Point Break

Iste articlo ye sobre una cinta estausunidense de cine d'acción estrenada en 1991; ta atros usos se veiga Point Break (desambigación).

Point Break
Títol	Point Break
Ficha tecnica
Dirección	Kathryn Bigelow
Dirección artistica	Pamela Marcotte John Huke
Producción	Peter Abrams Robert L. Levy
Disenyo de producción	Peter Jamison
Guión adaptau	W. Peter Iliff
Basau en	una historia de Rick King y W. Peter Iliff
Musica	Mark Isham
Fotografía	Donald Peterman
Montache	Howard Smith
Escenografía	Linda Spheeris
Maquillache	Wes Dawn Greg LaCava Michael Mills
Peluquería	Paul Abascal Dino Ganziano Bunny Parker Don Sheldon
Casting	Sharon Bialy Richard Pagano
Actors	Keanu Reeves Patrick Swayze Gary Busey Lori Petty John C. McGinley James LeGros John Philbin Bojesse Christopher Lee Tergesen Vincent Klyn Chris Pedersen Dave Olson Anthony Kiedis Galyn Gorg Sydney Walsh Anthony Mangano Mike Genovese Jack Kehler Christopher Pettiet Peter Phelps Tom Sizemore
Color	Color by DeLuxe Panavision
Datos y cifras
País(es)	Estaus Unius Chapón
Anyo	1991
Estreno	10 de chulio de 1991 Los Angeles (California, Estaus Unius) 21 d'octubre de 1991 Chapón
Chenero(s)	Cine d'acción Cine d'intriga Cine policiaco
Durada	122 min.
Idioma(s)	Anglés
Companyías
Productora(s)	Largo Entertainment Johnny Utah Productions
Distribución	20th Century Fox
Presupuesto	24 millons de dólars
Recauto	83,5 millons de dólars
Informacions en bases de datos especializadas:

Point Break (títol orichinal en anglés, en aragonés Punto de creba, estrenada en Aragón con o títol en castellano de Le llaman Bodhi, en aragonés Lo claman Bodhi) ye una cinta estrenada l'anyo 1991 de cine policiaco d'intriga d'acción coproducida por o cine estausunidense y lo cine chaponés, dirichida por Kathryn Bigelow seguntes un guión adaptau por W. Peter Iliff (basau en una historia de Rick King y W. Peter Iliff), con una banda sonora orichinal de Mark Isham, una dirección de fotografía de Donald Peterman y una producción cinematografica de Peter Abrams y Robert L. Levy ta las productoras Largo Entertainment y Johnny Utah Productions. Fan parte de l'elenco d'actors d'a cinta, entre d'atros, Keanu Reeves, Patrick Swayze, Gary Busey, Lori Petty, John C. McGinley, James LeGros, John Philbin, Bojesse Christopher, Lee Tergesen, Vincent Klyn, Chris Pedersen, Dave Olson, Anthony Kiedis, Galyn Gorg, Sydney Walsh, Anthony Mangano, Mike Genovese, Jack Kehler, Christopher Pettiet, Peter Phelps y Tom Sizemore.

Johnny Utah ye un antigo chugador de fútbol americano en os Ohio State Buckeyes y agora ye un achent novenzano d'o Federal Bureau of Investigation. L'asignan como companyero de l'achent Angelo Pappas, qui ye investigando un conchunto de robos perpetraus por un grupo de ladrons que cubren as suyas caras con mascaras d'ex.presidents d'os Estaus Unius, que amuestran estar bien profesionals, en robar nomas que los diners que se troban en mans d'os caixers d'o banco y desapareixer en nomas que 90 segundos d'o lugar. Pappas creye que los culpables son un grupo de practicants de surf y convence a Utah ta que se faga pasar por un que quiere aprender surf y s'infiltre en ixe mundo. Utah contacta con Tyler, una mesacha que treballa como cambrera, ta que sía la suya mayestra de surf, y a traviés d'ella conoix a Bodhi, un antigo novio d'ella, que diriche un grupo de surfistas. Desconfían de Utah, dica que Bodhi lo remera como antigo chugador de fútbol americano y cómo por una lisiadura de chenullo tenió que albandonar l'esporte. Utah poquet a poquet prencipia a sentir atracción por Tyler, pero tamién por a forma de vida d'os surfistas. Con Pappas plegan a la conclusión que un atro grupo de surfistas son os ladrons que buscan, pero en arrestar-los descubren que no. Bien luego descubren que en realidat o grupo que buscan ye lo grupo liderau por Bodhi, y tamién descubren cual ye lo proximo banco que quieren atracar, y Pappas y Utah los son asperando en o lugar.

A cinta s'ambienta en a suya epoca actual (1991) en Los Angeles y atros puestos de California, en Mexico y en Bells Beach (Victoria) en Australia. As suyas escenas se filmoron en Cannon Beach y Wheeler (Oregón), Culver City, Los Angeles, Malibu, Manhattan Beach, Redondo Beach y Santa Monica (California) y en puestos de Utah y Hawaii

Se tracta d'una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1991.
• Cintas de 1991.

Vinclos externos

• (en) Point Break en Internet Movie Database.
• (en) Point Break en Box Office Mojo.
• (en) Point Break en Rotten Tomatoes.
• (en) Point Break en Metacritic.

• Datos: Q1146552