Pico de la Nevera

De Biquipedia
(Reendrezato dende Pico de Santa Brigida)
Ir a la navegación Ir a la búsqueda
Pico de la Nevera
Santa Brigida
Pico Nevera.jpg
Vista d'a Sierra de Bicort con o pico de la Nevera destacando
Situación
Situación Flag of Aragon.svg Muga entre El Fraixno y Sediles (Zaragoza)
Latitut
Lonchitut
Cheografía
Cordelera Sistema Iberico
Sierra Sierra de Bicort
Macizo {{{macizo}}}
Altaria 1.411 m
Primera puyada
Ruta mas fácil
Mapa
Sistema Ibérico.png
Montanya.svg

O pico de la Nevera u Santa Brigida (1.411 metros sobre o libel d'a mar), situau en a localidad de El Fraixno, ye o segundo pico mas alto d'a Sierra de Bicort, en a provincia de Zaragoza.

Ye superau nomás por l'amanau pico d'el Rayo, a on se se rechistra a maxima altaria d'a cordelera, 1427 metros.

No siempre estió asinas, y ye que dica a decada de 1950, o punto mas alto d'a "Vicora" (nombre popular en a zona ta a Sierra de Bicort) estió siempre La Nevera. Ye ta par d'alavez quan, entre Moncayo y La Nevera, se trigaría iste zaguer pico como puesto a on, en colaboración con o gubierno d'EE.UU., se prencipiaría a construcción d'un centro de comunicacions y de vichilancia d'o espacio aerio espanyol de gran utilidat ta o Eixercito de l'Aire d'Espanya y a USAF. Ta albergar ditas instalaciones s'aplanó o terreno en a parti mas altera d'a cadena montanyosa, lo que rebaixaría l'altaria de La Nevera a os 1411 metros sobre o libel d'a mar actuals.

Istas instalacions han evolucionau con o paso d'os anyos y, dende l'amortau en 2005 d'os radars orichinals y a instalación d'o radar espanyol Lanza 3D, son chestionadas exclusivament por a Fuerza Aeria Espanyola, con a suya actual denominación d'Escuadrón de Vichilancia Aeria n°1.[1] Iste radar, con una disponibilidat anyal practica d'o 99%, chuga un papel clau en a vichilancia d'o espacio aerio espanyol, permitindo prevenir con prou antelación qualsiquier menaza que podese sufrir o estau, puesto que atorga, entre totz os radars distribuyius por o territorio estatal, una d'as arias de cobertura mas amplas gracias a la suya privilechiada localización.[2]

Toponimia[editar | editar código]

O pico recibe o suyo nombre por a ubicación d'una antiga nevera que fue apuntalada en 2009 ta a suya espleitación como atractivo toristico.[3][4]

Tamién se diz de Santa Brigida, ya que amán d'a suya tuca se troba una ermita adedicada a ista santa.

Referencias[editar | editar código]

Vinclos externos[editar | editar código]