / Q1248429