Planeta ocián

De Biquipedia
Ir a la navegación Ir a la búsqueda
Ilustración artistica de una planeta ocián con os suyos satelites

Una planeta ocián (u tamién denominau mundo aquatico) ye un tipo hipotetico de planeta que la suya superficie sería completament cubierta per un ocián d'augua u atros liquidos, sin islas ni continentes u tierras emerchidas.[1]

A planeta extrasolar "GJ 1214 b" ye la candidata conoixida mas probable ta una planeta ocián. Sindembargo s'aspera descubrir muitos mas obchectos semellants en l'esdevenider.

En chunyo de 2020, os scientificos d'a NASA informoron que ye prebable que as exoplanetas ocians sían comunas en a Vía Lactia, seguntes estudeos de modelos matematicos.[2]

En a ficción[editar | editar código]

As planetas ocián s'han utilizau prou como motivos argumentals, per o cheneral descritos con temperaturas benignas en a superficie y no masiada profundidat, a esferencia d'os ociáns muito profundos esperables n'a realidat. Eixemplos:

  • En a cinta Interstellar (2014), a planeta de Miller ye aparentment una planeta ocián.
  • A novela de C.S. Lewis Perelandra tiene puesto en un mundo cubierto d'augua d'o mesmo nombre.
  • "Lucky Starr y los ociáns de Venus" d'Isaac Asimov tiene puesto en Venus, representau como una planeta oceanica templada.
  • A planeta Alpha, en "Fundación y Tierra" d'Isaac Asimov, ye un mundo oceanico (salvo per una sola isla) en orbita d'o sistema Alfa Centauri.
  • A planeta Mare Infinitus, en a tetralochía "As cantas de Hyperion" de Dan Simmons ye un mundo oceanico d'auguas de una color viola.
  • A novela Solaris (1961) de Stanisław Lem chira arredol d'una planeta ocián, que ye en verdat un solo organismo de grandaria d'un ocián.
  • En a cinta "Waterworld" (1995), ye ambientau en l'anyo 2500 y las capas de chelo polars d'a Tierra s'han redetiu, dando puesto a inundacions catastroficas que a la suya vegada convierten a Tierra en una planeta ocián.
  • A planeta Thalassa, d'a novela "Cantas d'a leixana Tierra" per Arthur C. Clarke.
  • En a serie televisiva espanyola "Lo barco", a Tierra se convierte en una planeta ocián dimpués d'una esferra.

Referencias[editar | editar código]

  1. (en) Adams, E. R.; Seager, S.; Elkins-Tanton, L. (1 February 2008). "Ocean Planet or Thick Atmosphere: On the Mass-Radius Relationship for Solid Exoplanets with Massive Atmospheres". The Astrophysical Journal. 673 (2): 1160–1164
  2. (en) "Are Planets with Oceans Common in the Galaxy? It’s Likely, NASA Scientists Find" en a pachina web d'a NASA