Granito
O granito[1], tamién dito ferriza[1], piedra molar[1][nota 1] u simplament molar[1], ye una roca plutonica definita por a presencia de cuarz, feldespato alcalino y mica con una textura por un regular granuta. Ye a roca plutonica mes frecuent d'a crosta continental.
Seguntes a clasificación de Streckeisen o granito corresponde a lo numero 3 d'o diagrama de Streckeisen, y as proporcions d'os minerals que definen a lo granito n'este diagrama son un 20-60 % de cuarz en relación a lo volumen de tota a roca, un 35-90 % de feldespato alcalino en relación a toz os feldespatos d'a roca y un 10-65 % d'oligoclasa en relación a toz os feldespatos. En un sentito amplo y tradicionals atras rocas de campos mugants en ixe diagrama se pueden decir tamién granitos: as granodioritas y os granitos con feldespato alcalino en especial.
Atros minerals que pueden estar presents en os granitos y que no son relevants en a clasificación d'Streckeisen son a biotita, a moscovita, o granat, a cordierita, a silimanita y l'andalucita.
Como accesorios trobamos l'apatito, o zircón, a sfena, a monacita, a xenotima, o topacio, a turmalina, a pirita, l'allanita, a magnetita y a ilmenita.
A petrochenesi d'os granitos ye un tema polemico. Bi ha granitos de diferents oríchens.
O granito ye una roca frecuent en o Pireneu Axial, en o Sistema Central y en a part occidental d'a Peninsula Iberica. O modelato que se desembolica en zonas graniticas ye conoixito como berrocal. O granito tien utilidat como roca industrial.
Notas
[editar | modificar o codigo]- ↑ Con a variant pedra molar
Referencias
[editar | modificar o codigo]- ↑ 1,0 1,1 1,2 1,3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Bibliografía
[editar | modificar o codigo]- Walter Maresh, Olaf Mendenbach "Las Rocas" Guías de Naturaleza Blume. 1990.
