Pero de La Jugie
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Pero de La Jugie | ||||||||||
|---|---|---|---|---|---|---|---|---|---|---|
| Arcebispe de Zaragoza | ||||||||||
 | ||||||||||
| 2 de marzo de 1345-10 de chinero de 1347 | ||||||||||
| Predecesor | Pero Aznar de Roda | |||||||||
| Succesor | Guillén d'Aigrefeuille | |||||||||
| 10 de chinero de 1347–27 d'agosto de 1375 | ||||||||||
| Predecesor | Gasbert de Valle | |||||||||
| Succesor | Jean Roger de Beaufort | |||||||||
| ||||||||||
| Naixencia |  Rosiers daus Gletons (Occitania)
| |||||||||
| Muerte | 22 de febrero de 1345.svg){kind=small} Pisa (Republica de Pisa)
| |||||||||
| Enterreco | Seu de Narbona | |||||||||
.svg) | ||||||||||
Pero de La Jugie u Pero de La Montre (La Jugie, c. 1321 - Pisa, noviembre de 1376) estió un relichioso benedictino occitán, arcebispe de Zaragoza, de Narbona y de Roan y cardenal.
Fillo de Chaime de La Jugie, que estió sinyor de La Jugie, Las Combas y Murviel, y de Guillema Rogier, filla d'os sinyors de Rogier, profesó en a Orden de Cluny y se doctoró en dreito canonico en a Universidat d'Orleans.
Nombrau prior d'o monesterio de Saint-Pantaléon y d'o de Sainte-Livrade, a suya carrera eclesiastica y la de toz os suyos parients tenió un cerenyo empentón con l'ascenso d'o suyo tío materno Climente VI a o papau en 1342: o suyo chirmán Guillén y o suyos primos Nicolau y Pero Rocher fuoron feitos cardenals, o suyo atro chirman Hugues fue consagrau bispe de Besers, a suya chirmana, abadesa de Santa María de la Regla, y Pero fue nombrau succesivament abat de Saint Jean d'Angely y de Lagrasse, y en 1345 arcebispe de Zaragoza, encara que nunca no residió en denguna de istas siedes, permaneixindo chunto a la cort papal en Avinyón.
Dos anyos dimpués fue tresladau ta la archidiocesi de Narbona; a esferra causada por a peste negra, a erección d'a Seu de Narbona, as desavenencias con o vizconte de Narbona Aimery VI, que en teoría yera o suyo vasallo, pero que en a practica se concaró por as armas, y a celebración d'os concilios de Besers (1351) y La Vaur (1368) estioron os episodios mas destacaus d'o suyo episcopato.
En 1370 o suyo primo Pero Rucher puyaba a la cadiera de Sant Pero baixo o nombre de Gregorio XI; en primerías isto no suposó pa La Jugie os beneficios que o nepotismo imperant en a epoca feba presumir-se, pero cuan en 1375 l'arcebispe de Roan Felipe d'Alençon se enfrentó a o rey Carlos V, o papa aproveitó pa promover a o suyo primo a la seu de Roan, y pa fer-le cardenal con títol de Sant Climent en o consistorio celebrau en aviento d'o mesmo anyo.
No disfrutó guaire tiempo d'a suya nueva dignidat: morió en Pisa en 1376, y fue apedecau en a Seu de Santa María d'ista mesma ciudat, d'a on posteriorment as suyas restas fuoron tresladadas enta a de Sant Chusto y Pastor de Narbona.
Vinclos externos[editar | modificar o codigo]
| Predecesor: Pero Aznar de Roda |
Arcebispe de Zaragoza 2 de marzo de 1345-10 de chinero de 1347 |
Succesor: Guillén d'Aigrefeuille |
| Predecesor: Gasbert de Valle |
Arcebispe de Narbona 10 de chinero de 1347–27 d'agosto de 1375 |
Succesor: Jean Roger de Beaufort |
| Predecesor: Felipe d'Alençon |
Arcebispe de Roan 27 d'agosto de 1375–20 d'aviento de 1375 |
Succesor: Guillaume de Lestranges |