Piper Laurie

Piper Laurie
L'actriz estausunidense Piper Laurie, en una imachen de 1954.
Información cheneral
Nombre real	Rosetta Jacobs
Calendata naiximiento:	22 de chinero de 1932
Puesto naiximiento:	Detroit (Michigan, Estaus Unius)
Calendata muerte:	14 d'octubre de 2023
Puesto muerte:	Los Angeles (California, Estaus Unius)
Ocupación:	Actriz
Pai:	Alfred Jacobs
Mai:	Charlotte Sadie Alperin
Conchuche:	Joe Morgenstern ​(1962-1982, esvurcio)
Fillos:	1
Premios Oscar
Premio Oscar a la Millor Actriz: -1962: Nominada por The Hustler Premio Oscar a la Millor Actriz Segundaria: -1977: Nominada por Carrie -1987: Nominada por Children of a Lesser God
Globos d'Oro
Premio Globo d'Oro a la Millor Actriz Segundaria: -1977: Nominada por Carrie Premio Globo d'Oro a la Millor Actriz Segundaria en Serie de Televisión, Miniserie u Telefilm: -1991: por Twin Peaks -1984: Nominada por The Thorn Birds -1987: Nominada por Promise

Piper Laurie (nombre artistico de Rosetta Jacobs), naixida de Detroit (Michigan, Estaus Unius) o 22 de chinero de 1932 y muerta en Los Angeles (California, Estaus Unius) o 14 d'octubre de 2023, estió una actriz estausunidense, activa en o cine estausunidense en una primera etapa dende finals d'os anyos 1940 dica meyaus d'os anyos 1960 y en una segunda etapa dende meyaus d'os anyos 1960 dica la suya muerte y con cuantos premios y nominacions recibius mientres a suya carrera artistica.

D'entre la suya filmografía como actriz, pueden mencionar-se bellas cintas, como The Prince Who Was a Thief (1951, Rudolph Maté), The Mississippi Gambler (1953, Rudolph Maté), Dawn at Socorro (1954, George Sherman), The Hustler (1961, Robert Rossen), Carrie (1976, Brian De Palma), Children of a Lesser God (1986, Randa Haines), Dream a Little Dream (1989, Marc Rocco), Trauma (1993, Dario Argento), The Grass Harp (1995, Charles Matthau), Saving Grace B. Jones (2009, Connie Stevens), u White Boy Rick (2018, Yann Demange).

Premios

Premios Oscar

En l'anyo 1962, mientres a 34^ena edición d'os Premios Oscar, Piper Laurie recibió una nominación a lo Premio Oscar a la Millor Actriz por o suyo papel de "Sarah Packard" en a cinta The Hustler, dirichida por Robert Rossen.

En 1977, mientres a 49^ena edición d'os premios, recibió la suya primera nominación a lo Premio Oscar a la Millor Actriz Segundaria, por o suyo papel de "Margaret White" en a cinta Carrie, que haba dirichiu Brian De Palma; y en 1987, mientres a 59^ena edición d'os Oscar, recibió la segunda nominación, ista vegada por a suya interpretación de "Sra. Norman" en a cinta Children of a Lesser God, dirichida por Randa Haines.

Premios Globos d'Oro

L'anyo 1977 fue nominada a lo Premio Globo d'Oro a la Millor Actriz Segundaria, mientres a 34^ena edición d'os Premios Globos d'Oro, nuevament por o suyo papel de "Margaret White" en a cinta Carrie.

En 1991, mientres a 48ena edición d'os premios, ganó un Premio Globo d'Oro a la Millor Actriz Segundaria en Serie de Televisión, Miniserie u Telefilm por o suyo papel de "Catherine Martell" en a serie de televisión Twin Peaks. D'antes mas ya heba recibiu dos nominacions a ista mesma categoría d'os Globos d'Oro, estando la primera en l'anyo 1984, mientres a 41^ena edición d'os Globos, por o suyo papel d'"Anne Mueller" en a miniserie The Thorn Birds; y lo segundo en 1987 en a suya 44^ena edición, por interpretar a "Annie Gilbert" en o telefilm Promise, dirichiu por Glenn Jordan.

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Piper Laurie.

Vinclos externos

• Se veigan as imáchens de Commons sobre Piper Laurie.
• (en) Piper Laurie en Internet Movie Database.
• (en) Piper Laurie en Internet Broadway Database.
• (en) Piper Laurie en Discogs.

• Datos: Q232282
• Multimedia: Piper Laurie / Q232282