Pero d'Atarés

De Biquipedia
Ir a la navegación Ir a la búsqueda
Pero d'Atarés
Sinyor d'Atarés y de Borcha
Naixencia 1083
Flag of Aragon.svg Atarés (Chacetania, Aragón)
Muerte 21 de febrero de 1152
Flag of Aragon.svg Borcha (Campo de Borcha, Aragón)
Enterreco Flag of Aragon.svg Monesterio de Veruela
Dinastía Dinastía Ximena
Pai Infant García
Mai Tresa Cajal

Pero d'Atarés, naixito d'Atarés (Chacetania) en 1083 y muerto en Borcha (Campo de Borcha) o 21 de febrero de 1152, estió un noble aragonés, fillo d'o Infant García y de Tresa Cajal, nieto de Sancho, fillo borde de Remiro I d'Aragón, miembro asinas d'a dinastía Ximena. Sinyor d'Atarés por herencio, recibió tamién o títol de sinyor de Borcha.

En 1146 estió o establidor d'o monesterio de Veruela con monches d'a Orden de Cistels[1] que veniban d'Occitania, d'o monesterio d'Escaladieu en Bonamason (hue Altos Pireneus). Su mai ya heba estato a fundadora de l'actual seu de Nuestra Sinyora d'a Huerta de Tarazona. Antiparte, se considera que ye tamién establidor d'a familia Borcha, que prenió l'apellito d'o sinyorío familiar en Borcha.

Cheronimo Zurita, en os suyos Anals d'a Corona d'Aragón, diz[1] que os aragoneses y navarros l'esleyoron rei d'Aragón a la muerte d'Alifonso I d'Aragón en estar nieto de Remiro I en cuentas d'esleir a Remiro II d'Aragón, encara que de tot ixo no bi ha garra atra constancia documental u noticia, considerando-se una falordia.

Vinclos externos[editar | editar código]

Referencias[editar | editar código]

  1. 1,0 1,1 (es) Alonso López de Haro: Nobiliario genealógico de los reyes y títulos de España, pachina 463.