Plein soleil

Plein soleil
Títol	Plein soleil
Ficha tecnica
Dirección	René Clément
Aduyant de dirección	Alberto Cardone Pierre Zimmer
Producción	Robert Hakim Raymond Hakim
Disenyo de producción	Paul Bertrand
Guión adaptau	René Clément Paul Gégauff
Basau en	The Talented Mr. Ripley, novela de Patricia Highsmith (1955)
Musica	Nino Rota
Soniu	Jacques Carrère Marcel Corvaisier Jean-Claude Marchetti Maurice Rémy Gilles Barberis
Fotografía	Henri Decaë
Montache	Françoise Javet
Vestuario	Bella Clément
Maquillache	Louis Bonnemaison
Actors	Alain Delon Marie Laforêt Maurice Ronet Elvire Popesco Erno Crisa Frank Latimore Billy Kearns Ave Ninchi Viviane Chantel Nerio Bernardi Barbel Fanger Lily Romanelli Nicolas Petrov Paul Muller Jacqueline Parey
Color	Eastmancolor
Datos y cifras
País(es)	Francia Italia
Anyo	1960
Estreno	10 de marzo de 1960 Francia 2 de setiembre de 1960 Italia
Chenero(s)	Cine d'intriga Cine policiaco
Durada	115 min.
Idioma(s)	Francés Italiano Anglés
Companyías
Productora(s)	Robert et Raymond Hakim Paris Film Paritalia Titanus
Distribución	Titanus
Recauto	618.090 dólars
Informacions en bases de datos especializadas:

Plein soleil (títol orichinal en francés, en aragonés A lo sol fitero, estrenada en Aragón con o suyo títol traduciu enta lo castellano como A pleno sol) ye una cinta de cine d'intriga policiaco coproducida por o cine francés y lo cine italiano estrenada l'anyo 1960, dirichida por René Clément seguntes un guión adaptau por él mesmo y por Paul Gégauff (basau en a novela The Talented Mr. Ripley, que heba publicau Patricia Highsmith en l'anyo 1955), con una banda sonora orichinal de Nino Rota, una dirección de fotografía d'Henri Decaë y una producción cinematografica de Robert Hakim y Raymond Hakim ta las productoras Robert et Raymond Hakim, Paris Film, Paritalia y Titanus. De l'elenco d'actors d'a cinta en fan parte, entre d'atros, Alain Delon, Marie Laforêt, Maurice Ronet, Elvire Popesco, Erno Crisa, Frank Latimore, Billy Kearns, Ave Ninchi, Viviane Chantel, Nerio Bernardi, Barbel Fanger, Lily Romanelli, Nicolas Petrov, Paul Muller y Jacqueline Parey.

Tom Ripley ye un choven estausunidense a qui lo pai de Philippe Greenlea ha ninviau en Italia ta que convenza a su fillo, un conoixiu "playboy", ta que torne en San Francisco y contine con o negocio familiar. Tanimientres, Philippe no tien garra intención de tornar-ie y Tom s'adhibe a las suyas aventuras. Bien luego Tom s'obsesiona con Philippe y con Marge, la suya novia, y a la vegada gola la vida que fan de personas bien cabaleras en o lugar de Mongibello, a lo canto d'a mar. Mica en mica Philippe prencipia a atrallar-se d'os convoyos de Tom y prencipia a tractar-lo mal, dica que bel día cuan son en a mar lo dixa albandonau horas a lo sol en una barca arrpcegada por o velero. Dende alabez, Tom prepara un plan ta suplantar a Philippe y robar-li la suya identidat y tamién os suyos diners. En primeras fa que Marge descubra las aventuras amorosas de Philippe y consigue que ista marche d'o barco. Cuan Philippe intuye lo plan de Tom li proposa pagar-li una cantidat de diners ta que marche y los dixe solos a él y a Marge, pero iste refusa y lo mata. Cuan preba d'aventar o cadavre, cayen a la mar y finalment Tom consigue puyar de nuevo a lo barco, marchando enta lo puerto. En tornar en Mongibello, explica a Marge que Philippe ha marchau, y dende alabez falsifica lo pasaporte y la firma d'a victima y se fa paar por él mientres bel tiempo en bels puestos d'Italia, dica que Freddy Miles, un amigo de Philippe, lo troba y sospeita, matando-lo tamién Tom. As sospeitas d'a Policía recayen en Philippe y prencipia una investigación, obligando a Tom a alternar entre todas dos personalidaz ta fuyir-ne. Finalment, falsifica una nota de suicidio y preba de dar cantarias a Marge, en haber amñas falsificau un testamento de Philippe a on deixa toz os suyos diners a Marge. Tanimientres, o problema plega cuan lo pai de Philippe plega en Mongibello ta zarrar a transferencia d'as propiedaz enta Marge, que ha decidiu vender o velero.

A cinta s'ambienta en a suya epoca actual (1960) en Roma y atros puestos d'Italia, y las suyas escenas se filmoron en Ischia (ciudat metropolitana de Nápols) y Roma (Lazio) en Italia.

Ye una cinta que ha recibiu bel premios cinematograficos, encara que ditos premios no fan parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1960.
• Cintas de 1960.

Vinclos externos

• (en) Plein soleil en Internet Movie Database.
• (en) Plein soleil en AllMovie.
• (en) Plein soleil en TCM Movie.
• (en) Plein soleil en Rotten Tomatoes.

• Datos: Q919444
• Multimedia: Purple Noon (French: Plein Soleil) / Q919444