Veyer o codigo fuent de «Plans de l'Hospital»

{{Grafía EFA}}
{{Ficha d'estación d'esquí
|nombre= Plans de l'Hospital
|logo=
|imachen= Hespital de Benás.jpg
|tetulo= Hospital de Benás
|situación= [[Vall de Benás]], [[Pireneus|Pireneu aragonés]]
|altaria maxima= 1940 m
|altaria minima= 1750 m
|kilometros= 30 km
|pistas= 5
|verde= 1 
|azul= 1
|royo= 1
|negro= 1
|travesía = 1
|fundo= 
|terrain_parks = 
|esquí_nuei = 
|pista_mayor= 
|telesquis= 
|telecadieras= 
|telecabinas=  
|cintas= 
|canyons= 
|superficiec= 
|web= 
|correu-e= [mailto:recepcion@llanosdelhospital.com recepcion@llanosdelhospital.com]
|telefono= 974 55 20 12
|fax= 
|}}

Os '''Plans de l'Hospital''' (en [[aragonés ribagorzano]] ''/pʎans de los.pi.'tal/'', en [[idioma aragonés|aragonés estandar]] ''Plans d'o Hespital'', en [[Idioma castellano|castellano]] ''Llanos del Hospital'') son una estación d'[[esquí nordico]] situata en o municipio de [[Benás]], en o corazón d'o [[Parque Natural de Pocez-Maladeta]].

==Pistas d'esquí==
[[Imachen:Pllan del Hospital, Benás, Uesca.jpg|thumb|200px|left|A estación en verano]]
Bi ha tres pistas d'[[esquí nordico]], un camín ta [[zata]]s y una pista d'[[esquí de travesía]]:

*''Plan de l'Hospital'' ye a pista verda ta prencipiants y ye situata chunto a l'edificio prencipal d'a estación. Tien una largaria d'entre 5 y 7&nbsp;km, dos d'os cuals son de tot plans con un desnivel maximo de 50 m.
*''Plan d'Estany'' ye una pista azul de 18&nbsp;km de largaria ta esquiadors de ran meyo. Prencipia y remata en a pista de ''Pllan de l'Hospital'' y tien un desnivel maximo entre cotas maxima y minima de 150 m.
*''Plan de la Besurta'' pista roya que prencipia y remata en l'anterior pista de ''Plan d'Estany''. con desnivel maximo de 60 m y 5&nbsp;km de largaria plega dica o laco Villamorta inferior y puet veyer-se dende o [[glaciar de la Maladeta|glaciar d'a Maladeta]].
*O ''Camino dels Aranesos'' ye un camín de 5 kms ta pasiar con zatas. Prencipia en o ''Plan de l'Hospital'' y puya dica o [[Forau d'Aigualluts]] a 2000 m d'altaria por l'antigo camín que uniba Benás y a [[Val d'Arán]].
*A pista de travesía permite puyar a esquiar ta os glaciars d'[[glaciar d'Aneto|Aneto]] y a Maladeta tanto d'hibierno como de verano. D'hibierno a mas ye posible baixar dende o [[pico d'Alba]] dica o ''Plan de l'Hospital'' esquiando con un total de 1368 m de desnivel.

==Historia==
A historia d'os Plans de l'Hospital prencipia con os tres hespitals que bi habió en [[Benás]]. O primero d'éls estió o dito ''Hespital Viello'' que yera d'orichen [[Edat Meya|medieval]], establito por os Caballers [[Orden d'o Hespital|Hespitalers]] en zaguerías d'o [[sieglo XII]] en os dos cantos d'o [[puerto d'a Glera]]. O rei [[Alifonso II d'Aragón|Alifonso II]] fació una donación en setiembre de [[1172]] a os [[Orden d'o Hespital|Caballers Hespitalers]] d'una ampla zona chunto a o hespital en o [[puerto de Gorgutes]] (dito o ''puerto Viello'') con a que podrían mantener os ganatos. Tamién se construyó en ista epoca una ilesia romanica y atros edificios.

En zaguerías d'o [[sieglo XVIII]] s'albandonó o '''Hespital Viello'' por atro dito ''Hespital Nuevo'' que funcionó entre os sieglos [[sieglo XVIII|XVIII]] y [[sieglo XIX|XIX]]. No se sabe bien porque s'albandonó, puet estar que por un lurte que danyó o viello u porque iste yerá mas alexato d'o puerto de Benás (dito o ''puerto Nuevo'') por a on pasaban allora a mayor parti d'os pelegrins.

O segundo hespital fue estrozato por un [[lurte]] en [[1870]] y s'habió de creyar un atro nuevo en o puesto a on ye actualment, muito mas seguro. Dimpués d'a [[Guerra Civil Espanyola|Guerra Civil]] fue albandonato dica que se recuperó ta l'hotel d'a estación d'esquí.

==Servicios==
A estación incluye tot tipo de servicios incluito parking, escuela d'esquí, arquilinato de material y alochamiento con un hotel de 55 cambras, antigo hespital de Benás.

== Curiosidaz ==
O disco ''[[Avalancha]]'' de ''[[Héroes del Silencio]]'' estió composato en iste puesto por [[Enrique Bunbury]].

==Vinclos==
{{commonscat|Estación_de_esquí_de_fondo_de_Llanos_del_Hospital_(Benasque)|Estación d'esquí nordico de Plans de l'Hospital}}
*{{es}} [http://www.llanosdelhospital.com Pachina oficial]
*{{es}} {{fr}} {{en}} [https://web.archive.org/web/20070930003043/http://www.llanosdelhospital.com/pdf/historia.pdf Historia d'o Hespital]
*{{es}} [https://web.archive.org/web/20110902051220/http://www.espaciosnordicosdearagon.es/Llanos-del-Hospital-not.html En www.espaciosnordicosdearagon.es]

{{Nieu en Aragón}}

{{Control d'autoridaz}}

[[Categoría:Estacions d'esquí d'Aragón|Plans de l'Hospital]]
[[Categoría:Parque Natural de Pocez-Maladeta]]