Pinus halepensis

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pinus halepensis
Pinus halepensis
Clasificación scientifica
Dominio: Eukaryota Reino: Plantae División: Pinophyta Clase: Pinopsida Orden: Pinales Familia: Pinaceae Chenero: Pinus Especie: P. halepensis
Nomenclatura binominal
Pinus halepensis
Mill, 1768
Distribución d'o pin borde.

O pin borde u pinarra (Pinus halepensis (Mill., 1768)), que tamién se conoix con os nombres de pin carrasco y pin albar (anque ixes dos son mas chenerals de toda Espanya, no só que d'Aragón), ye un pin (en o chenero Pinus) d'a familia Pinaceae, propio d'o clima mediterranio de tierras baixas y maritimas.

En Aragón no i ye una especie guaire abundant, estando un árbol ocasional en amás gran parte d'a Comunidat cuan ye d'orichen silvestre, y plantato como árbol ornamental en cualques villas y ciudaz. As solas formacions naturals d'estes pins en Aragón amaneixen en as comarcas de clima mas suau per a proximidat con a mar, p. ex. en a baixa Matarranya, o Baixo Aragón y lo Mayestrato. En altras comunidaz autonomas de millor influencia mediterrania forma grans extensions, como en a Comunidat Valenciana y Catalunya. En as Islas Balears, ye la especie de pin que mas i domina.

Descripción

As agullas son verdas mas claras que no en altros pins ta rebotar a luz solar, dica bella miqueta mas amarelliscas talment, privando ansinas que s'escalfen masiato y deixando-les cabidar a humidat que tan prencipal ye en os ixecos ambients mediterranios a on que habitan. En este sentito, son o pin silvestre millor adaptato en as condicions de baixa pluviometría d'a cuenca mediterrania, y gosa suportar bien as caloradas d'os estius. D'hibierno, son mas sensibles con as cheladas, estando este lo factor restrictivo en a suya distribución en l'interior.

l'Apelativo cultista de pin «albar», nombre con lo que apareix en buena cosa d'a bibliografía hispanofablant, no demana si que d'a coloración d'a suya crosta, grisa u blanquinyosa, mas clareta que no en altras especies de Pinus (d'o latín «albus», blanco). Os estrobilos (pinyas) son mas prolargatos que no en as altras especies de pins, y maturan en 24 meses.

Ecolochía

Coincide a sobén con a carrasca, y la ha desplazata en bellas zonas a on que lo carrascal ye a vechetación climax perque creixe mas rapedo y resiste millor a presión humana de deforestación. En Aragón coexiste a sobén con as formacions de Pinus pinaster que i son mas dominaderas per a suya millor resistencia a lo frido, y ye substituyiu de tot per ixa altra especie en o Prepireneu uescán.

En bella zona d'a depresión d'Ebro prou duras ta la carrasca, o pinar con coscollar y pin borde i ye la vechetación climax.

Imáchens

• 
  P. halepensis a livel d'a mar en Provenza.
• 
  Pinarreta fendo forma de "bandera" en a costa croata.
• 
  Pins dispersos en Marruecos.
• 
  Grans formacions en a Provincia de Malaga.
• 
  Detalle d'as agullas.
• 
  Pinya.
• 
  Tres pinyas de diferent grau de maturación.
• 
  Pinarra.
• 
  Pinus halepensis - Museum specimen.

Vinclos externos

• Wikispecies tiene un articlo sobre Pinus halepensis.
• Se veigan as imáchens de Commons sobre pins bordes.